មេបញ្ជាការរងនៃបញ្ជាការដ្ឋានអាវុធហត្ថហត្ថខេត្តបន្ទាយមានជ័យនិងគូកនម្នាក់ឈ្មោះឆយ រដ្ឋនាត្រូវបានឃាត់ខ្លួនក្រោយមានការបើកការស៊ើបអង្គេតដោយគណកម្មការចំពោះកិច្ច ?
26-March-2024 / សន្តិសុខសង្គម
បន្ទាយមានជ័យ៖ ករណីធ្វើទារុណកម្មលេីពលរដ្ឋ៥នាក់បណ្តាលអោយស្លាប់ម្នាក់និងរងរបួសយ៉ាងតំណំនៅខេត្តបន្ទាយមានជ័យកាលពីថ្ងៃទី០១ខែមករាឆ្នាំ២០២០កន្លងទៅថ្មីៗនេះ។ ការស្លាប់របស់សកម្មជនដីធ្លី ឈ្មោះទុយ ស្រស់អាយុ៣៤ឆ្នាំរបាយការណ៍ដែលចេញដោយរដ្ឋបាលសាលាខេត្តបន្ទាយមានជ័លោកអ៊ុំរាត្រី បានបំភ្លឺជូនសាធារណ:ជននិងប្រមុខរាជរដ្ឋាភិបាលថា ជនរងគ្រោះស្លាប់ដោយសារញៀនស្រា ។
រីឯមន្ត្រីពន្ធនាគារខេត្តបន្ទាយមានជ័យវិញលោកផ្កាយ២ អ៊ុង សុីផាន បានចេញរបាយការណ៏និងបំភ្លឺថា ជូនសាធារណជនថា៖ ជនរងគ្រោះស្លាប់ដោយសារខ្យល់គរ ។ ក្រោយឃើញរបាយការណ៏មិនស៊ីចង្វាក់បែបនេះធ្វើអោយ មន្ត្រីអង្គការសង្គមស៊ីវិលនៅខេត្តបន្ទាយមានជ័យ មានការសង្ស័យលើករណីស្លាប់ជនរងគ្រោះទើបពួកគេប្រមួលភស្តុតាង ពីក្រុមគ្រួសារជនរងគ្រោះនិងបុគ្គលពាក់ពន្ធ័ ។គាប់ជូនក្រុមអ្នកសារព័ត៌មានជាតិ និងអន្តរជាតិបានចុះផ្សាយកំរើកដល់ឋានព្រះឥន្ទ្រ ទើបធ្វើអោយដំណឹងនេះបានដឹងដល់សម្តេចនាយករដ្ឋមន្ត្រីលុះដល់ថ្ងៃទី១៤ខែមករា២០២០ ។
សម្តេចជោសែននាយករដ្ឋមន្ត្រីនៃព្រះរាជាណាចក្រកម្ពុជា បានបញ្ជាអោយ ឯកឧត្តមសៅ សុខា អគ្គបញ្ជាការរងកងយោធពលខេមរភូមិន្ទ និងជាមេបញ្ជាការកងរាជអាវុធហត្ថលេីផ្ទៃប្រទេសបើកការស៊ើបអង្គេតលេីភាពមិនប្រក្រតីនោះជាបន្ទាន់ ចំពោះករណីជនរងគ្រោះស្លាប់ឈ្មោះទុយ ស្រស់ ។ គណកម្មការចំពោះកិច្ចបានបេីកការស៊េីបអង្គេតយ៉ាងយកចិត្តទុកដាក់កាលពីថ្ងៃទី១៣ខែមករាឆ្នាំ២០២០កន្លងទៅ។ គណៈកម្មការបានចុះទៅជួបនិងជនរងគ្រោះ៤នាក់ដែលជាសាក្សី បានឃេីញហេតុការណ៏នៃអំពេីទារុណកម្មយ៉ាងព្រៃផ្សៃនោះ ។
