វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 568 នាក់
ម្សិលមិញ 6001 នាក់
សរុប 13873398 នាក់
កំពង់ឆ្នាំង៖អាជ្ញាធរអាជ្ញាធរស្រុកកំពង់ត្រឡាចខេត្តកំពង់ឆ្នាំងបានចេញលិខិតជូនដំណឹងជាផ្លូវការមួយឲ្យម្ចាស់ផ្ទះដែលធ្វើរបងបិទផ្លូវសាធារណៈនោះរុះរើចេញដើម្បីដំណើរការធ្វើផ្លូវជូនប្រជាពលរដ្ឋ។ប៉ុន្តែម្ចាស់ផ្ទះដែលធ្វើរបងបិទផ្លូវនោះមិនបានព្រមរុះរើចេញតាមសេចក្ដីជូនដំណឹងរបស់អាជ្ញាធរស្រុកកំពង់ត្រឡាចនោះទេថែមទាំងបានរៀបឥដ្ឋធ្វើរបងថ្មបិទផ្ជិតផ្លូវនោះទាំងស្រុងតែម្ដង ។
ប្រជាពលរដ្ឋនៅភូមិដើមពពេលដែលរងនូវការលំបាកព្រោះគេធ្វើរបងបិទផ្ជិតផ្លូវនោះបានប្រាប់អ្នកយកព័ត៌មានយើងថា៖ នៅមុនអាជ្ញាធរស្រុកចេញសេក្ដីជូនដំណឹងអោយម្ចាស់ផ្ទះ៣គ្រួសារដែលបានធ្វើរបងបិទផ្លូវនោះ ផ្លូវនោះនៅមិនទាន់រៀបឥដ្ឋបិទរបងភ្ជិតនៅឡើយគឺនៅត្រឹមតែរបងលួសបន្លានៅឡើយតែ ដល់ពេលដែលឃើញអាជ្ញាធរស្រុកកំពង់ត្រឡាចចេញលិខិតជូនដំំណឹងអោយរុះរើចេញរបងលួសបន្លានោះចេញស្រាប់តែម្ចាស់ផ្ទះដែលធ្វើរបងបិទផ្លូវសាធារណៈទាំង៣គ្រួសារនោះបានរើបងលួសបន្លាចេញហើយរៀបឥដ្ឋស៊ីម៉ង់ត៍បិទផ្ជិតផ្លូវសាធារណៈនោះតែម្ដងហាក់បីដូចផ្គើនទៅនឹងសេចក្ដីជូនដំណឹងរបស់អាជ្ញាធរស្រុកកំពង់ត្រឡាចផងដែរ។
នៅក្នុងខ្លឹមសារនៃលិខិតជូនដំណឹងរបស់អាជ្ញធរស្រុកនោះបានស្នើអោយម្ចាញផ្ទះ៣គ្រួសារដែលបានធ្វើរបងបិទផ្លូវសាធារណៈរុះរើចេញដោយទុកពេលវេលាអោយរយៈពេល១ខែចាប់ពីថ្ងៃទី០៩ខែមករាឆ្នាំ២០២០ដល់ថ្ងៃទី០៩ខែកុម្ភៈឆ្នាំ២០២០បើម្ចាស់ផ្ទះទាំង៣គ្រួសារខាងលើមិនរុះរើរបងដែលធ្វើបិទផ្លូវសាធារណៈនោះចេញទេ អាជ្ញានិងបង្កើតគណៈការចម្រុះចុះរុះរើចេញជូនប៉ុន្តែបើមានខូចខាតអាជ្ញាធរមិនទទួលខុសត្រូវក្នុងការចេញសំណងឡើយ។
ចំណែកម្ចាស់ផ្ទះទាំងគ្រួសារដែលធ្វើរបងបិទផ្លូវនោះបានលើកឡើងថាដំបូងពួកគាត់គ្រោងទុកផ្លូវអោយប៉ុន្តែទុកវៀងតាមព្រុំដីរវាងម្ចាស់ផ្ទះ៣គ្រសារខាងក្រោយនិងរោងម៉ាស៊ីនកិនស្រូវខាងមុខ ប៉ុន្តែឮថាខាងប្រជាពលរដ្ឋមិនព្រមចង់បានត្រង់។ចំណែកខាងប្រជាពលរដ្ឋបានលើកឡើងថា៖ពួកគាត់មិនទាមយកត្រង់ឬមិនត្រង់នោះទេសំខាន់អោយតែបានផ្លូវប្រើប្រាស់ព្រោះសព្វថ្ងៃពួកគាត់ជួបផលពិបាកក្នុងការធ្វើដំណើរខ្លាំងណាស់។
តើរឿងរ៉ាវទំនាស់បិទផ្លូវដ៏រ៉ាំរៃនៅភូមិដើមពពេលនេះអាជ្ញាអាចជួយរកដំណោយស្រាយជូនប្រជាពលរដ្ឋបានដែរឬយ៉ាងណានោះសូមតាមដានជាមួយអ្នកយកព័ត៌មានយើងដូចតទៅ។