វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6714 នាក់
ម្សិលមិញ 8227 នាក់
សរុប 14133595 នាក់
ភ្នំពេញ៖យុវជនម្នាក់ដាច់ជើងត្រឹមភ្លៅទាំងពីរដោយសារថភ្លើងកិនដាច់នៅ ខាងកើតផ្លូវហានណូយប្រហែល១០០ម៉ែត្រ ក្នុងភូមិចុងថ្នល់ខាងលិច សង្កាត់ទឹកថ្លា ខណ្ឌសែនសុខ រាជធានី ភ្នំពេញ នៅវេលាម៉ោង២ និង ៥០នាទី រំលងអធ្រាត្រចូល ថ្ងៃសៅរ៍ ថ្ងៃទី៦ ខែតុលា ឆ្នាំ២០១៨ ។
ជនរងគ្រោះ មានឈ្មោះ ផា រំ ចង ភេទប្រុស អាយុ១៨ឆ្នាំ ជនជាតិខ្មែរ មុខរបររោងចក្រ ស្នាក់នៅបន្ទប់ជួល ជិត កន្លែងកើតហេតុ មានស្រុកកំណើត ភូមិត្នោត ឃុំត្នោត ស្រុកស្វាយរៀង ខេត្តស្វាយរៀង (នៅលាវ) ។
សាច់ញាតិចនរងគ្រោះបានឲ្យដឹងថា ប្អូនថ្លៃរបស់គាត់ មកពីជប់លៀងនៅកន្លែងធ្វើការ ដើម្បីឈប់សំរាកទៅស្រុក ចូលរួម បុណ្យភ្ជុំបិណ្ឌ ជាប្រពៃណីរបស់ខ្មែរ ។ ស្រាប់តែស្រវឹងស្រា ក៏ទៅដេកគងជើងលើផ្លូវរថភ្លើងដោយគ្មាន អ្នកណាចាប់អារម្មណ៍នោះទេ ។
លុះនៅវេលាម៉ោងកើតហេតុ មានរថភ្លើងដឹកសាំងមួយខ្សែ បើកមកពីខេត្ត កិនដាច់ជើងប្អូនថ្លៃរបស់គាត់ ត្រឹមភ្លៅទាំងពីរ និង ដាច់ម្រាមដៃខាងស្ដាំ អស់មួយម្រាមទៀត គួរឲ្យរន្ធត់និងសង្វែកណាស់ ទើប បង្កការភ្ញាក់ផ្អើល ភ្លាមៗប្រជាពលរដ្ឋ ហៅរថយន្តសង្គ្រោះមន្ទីរពេទ្យព្រះកុសុមៈ មកដឹកយកជនរងគ្រោះ យកទៅ សង្គ្រោះ នៅ មន្ទីរពេទ្យ ៕