» អ្នកលេង​គុន​ខ្មែរ ព្រំ សំណាង ផ្ដួល​ជើង​ខ្លាំងរ​អង់គ្លេស Thomas លើស​ង្វៀន Thai Fight ទឹក​ទី​១ » ចិន​ប្រតិកម្ម​បន្ទាប់ពី​អាមេរិក​បាញ់​ទម្លាក់​បាល់​ឡុង​ហោះ​ » ឃើញ​ខាង​ស្រី​ឲ្យ​ដៃ​នាំគ្នា​ចូល​បន្ទប់​បី​ថ្ងៃ​បាន​២៣​ដង​ត្រូវ​ប៉ូលិស​វ៉ៃខ្នោះ​ » បុរស​ម្នាក់​សម្លាប់​ស្រី​ស្នេហ៍​បើកឡាន​ទម្លាក់​ទឹក​ហើយ​ឡើង​ចងក​ធ្វើអត្តឃាត​ចោល​ប្រពន្ធ​និង​កូន​ » ធនាគារជាតិ និង​នគរបាលជាតិ ប្រកាស​ចាត់វិធានការ​តឹងរ៉ឹង​តាមផ្លូវ​ច្បាប់ ដល់​ការផ្តល់​ឥណទាន​ខុសច្បាប់​បន្ទាប់ពី​មានការ​រអ៊ូ​ពី​សហជីព​ » ឈ្មួញ​ជីកដី​ស្រះ​បុរាណ​មួយ​នៅ​សៀមរាប​ជម្រៅ​ជាង​១០​ម៉ែត្រ​អាជ្ញាធរ​ឆ្លើយ​ឡេ​ម​ឡំ​ធើ​មិនដឹង​? » រុស្ស៊ី​កំពុង​រៀបចំ​ប្រតិបត្តិការ​សឹក​ថ្មី​មួយ​ដើម្បី​រំលឹក​ដល់​ថ្ងៃ​នៃ​ការចាប់ផ្តើម​សង្គ្រាម​និង​គម្រាម​អ៊ីស្រាអែល​បើ​ហ៊ាន​ជួយ​អ៊ុយ​ក្រែ​ន » ឧបនាយករដ្ឋមន្ត្រីប្រាក់​សុខុន​៖​គោល​យោ​បាយ​ការបរទេស​កម្ពុជា​គឺ​ឯករាជ្យ​និង​ផ្អែកលើ​ច្បាប់​ » បញ្ជូន​អតីត​មេដឹកនាំ​ខ្មែរក្រហម​ដែល​នៅសល់តែ​ម្នាក់​ទៅ​ដាក់គុក​នៅ​ខេត្តកណ្តាល​ » បាត់​មុខ​មួយរយៈ​ធំ​ពី​ធី​ការ​រិ​នី​ឌួង​ហ្សូ​លីដា​បង្ហាញ​ភាព​ក្រអឺតក្រទម​បង្ក​ឲ្យ​មានកា​រិះគន់​ពី​អ្នកលេង​បណ្តាញ​សង្គម​ » រុស្ស៊ី​ចង់​ជម្រុញ​ទំនាក់ទំនង​ជាមួយ​ចិន​ឡើងដល់​ក្រឹ​ត​កម្ពស់​ថ្មីកម្មពីលោកខាងលិច » ក្រសួងកសិកម្ម ចុះ​កំណត់​ទីតាំង និង​ឧបករណ៍​នេសាទ​លៀស​ក្នុង​ខេត្តកំពង់ឆ្នាំង​ » បង្ក្រាបបាន​ក្រុមចោរ​៣​នាក់ ពេល​កំពុង​លួច​ត្រង់​ស្វ័​រ​អគ្គីសនី​របស់​រដ្ឋ នៅ​ឃុំ​បិត​ត្រាំ​ង ស្រុក​ព្រៃនប់ ខេត្ត​ព្រះសីហនុ​ » ក្មេងប្រុស​កម្ពុជា​ដែល​ទទួល​ការវះកាត់​បេះដូង​នៅ​កូរ៉េ​ទទួលបាន​កិត្តិយស​ចូលមក​កាន់​ការិយាល័យ​ប្រធានាធិបតី​ » រដ្ឋមន្ត្រី​សុខាភិបាល ស្នើ​ឲ្យ​ចាត់វិធានការ​ចំពោះ​រថយន្ដ​គិលានសង្គ្រោះ​ដែល​ឈរជើង​ប្រចាំការ​តាម​ដងផ្លូវ​គ្មាន​ការអនុញ្ញាត​

