វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3031 នាក់
ម្សិលមិញ 5378 នាក់
សរុប 14082324 នាក់
អេស្បាញ៖សហភាពអឺរ៉ុប តាមរយៈតំណាងទទួលបន្ទុកផ្នែកគោលនយោបាយសន្តិសុខ និងកិច្ចការបរទេស បានជំរុញឲ្យភាគីកម្ពុជា គិតគូរឡើងវិញ ពីការស្តារស្ថានភាពនយោបាយ។ លោក លើកពីបញ្ហានយោបាយនេះ ។
គេហទំព័ររបស់សហភាពអឺរ៉ុប បានចុះផ្សាយឲ្យដឹងថា៖កាលពីថ្ងៃទី១៥ ខែធ្នូ ឆ្នាំ២០១៩ក្នុងជំនួបជាមួយលោក ប្រាក់ សុខុន រដ្ឋមន្ត្រីការបរទេសកម្ពុជា នៅទីក្រុងម៉ាឌ្រីដ ប្រទេសអេស្ប៉ាញ «លោកចូសេប( Josep) អនុប្រធានសហភាពអឺរ៉ុប បានរម្លឹកជាថ្មី អំពីសារសំខាន់របស់អាជ្ញាធរកម្ពុជា ក្នុងការចាត់វិធានការជាបន្ទាន់ ដើម្បីបើកចំហបរិយាកាសនយោបាយ និងបង្កើតលក្ខខណ្ឌចាំបាច់ ដល់គណបក្សប្រឆាំង ដែលគួរឲ្យទុកចិត្តបាននិងមានលក្ខណៈប្រជាធិបតេយ្យ ហើយចាប់ផ្តើមដំណើរការផ្សះផ្សារជាតិ តាមរយៈកិច្ចសន្ទនាពិតប្រាកដ»។
ការលើកឡើងរបស់លោក Josep ស្របពេលដែលការសម្រេចរបស់សហភាពអឺរ៉ុប អំពីការព្យួរឬមិនព្យួរប្រព័ន្ធអនុគ្រោះពន្ធ EBA នៅកម្ពុជា ជិតនឹងឈានមកដល់នាខែកុម្ភៈ ឆ្នាំ២០២០ ពោលគឺនៅសល់ប្រមាណតែពីរខែទៀតប៉ុណ្ណោះ ។ កាលពីថ្ងៃទី១២ ខែធ្នូ ឆ្នាំ២០១៩ ក្រសួងការបរទេសកម្ពុជា បានឆ្លើយតបនឹងរបាយការណ៍បឋមរបស់សហភាពអឺរ៉ុបដែលទាមទារឲ្យភាគីកម្ពុជាពន្យល់។
ក្នុងសេចក្តីប្រកាសពត៍មាន ក្រសួងការបរទេសកម្ពុជា បានស្នើឲ្យសហភាពអឺរ៉ុប ពិចារណាពីការប្រឹងប្រែងរបស់រដ្ឋាភិបាលកម្ពុជា ក្នុងការអនុវត្តអនុសញ្ញាអន្តរជាតិនានា ក្រោមលក្ខខណ្ឌនៃការទទួលបាន EBA។ ក្រសួងការបរទេសកម្ពុជា ក៏សង្ឃឹមផងដែរថា សហភាពអឺរ៉ុប នឹងពិចារណាពីផលប៉ះពាល់ដល់កម្មការិនីកម្ពុជាជិតមួយលាន បើព្យួរ។«រាជរដ្ឋាភិបាលសង្ឃឹមថា គណៈកម្មការអឺរ៉ុប នឹងធ្វើការពិចារណាលើកិច្ចខិតខំប្រឹងប្រែងប្រកបដោយសុឆន្ទៈរបស់រាជរដ្ឋាភិបាល ក្នុងការអនុវត្តរាល់អនុសញ្ញាអន្តរជាតិទាំងអស់»។
សារលិខិតរបស់ក្រសួងការបរទេសកម្ពុជា ឆ្លើយតបនឹងសហភាពអឺរុបមានភាពទន់ភ្លន់ ហាក់ផ្ទុយនឹងសម្តេចនាយករដ្ឋមន្ត្រី ហ៊ុន សែនដែលកាលពីថ្ងៃទី១១ ខែធ្នូ ក្នុងពិធីប្រគល់សញ្ញាបត្រដល់និស្សិតនៃសាកលវិទ្យាល័យឯកទេសកម្ពុជា (CUS ) ប្រមុខរដ្ឋាភិបាលខ្មែរ ប្រកាសថា មិនខ្វល់ពីការបាត់ EBA ឡើយ៕