វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2922 នាក់
ម្សិលមិញ 6501 នាក់
សរុប 13951477 នាក់
ភ្នំពេញ ៖ ប្រជាពលរដ្ឋប្រមាណ១០០គ្រួសារស្ថិតនៅភូមិស្នួលខ្ពស់ សង្កាត់កំបូល ខណ្ឌកំបូល រាជធានីភ្នំពេញ បានសម្តែងការព្រួយបារម្ភពីការបាត់បង់ដីរបស់ខ្លួនដោយសារសំណង់ផ្លូវល្បឿនលឿពីរាជធានីភ្នំពេញឆ្ពោះទៅកាន់ខេត្តព្រះសីហនុ។
កាលពីថ្ងៃទី១៥ ខែធ្នូ ឆ្នាំ២០១៩ពួកគាត់ បានអំពាវនាវស្នើសុំការជួយអន្តរាគមន៍ពីសំណាក់សម្តេចតេជោ ហ៊ុន សែន ជួយដោះស្រាយ ។ដីដែលរងផលប៉ះពាល់នោះគឺជាប្រភេទដីឡូតិ៍ ដែលពួកគាត់បានទិញពីក្រុមហ៊ុនឯកជនមួយក្នុងតម្លៃចាប់ពី ៤,០០០ដុល្លារអាមេរិកដល់ជាង១០,០០០ដុល្លារអាមេរិក និងមានប្លង់រឹងត្រឹមត្រូវ ដែលចេញដោយអាជ្ញាធរ។ ប្រភពបានបន្ថែមថា ក្នុងចំណោមនោះក៏មានខ្លះបានបញ្ចាំប្លង់ដីនៅឯស្រុកកំណើតទៅខ្ចីលុយធនាគារ ដើម្បីទិញដីឡូតិ៍ដើម្បីក្នុងការសាងសង់ផ្ទះបើកអាជីវកម្មរកស៊ី តែក្រោយពេលទិញដីរួចរាល់ហើយ ទើបអាជ្ញាធរមូលដ្ឋានប្រាប់ពីការប៉ះពាល់គម្រោងផ្លូវល្បឿនលឿន។
ពួកគាត់ក៏សូមសំណូមពរជូនចំពោះសម្តេចតេជោ ហ៊ុន សែន មេត្តាជួយអន្តរាគមន៍ដោះស្រាយករណីសំណងនេះផង ព្រោះពួកគាត់សព្វថ្ងៃមានអ្នកខ្លះកំពុងជួលផ្ទះគេស្នាក់នៅប្រកបរបរជាកម្មកររោងចក្រ និងខ្លះទៀតធ្វើសំណង់ជាដើម។ការពិតទៅវាជារឿងរបស់ក្រុមហ៊ុនទេដែលត្រូវទទួលសងលុយប្រជាពលរដ្ឋនោះ។
សូមបញ្ជាក់ថាគម្រោងសាងសង់ផ្លូវល្បឿនលឿនភ្នំពេញ-ក្រុងព្រះសីហនុ មានប្រវែងសរុបជាង ១៩០គីឡូម៉ែត្រ។ ផ្លូវនេះឆ្លងកាត់ពីភ្នំពេញប្រវែង៨.៣០គីឡូម៉ែត្រខេត្តកណ្តាល ប្រវែង ៩.១០គីឡូម៉ែត្រ ខេត្តកំពង់ស្ពឺប្រវែង ៨០.៨០គីឡូម៉ែត្រ ខេត្តកោះកុងប្រវែង ១.៩២គីឡូម៉ែត្រ និងខេត្តព្រះសីហនុប្រវែង ៨៩.៨៩គីឡូម៉ែត្រ ដែលចំណាយថវិកាសាងសង់សរុបប្រមាណ ២,០០០លានដុល្លារអាមេរិកដោយក្រុមហ៊ុនចិន។