វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 9791 នាក់
ម្សិលមិញ 8227 នាក់
សរុប 14136672 នាក់
ភ្នំពេញ៖នៅព្រឹកថ្ងៃប្រហស្បតិ៍ ១៤រោច ខែបុស្ស ឆ្នាំកុរ ឯកស័ក ព.ស ២៥៦៣ ត្រូវនឹងថ្ងៃទី២៣ ខែមករា ឆ្នាំ២០២០ ឯកឧត្ដម នាយឧត្តសេនីយ៍ គៀត ច័ន្ចថារិទ្ធ អគ្គនាយក នៃអគ្គនាយកដ្ឋានអន្តោប្រវេសន៍ បានអញ្ជើញចូលរួមកិច្ចប្រជុំ ឆ្លងរបាយការណ៍ បូកសរុបលទ្ធផលប្រណាំង អនុវត្តគោលនយោបាយ ភូមិ-ឃុំ មានសុវតិ្ថភាព ប្រចាំឆ្នាំ២០១៩ ក្រោមអធិបតីភាព ឯកឧត្ដម សក់ សេដ្ឋា រដ្ឋលេខាធិការក្រសួងមហាផ្ទៃ នៅទីស្តីការក្រសួងមហាផ្ទៃ។
កិច្ចប្រជុំនេះដែរ ក៏មានការអញ្ជើញចូលរួមពីសំណាក់ ឯកឧត្តម រដ្ឋលេខាធិការ, អនុរដ្ឋលេខាធិការ ក្រសួងមហាផ្ទៃ, អគ្គស្នងការរង, អភិបាលខេត្ត, ស្នងការនគរបាលខេត្ត និងមន្ត្រីពាក់ព័ន្ធមួយចំនួនទៀត។អង្គប្រជុំនាពេលេនះ ក៏បានពិនិត្យឡើងវិញ នូវការអនុវត្តន៍គោលនយោបាយ ភូមិ-ឃុំ មានសុវតិ្ថភាព ទាំង ០៩ចំណុច ដែលរាជរដ្ឋាភិបាល បានការដាក់ចេញនូវគោលនយោបាយ ភូមិ-ឃុំមានសុវត្តិភាព ដើម្បីអនុវត្តចាប់ពីចុងឆ្នាំ២០១០កន្លងមក គឺដើម្បីគាំទ្រដល់វិស័យសន្តិសុខជាតិ ដែលគោលនយោបាយនេះ ត្រូវបានក្លាយជាចលនាជាតិ ទទួលបានការគាំទ្រ ពីជនគ្រប់រូបនៅទូទាំងប្រទេស និងមានចូលរួមពីគ្រប់មជ្ឈដ្ឋាន សហគមន៍ ព្រមទាំងបានធ្វើឲ្យបរិយាកាសសន្តិសុខ សណ្តាប់ធ្នាប់សង្គម កាន់តែមានភាពល្អប្រសើរ ជាលំដាប់ ហើយប្រជាពលរដ្ឋរស់នៅ ដោយភាពសុខសាន្តផងដែរ។
សូមបញ្ជាក់ផងដែរថា ការរួមចំណែកអនុវត្តកម្មវិធីនយោបាយ និងយុទ្ធសាស្ត្រចតុកោណដំណាក់កាលទី៤ របស់រាជរដ្ឋាភិបាលឲ្យទទួលបានលទ្ធផល កាន់តែត្រចះត្រចង់ថែមទៀត នាឆ្នាំ២០១៩កន្លងទៅ ក្រុមប្រឹក្សាប្រឡងប្រណាំងអនុវត្តគោលនយោបាយ “ភូមិ-ឃុំ មានសុវត្តិភាព ក្រោមការដឹកនាំរបស់ក្រសួងមហាផ្ទៃ បានប្រមូលផ្ដុំដឹកនាំ ប្រកបដោយស្មារតីទទួលខុសត្រូវខ្ពស់ និងសម្រេចបាននូវលទ្ធផលគួរឲ្យកត់សម្គាល់ តាមរយៈការងារផ្សព្វផ្សាយផែនការ, ការរៀបចំវេទិកាសាធារណៈ, ការកសាងចលនាប្រជាការពារ, ការងារពង្រឹងប៉ុស្តិ៍នគរបាលរដ្ឋបាលឃុំ-សង្កាត់ ជាដើម៕ អត្ថបទ និង រូបភាព អគ្គនាយកដ្ឋានអន្តោប្រវេសន៍