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 4007 នាក់

ម្សិលមិញ 3845 នាក់

សរុប 12121686 នាក់

ព្រះមហាក្សត្រ​ស​សើរ​សម្តេច​តេ​ជោ​និង​ឧទ្ទិស​រុក្ខទិវា​ជាការ​នាំគ្នា​ដាំ​និង​ការពារ​ដើមឈើ​និង​សត្វព្រៃ​


​បាត់ដំបង​៖ ព្រះករុណា ព្រះបាទ សម្តេចព្រះ​បរមនាថ នរោត្តម សីហមុនី ព្រះមហាក្សត្រ​នៃ​ព្រះរាជាណាចក្រ​កម្ពុជា​ក្នុងឱកាស​ដែល​ព្រះអង្គ​សព្វព្រះរាជហឫទ័យ​យាង​ជា​ព្រះរាជាធិបតី​ប្រារព្ធ​ព្រះរាជ​ពិធី «​រុក្ខទិវា ៩ កក្កដា​» ដែល​ប្រារព្ធ​ធ្វើឡើង​នៅ​ស្ថានីយ​ផ្សព្វផ្សាយ និង​ស្តារ​ព្រៃឈើ​នៅ​ភូមិ​សំបួរមាស ឃុំ​ស្នឹង ស្រុក​បាណន់ ខេត្តបាត់ដំបង​ព្រះអង្គ​បាន​កោតសរសើរ​សម្ដេច​តេ​ជោ ហ៊ុន សែន នាយករដ្ឋមន្ត្រី​នៃ​កម្ពុជា ដែល​បាន​ដឹកនាំ​ប្រទេស​ប្រកបដោយ​ភាព​ឆ្លាត​វៃ ធ្វើឱ្យ​កម្ពុជា​ទទួលជោគជ័យ​លើ​ការប្រយុទ្ធ​ប្រឆាំងនឹង​ជំងឺ​កូ​វីដ​១៩​។ «​ខ្ញុំព្រះករុណា ខ្ញុំ ពិត​ជាមាន​សេចក្តី​រីករាយ និង​សូម​កោតសរសើរ សម្តេច​អគ្គមហាសេនាបតី តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ដែល​តាំងពី​ប្រទេស​កម្ពុជា​យើង​ទទួលរង​នូវ​បរិបទ​ជំងឺ​កូ​វីដ​-១៩ បាន​ដឹកនាំ​ដ៏​វៃឆ្លាត​ប៉ិនប្រសប់ និង​គ្រប់គ្រង​ដោះស្រាយបាន​នូវ​ជ័យជម្នះ​យ៉ាង​ត្រចះត្រចង់​ក្នុងការ​ប្រយុទ្ធ​ទប់ទល់​ដោយ​ជោគជ័យ​ប្រឆាំង​ការ​រាតត្បាត​នៃ​ជំងឺ​កូ​វីដ​-១៩ នេះ នៅក្នុង​សង្គមជាតិ​កម្ពុ​ជា​»​។​a king tree6 