ក្រោយប្រមួលភស្តុតាងបានគ្រប់ជ្រុងជ្រោយហេីយ គណៈកម្មការចំពោះកិច្ច បានកំណត់មុខសញ្ញាជនដែលត្រូវចោទ កាលពីថ្ងៃទី១៨ខែមករា គឺ មន្ត្រីកងរាជអាវុធហត្ថខេត្តបន្ទាយមានជ័យចំនួន០២នាក់ ម្នាក់ឈ្មោះ ស ប៊ុនសឿង ថ្នាក់វរសេនីយ៏ឯកទូនាទីជាមេបញ្ជាការរង ទទួលបន្ទុកប្រឆាំងគ្រឿងញៀន និងម្នាក់ទៀត ឈ្មោះ ឆយ រដ្ឋនា អនុសេនីយ៍ទោ មន្ត្រីការិយាល័យប្រឆាំងគ្រឿងញៀន ។ លុះនៅថ្ងៃទី១៩ខែមករាឆ្នាំ២០២០សំណុំរឿងបានដល់ដៃអយ្យការអមសាលាដំបូងខេត្តបន្ទាយមានជ័យចៅក្រមសេីបសួរបានសម្រេចឃុំខ្លួនជនត្រូវចោទទាំងពីរនាក់ ជាបណ្តោះអាសន្នបញ្ជូនទៅពន្ធខេត្តបន្ទាយមានជ័យ ។ សូមបញ្ជាក់ថា៖ឈ្មោះសប៊ុន សឿងមេបញ្ជាការរងនិងឈ្មោះ ឆយ រដ្ឋនា ត្រូវបានអយ្យការសម្រេចចោទប្រកាន់ពីបទហិង្សាដោយចេតនាមានស្ថានទម្ងន់ទោស និងហិង្សាដោយចេតនា ស្ថានទម្ងន់ទោសដោយសារមរណភាពនៃជនរងគ្រោះ តាមបញ្ញត្តិមាត្រា ២១៨ និងមាត្រា២២៤ នៃក្រមព្រហ្មទណ្ឌនៃព្រះរាជាណាចក្រកម្ពុជា ។
១ មាត្រា ២១៨ ស្ថានទម្ងន់ទោស អំពេីហិង្សាដោយចេតនាត្រូវផ្តន្ទាទោសដាក់ពន្ធនាគារពី២(ពីរ)ឆ្នាំទៅ៥( ប្រាំ)និងពិន័យជាប្រាក់បួនលានរៀលទៅ១០លានរៀលកាលបេីអំពេីហិង្សានេះបានប្រព្រឹត្ត៖ ១ ដោយមានការគិតទុកជាមុន ។ ២ ដោយប្រេីអាវុធឬគំរាមកំហែងនិងអាវុធ ។ ៣ ដោយមានមនុស្សច្រេីននាក់ក្នុងឋានជាចារី សហចារី អ្នកផ្តេីមគំនិត និងជាអ្នកសមគំនិត ។
២ មាត្រា ២២៤ ស្ថានទម្ងន់ទោសដោយសារមរណភាពនៃជនរងគ្រោះ អំពេីហិង្សាដោយចេតនាត្រូវផ្តន្ទាទោសដាក់ពន្ធនាគារ ពី៧ប្រាំពីរ)ឆ្នាំទៅ១៥(ដប់ប្រាំ)ឆ្នាំ កាលបេីអំពេីនេះបណ្តាលអោយជនរងគ្រោះស្លាប់ដោយគ្មានចេតនាសម្លាប់។ចំណែកក្រុមអ្នកច្បាប់និងអង្គការសង្គមសុីវិលលើកឡើងថាតុលាការគួរយកមាត្រា២០៤ នៃក្រមព្រហ្មទណ្ឌ ចែងថា បទឃាតកម្មដែលប្រព្រឹត្តដោយអ្នករាជការសាធារណៈ នៅក្នុងក្របខ័ណ្ឌនៃមុខងារ ឬនៅក្នុងឱកាសនៃការបំពេញមុខងាររបស់ខ្លួន ត្រូវផ្ដន្ទាទោសដាក់ពន្ធនាគារចាប់ពី ១៥ ទៅ ៣០ឆ្នាំ។ ទន្ទឹមនឹងនេះ មាត្រា ២០៥ នៃក្រមព្រហ្មទណ្ឌ កំណត់ថា ការធ្វើទារុណកម្មដោយអំពើឃោរឃៅ អំពើឃាតកម្មកើតឡើងក្នុងពេល ឬក្រោយពេលប្រព្រឹត្តអំពើទារុណកម្ម ត្រូវផ្ដន្ទាទោសដាក់ពន្ធនាគារអស់មួយជីវិត ៕
