បន្ទាប់ពីនៅមានដ្រូនហោះផ្គើនចូលទាហ៊ានអត់បាញ់សម្តេចតេជោប្រកាសឲ្យរង្វាន់២០ម៉ឺនដុល្លារមួយគ្រឿង
17-December-2025 / សន្តិសុខសង្គម
ភ្នំពេញ៖ នាយឧត្តមសេនីយ៍ផុតលេខផ្កាយមាស៥ សម្តេចតេជោ ហ៊ុន សែន បានចេញបញ្ជាជាថ្មីឲ្យបំពាក់បន្ថែមកាំភ្លើងយន្តគ្រប់ប្រភេទ បាញ់កម្ទេចយន្តហោះគ្មានមនុស្សបើក(ដ្រូន)របស់បច្ចាមិត្តហោះឈ្លានពានចូលដីកម្ពុជាបន្ទាប់ពីមានយានមានដ្រូន ៥ គ្រឿង បន្តផ្គើនហោះចូលមកកម្ពុជានៅស្រុកកោះញ៉ែក ខេត្តមណ្ឌលគិរី នៅយប់ថ្ងៃទី ២៧ ខែមិថុនា ឆ្នាំ ២០២៣ ។
ថ្លែងជាសាធារណៈក្នុងឱកាសជួបកម្មករកម្មការិនីនៅព្រៃស្ពឺជាយរាជធានីភ្នំពេញសម្ដេចនាយឧត្តមសេនីយ៍ផុតលេខផ្កាយមាស៥បញ្ជាក់ថា «យប់មិញមក ៥ គ្រឿងទៀត សូម្បីអស់លោក បាញ់១គ្រាប់ក៏អត់ផ្ទុះដែរ! អស់លោកធ្វើមេទ័ពស្លូតពេកហើយ គេហោះចូលដីយើងប៉ុន្មានថ្ងៃហើយ អស់លោកយកត្រឹម សេកាសេ(CKC) បាញ់ កាំភ្លើងទៅណាអស់ទៅអាធុនធំ?!»។សម្ដេចនាយឧត្តមសេនីយ៍តេជោហ៊ុនសែន បានចេញបញ្ជាបន្ថែមទៅកាន់កងទ័ពឲ្យដំឡើងកាំភ្លើងគ្រប់ធុនដែលមានកាំភ្លើងយន្ត ដេសេអា (DCA) បន្ថែមបាញ់ដ្រូនទម្លាក់ចាប់ពីយប់នេះទៅដោយប្រើយុទ្ធសាស្ត្រសំណាញ់មេឃដែលជាក្បួនរបស់សម្ដេច។
សម្ដេចនាយឧត្តមសេនីយ៍ផុតលេខផ្កាយមាស៥ ក៏បានប្រកាសព្រមានថា ប្រទេសណាក៏ដោយដែលឲ្យយន្តហោះគ្មានមនុស្សបើកមកធ្វើសកម្មភាពឈ្លានពានកម្ពុជា និងធ្វើភេរវកម្មលើទឹកដីកម្ពុជា ប្រសិនបើស៊ើបអង្កេតបាន កម្ពុជានឹងប្ដឹងទៅអង្គការសហប្រជាជាតិ ហើយថា អង្គភាពណាបាញ់ធ្លាក់ដ្រូន ១ គ្រឿង ជូន ២០ ម៉ឺនដុល្លារអាម៉េរិក ដោយសម្ដេចចង់ដឹងថាដ្រូននោះចេញពីប្រទេសណា។