​ព្រះមហាក្សត្រ​មាន​ព្រះបន្ទូល​បន្តថា «​អាស្រ័យ​ដោយ​ជ័យជម្នះ​ដ៏​ប្រសើរ​នេះ រាល់​សកម្មភាព​នៃ​សង្គម​បាន​ងើប ឡើងវិញ ហើយ​បាន​ចាប់ដំណើរការ​ការងារ​ជា​បណ្តើរៗ​លើ​គ្រប់​វិស័យ ។ ជាពិសេស​នៅពេលនេះ យើង​បាន​ប្រារព្ធ​ពិធី រុក្ខទិវា ឡើងវិញ បន្ទាប់ពី​អាក់ខាន​អស់​រយៈពេល​ពីរ​ឆ្នាំ​កន្លងទៅ​» ។​ជាមួយបន្ទូលថ្លែងអំណរគុណ​ព្រះមហាក្សត្រ​ព្រះអង្គ​បាន​ឧ​ទ្ទឹ​ស​ព្រះរាជ​ពិធី «​រុក្ខទិវា​»​សម្រាប់​ប្រជាពលរដ្ឋ​រួមគ្នា​ដាំ​ដើមឈើ​ការពារ​ព្រៃឈើ​និង​សត្វព្រៃ​ផងដែរ​។​

​សម្តេច​វិបុល​សេនា​ភក្តី សាយ ឈុំ ប្រធានព្រឹទ្ធសភា សម្តេច​បញ្ញា​ចក្រី ហេង សំរិន ប្រធានរដ្ឋសភា សម្តេច​ក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រី​ក្រសួងមហាផ្ទៃ ព្រមទាំង​សមាជិក​ព្រឹទ្ធសភា រដ្ឋសភា មន្ត្រីជាន់ខ្ពស់​រាជរដ្ឋាភិបាល ព្រមទាំង​ថ្នាក់ដឹកនាំ និង​មន្ត្រីរាជការ​ក្នុង​ខេត្តបាត់ដំបង​ផងដែរ​បាន​ចូលរួម​ក្នុង​ព្រះ​រាជពិធី «​រុក្ខទិវា​»​នៅ​ស្រុក​បាណន់​ក្រោម​ព្រះរាជធិបតី​ព្រះមហាក្សត្រ​ផងដែរ​។​​ក្រសួងកសិកម្ម រុក្ខាប្រមាញ់ និង​នេសាទ បានឱ្យដឹងថា ការ​ប្រារព្ធ​ពិធី «​រុក្ខទិវា​» ឆ្នាំ​២០២២​នេះ ក្រសួងកសិកម្ម រុក្ខាប្រមាញ់ និង​នេសាទ បាន​សហការ​ជាមួយ​គណៈកម្មាធិការ​ជាតិ​រៀបចំ​បុណ្យជាតិ​-​អន្តរជាតិ និង​អាជ្ញាធរខេត្ត​បាត់ដំបង ដោយបាន​ជ្រើស​រើសយក​ទីតាំង​ប្រារព្ធ​ពិធី​នៅ​ស្ថានីយ​ផ្សព្វផ្សាយ និង​ស្តារ​ព្រៃឈើ​នៅ​ភូមិ​សំបួរមាស ឃុំ​ស្នឹង ស្រុក​បាណន់ ខេត្តបាត់ដំបង​។

