វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2448 នាក់
ម្សិលមិញ 4292 នាក់
សរុប 14112147 នាក់
ខេត្តត្បូងឃ្មុំ ៖បុរសជាប្តីម្នាក់មិន្ត្រឹមតែគ្មនាសមត្តភាពរកស៊ីចិញ្ចឹមប្រពន្ធមួយមិនរស់ទេតែបែជាឲ្យប្រពន្ធទៅរកស៊ីលក់ផ្លូវភេទយកលុយមកចិញ្ចឹមខ្លួនវិញហើយមានពេលខ្លះប្រើហឹង្សាលើស្ត្រីជាប្រពន្ធទៀតប្រសិនបើដឹងថាប្រពន្ធដែលខ្លួប្រើឲ្យទៅលក់ខ្លួនហ៊ានដេកជាមួយភ្ញៀវ មានអត់ពាក់ស្រោម អនាម័យទេ?។
រឿងដែលសង្វេគគឺដោយសារភ័យខ្លាចនិងស្មោះត្រង់ប្រពន្ធបានឆ្លើយត្រង់ថា មានភ្ញៀវខ្លះមករួមភេទប្រើប្រាស់ស្រោមអនាម័យ ខ្លះទៀតមិនប្រើស្រោមអនាម័យ ធ្វើឲ្យប្តីខឹងទះកំផ្លៀងប្រពន្ធ១ដៃ និងបានយកច្រវាក់មកចងជើងប្រពន្ធហើយទាញជើងផុតពីរនាបផ្ទះម្ខាង១ម៉ែត្រ និងជើងម្ខាងទៀតនៅលើរនាប រួចយកអង្រែបុកគ្រឿងធ្វើទារុណកម្មវាយក្បាលជង្គង់ប្រពន្ធសងខាង និងបុកចំប្រដាប់ភេទបន្ថែមទៀត។ មិនតែប៉ុណ្ណោះ ថែមទាំងយកដែកកេះដុតរោមប្រដាប់ភេទ និងឡាមមកជួសដៃ ប្រពន្ធទាំងសងខាងទៀតផង ។
អំពើហិង្សាលើស្ត្រីចាប្រពន្ធយង់ឃ្នងនេះ ឮដល់សមត្ថកិច្ចមូលដ្ឋានហើយបាន ទៅធ្វើអន្តរាគមន៏ចាប់បុរសជាប្តីកំណាចនៅល្ងាច ថ្ងៃ ទី២៣ ខែកក្កដា ឆ្នាំ២០១៨ ស្ថិតនៅក្នុងចំការកៅស៊ូវាល៧០ ក្នុងភូមិឈូក ឃុំឈូក ស្រុកក្រូចឆ្មារ បញ្ជូនទៅឲ្យអយ្យការអមសាសាដំបូងខេត្តត្បូងឃ្មុំចាត់ការតាមច្បាប់ ។
លោកវរសេនីយ៏ត្រី វ៉ា សម្បត្តិ អធិការរងនគរបាលស្រុកក្រូចឆ្មារ បានឲ្យដឹងថា ប្តីកំណាចរូបនេះឈ្មោះ ហ៊ាង ស៊ាងខេង អាយុ៥១ឆ្នាំ ជាកម្មករជៀរជ័រកៅស៊ូ និងប្រពន្ធរងគ្រោះ ឈ្មោះ ស.ផ.ល អាយុ២៩ឆ្នាំ រស់នៅភូមិឃុំខាងលើ ដោយបានរស់នៅជាមួយគ្នាជាប្តីប្រពន្ធមិនទាន់រៀបការ ដោយប្តីជា បុរសជាប្តីពោះម៉ាយកូន១ និងស្ត្រីរងគ្រោះក៏មេម៉ាយកូន១ដូចគ្នាហើយបានយកគ្នាមិនបានរៀបការទេបាន៣ឆ្នាំ ។
តែដោយសារតែការរស់នៅជាមួយនឹងដំណាំកៅស៊ូកន្លះហិកតាចាយវាយមិនគ្រប់គ្រាន់សម្រាប់ដោះស្រាយជីវភាពគ្រួសារ បុរសជាប្តីក៏បានអនុញ្ញាតឲ្យប្រពន្ធទៅរកស៊ី ផ្លូវភេទ នៅមង់រៀវ ស្រុកត្បូងឃ្មុំ ជាប់នឹងផ្លូវជាតិលេខ៧ ដែលក្នុង១ថ្ងៃទទួលបានកម្រៃ៥ទៅ៦ម៉ឺនរៀលហើយមានការចែកភាគរយជាមួយនឹងម៉ែយ៉ែម ឬជួនកាលបានក្រោមនេះក៏មានដែរ ដើម្បីយកលុយមកដោះស្រាយជីវភាពក្នុងគ្រួសារ ។
លុះមកដល់ថ្ងៃទី២៣ ខែកក្កដា ឆ្នាំ២០១៨ ពេលយប់ប្តីបានបានសួរនាំប្រពន្ធរឿងទទួលភ្ញៀវដែលមករួមភេទជាមួយ តើមានឲ្យភ្ញៀវពាក់ស្រោមទេ? ប្រពន្ធបានឆ្លើយតាមត្រង់ថា មានភ្ញៀវខ្លះប្រើប្រាស់ស្រោមអនាម័យ ខ្លះទៀតមិនប្រើស្រោមអនាម័យទេ ។ ចម្លើយបែបនេះហើយទើបធ្វើឲ្យប្តីកំណាចធ្វើទារុណកម្មលើប្រពន្ធ ដូចការរៀបរាប់ខាងលើតែម្តង ។
ប្រការដែលគួឲ្យអាណិត ក្រោយពី ប្តីបានដេកលក់បាត់លុះម៉ោង១២ថ្ងៃត្រង់ប្រពន្ធបានលួចស្រាយចំណងហើយដើរចុះពីលើផ្ទះដោយថ្នមៗមកពួនក្នុងព្រៃចំការដំឡូង។លុះមកដល់ល្ងាចថ្ងៃទី២៣ ខែកក្កដា ឆ្នាំ២០១៨ សមត្ថកិច្ចបានដឹងពីករណីនេះ លោកឧត្តមសេនីយ៏ទោ បែន រ័ត្ន ស្នងការនគរបាលខេត្ត ក៏បានចាត់កម្លាំងឲ្យចុះទៅកន្លែងកើតហេតុ និងបានចាប់ខ្លួនបុរសជាប្តីយកទៅចាត់ការតាមច្បាប់។
នៅព្រឹកថ្ងៃទី២៥ កក្កដា សមត្តកិច្ចបានបញ្ជូនបុរសជាប្តីទៅឲ្យអយ្យការអមសាលាដំបូងខេត្តចាត់ការតាមច្បាប់ឯស្ត្រីជាប្រពន្ធវិញត្រូវបានសមត្ថកិច្ចនាំទៅសង្គ្រោះនៅមន្ទីរពេទ្យបង្អែកស្រុកក្រូចឆ្មារទាំងអាការៈរបួសពេញខ្លួន ៕