វត្តមានដ្រូនហោះចេញពីដីវឿតណាមចូលស្រុកខ្មែរតែ សម្តេច ហ៊ុន សែន បានបញ្ជាក់ថា កម្លាំងដែលបំពានកម្ពុជា គឺជាកម្លាំងដែលកើតចេញពីលោក សម រង្ស៊ី និង កុក ស បានចុះហត្ថលេខាកន្លងទៅដែលជាមេខ្លោង សូមកុំគិតថា ជារឿងនយោបាយឲ្យសោះ រឿងសន្តិសុខជាតិ មិនមែនជារឿងធម្មតានោះទេ។ ហើយសម្តេចក៏បានអំពាវនាវឲ្យប្រជាពលរដ្ឋកុំមានការព្រួយបារម្ភ ដោយសង្គ្រាម មិនផ្ទុះនោះឡើយ។គេមិនដឹងថាតើហេតុអ្វីរឿងធំចឹងភាគីខាងវៀតណាមប្រាប់ថាគេមិនដឹង?តែបើតាមសកម្មជនហ្វេសប៊ុកលោកសុខសុគន្ធហៅចេមសុខបានព្រមានថាប្រយត្នវឿតណាមយកលេសរឿងកុកសវៃកម្ពុជា!។
សូមបញ្ជាក់ដែរថារឿងដ្រូននេះដែរប្រជាពលរដ្ឋក្នុងមូលដ្ឋានបានរាយការណ៍មកសមត្ថកិច្ចឲ្យដឹងថា៖នៅម៉ោងប្រមាណ៦ល្ងាច ថ្ងៃទី១៦ ខែមករាឆ្នាំ២០២០មានដ្រូនធ្លាក់លើទឹកដីខេត្តកោះកុង ដែលមានទទឹងពីចុងស្លាបម្ខាងទៅចុងស្លាបម្ខាងទៀតប្រវែងជាង៩ម៉ែត្រ ហើយមានបណ្ដោយប្រវែង៥ម៉ែត្រ។កាលនោះស្នងការខេត្តកោះកុង លោក សំឃិត វៀន បានឲ្យដឹងថា អាជ្ញាធរខេត្តកោះកុង បានបញ្ជូនសមត្ថកិច្ចចំនួន៣៥នាក់ ទៅប្រចាំការនៅទីតាំងមានធ្លាក់ដ្រូន ស្ថិតក្នុងភូមិព្រែកស្មាច់ ឃុំកោះស្តេច ស្រុកគិរីសាគរហើយ រង់ចាំមន្ត្រីស៊ីម៉ាក់មកដោះបំបែកដ្រូនជាបំណែកនាថ្ងៃស្អែក ដើម្បីបញ្ជូនមករាជធានីភ្នំពេញ ស្រាវជ្រាវបន្ត។
លោក សំឃិត វៀន ប្រាប់ថា៖ «យើងមិនទាន់សន្និដ្ឋានអ្វីបានទាំងអស់ ទាល់តែរង់ចាំក្រុមការងារបច្ចេកទេស លោកពិនិត្យ។ ទីតាំងកន្លែងកើតហេតុហ្នឹង វាមិននៅជាប់ព្រំដែនខ្មែរថៃទេ ចង់និយាយថា ពីទីតាំងទីរួមខេត្តមក ចូលមកខាងផ្ទៃក្នុងស្រុកស្រែអំបិលនេះទៅវិញទេ។ ឆ្ងាយពីព្រំដែនប្រទេសថៃ។ ទីតាំងដ្រូនធ្លាក់មានចម្ងាយប្រមាណ៧គីឡូម៉ែត្រ ពីតំបន់ដីសម្បទានរបស់ក្រុមហ៊ុនញូញៀន [យូឌីជី]»។លោកស្នងការរូបនេះ បានបញ្ជាក់បន្ថែមថា ចំណោមក្រុមការងារទាំងពីរដែលបញ្ជូនមកពីរាជធានីភ្នំពេញ ក្រសួងការពារជាតិនឹងធ្វើជាម្ចាស់ករណីនេះ កាត់ផ្តាច់ពីក្រុមការងាររបស់អគ្គស្នងការនគរបាលជាតិ។រហូតមកទល់ថ្ងៃនេះដ្រូនដែលថ្លាក់នោះមិនត្រូវបានគេពន្យល់ថាជារបស់អ្នកណាមកពីណាមូលហេតុអីនោះឡើយ?៕