​ស្ថានីយ​ដាំ​កូនឈើ​នេះ ត្រូវបាន​បង្កើតឡើង​តាមរយៈ​ប្រកាស​របស់​ក្រសួងកសិកម្ម រុក្ខាប្រមាញ់ និង​នេសាទ លេខ​២៦៧ ប្រក​.​កសក ចុះ​ថ្ងៃទី​១២ ខែមេសា ឆ្នាំ​២០១៧ ក្នុង​គោលបំណង​ដាំ​ស្តារ​ព្រៃឈើ​ឡើងវិញ អភិវឌ្ឍន៍​ជីវៈចម្រុះ រួមចំណែក​កាត់បន្ថយ​ឧស្ម័ន​ផ្ទះ​កញ្ចក់​លើ​ភពផែនដី ទប់ស្កាត់​ការប្រែប្រួល​អាកាសធាតុ និង​ទ្រទ្រង់​សកម្មភាព​ផ្សេងៗ​ជាច្រើន​ទៀត សម្រាប់​ផលប្រយោជន៍​របស់​ប្រជា​សហគមន៍​។​
​ផ្ទៃដី​ប្រារព្ធ «​រុក្ខទិវា​» នាពេលនេះ មាន​ទំហំ ១០​ហិកតា នៃ​ផ្ទៃដី​ស្ថានីយ​ផ្សព្វផ្សាយ និង​ស្តារ​ព្រៃឈើ​សំបួរមាស​ទំហំ ២៦.១៣​ហិកតា ហើយ​កូនឈើ​ដែល​ត្រូវ​យកមក​ដាំ​មាន​ដើម​ធ្នង់ ច្រេស គីនីន គ្រញូង ឈើទាល និង​ម៉ៃសាក់ សរុប​ទាំងអស់​ចំនួន ១៣,៩៤០​ដើម និង​បាន​ត្រៀម​កូនឈើ​សម្រាប់​ដាំ​ជួស​មួយចំនួនទៀត​។​

«​រុក្ខទិវា​» ជា​ទិវា​មួយ​ដែល​ត្រូវបាន​ប្រារព្ធ​ធ្វើឡើង ដើម្បី​ជំរុញ​ចលនា​ដាំ​ដុះ​ឡើងវិញ​នូវ​កូនឈើ និង​បំផុសស្មារតី​ស្រឡាញ់​ព្រៃឈើ ធនធានធម្មជាតិ​ក្នុងសង្គម ឈានទៅ​ការចូលរួម​ថែរក្សា ការពារ និង​បញ្ចប់​ការកាប់បំផ្លាញ​ព្រៃឈើ និង​ធនធានធម្មជាតិ ត្រូវបាន​បង្កើតឡើង​តាម​ព្រះរាជក្រឹត្យ​លេខ​៧៣៨ នស​.​រកត ចុះ​ថ្ងៃទី​០៨ ខែ​សីះ​ា ឆ្នាំ​១៩៥២ ក្រោម​ព្រះរាជ​ត​ម្រេះ​របស់​សម្តេច នរោត្តម សីហនុ ព្រះវររាជបិតា ព្រះ​បរម​រតន​កោដ្ឋ និង​ព្រះមហាក្សត្រី នរោត្តម មុនិនាថ សីហនុ ព្រះវររាជ​មាតា​ជាតិខ្មែរ​។​​ទិវា​នេះ ត្រូវបាន​ខកខាន​ក្នុងការ​ប្រារព្ធ​បន្ទាប់ពី​ប្រទេស​កម្ពុជា បាន​ជួប​នូវ​វិបត្តិ​នយោបាយ និង​សង្គ្រាម ក្រោយ​ថ្ងៃ​រដ្ឋប្រហារ ថ្ងៃទី​១៨ ខែមីនា ឆ្នាំ​១៩៧០​។ រាជរដ្ឋាភិបាល​កម្ពុជា បានប្រកាស​បង្កើតឡើង​វិញ​នូវ «​រុក្ខទិវា​» តាម​សេចក្តីសម្រេច​លេខ​០៨ ស​.​ស​.​រ ចុះ​ថ្ងៃទី​១២ ខែមករា ឆ្នាំ​១៩៩០ របស់​ក្រុមប្រឹក្សារដ្ឋមន្ត្រី ដែល​ត្រូវ​ប្រារព្ធ​ឡើង​នៅ​ថ្ងៃទី​០៩ ខែកក្កដា ហើយ​ច្បាប់​ស្តីពី​ព្រៃឈើ​ឆ្នាំ​២០០២ បានកំណត់​ទិវា​ពលកម្ម​ដាំ​ដើមឈើ​ជា​ប្រពៃណីជាតិ ហៅ «​រុក្ខទិវា​» នេះ​នៅ​ថ្ងៃទី​០៩ ខែកក្កដា ជា​រៀងរាល់ឆ្នាំ​។​a king tree3 a king tree4 a king tree5