រាជ​រដ្ឋា​ភ​បាល​បង្កើត​ក្រុមការងារ​ដោះស្រាយ​និង​តម្រង់ទិស​សំណង់​ក្នុង​តំបន់​អង្គរ​

​ភ្នំពេញ​៖ ប្រមុខ​រាជរដ្ឋាភិបាល​កម្ពុជា សម្តេច​តេ​ជោ ហ៊ុន សែន បានចេញ​សេចក្តីសម្រេច​តែងតាំង​សមាសភាព​ក្រុមការងារ​តម្រង់ទិស ដើម្បី​ដោះស្រាយ​បញ្ហា​សំណង់ និង​ដីធ្លី​ក្នុង​តំបន់​រមណីយ​ដ្ធា​ន​អង្គរ និង​តំបន់​ដទៃទៀត ស្ថិតក្រោម​ការគ្រប់គ្រង​របស់​អាជ្ញាធរ​ជាតិ​អប្សរា​។ 

​សមាសភាព​ក្រុមការងារ​តម្រង់ទិស​នេះ មាន​ចំនួន​១៣​រូប ដឹកនាំ​ដោយ​លោក​ឧបនាយករដ្ឋមន្ត្រី ជា សុផារ៉ា រដ្ឋមន្ត្រីក្រសួង​រៀបចំ​ដែនដី នគររូបនីយកម្ម និង​សំណង់ ជា​ប្រធាន និង​លោកស្រី ភឿង ស​កុ​ណា រដ្ឋមន្ត្រីក្រសួង​វប្បធម៌ និង​វិចិត្រសិល្បៈ ព្រមទាំង​លោក ទៀ សីហា អភិបាលខេត្ត​សៀមរាប ជា​អនុប្រធាន និង​លោក ស៊ុ ម៉ាប់ រដ្ឋលេខាធិការ ក្រសួង​វប្បធម៌ និង​វិចិត្រសិល្បៈ ជា​អនុប្រធាន​អចិន្ត្រៃយ៍ ហើយ​ក្រៅពីនោះ​ជា​សមាជិក​។

​នៅក្នុង​សេចក្តីសម្រេច​របស់​សម្តេច​តេ​ជោ ហ៊ុន សែន នាយករដ្ឋមន្ត្រី​កម្ពុជា ត្រង់​ប្រការ ២ បានឱ្យដឹងថា ក្រុមការងារ​នេះ មាន​តួនាទី និង​ភារកិច្ច​ស្របតាម​សេចក្តីសម្រេច​លេខ​២៦ ស ស រ ចុះ​ថ្ងៃទី​១៨ ខែមេសា ឆ្នាំ​២០២២ ស្តីពី​ការបង្កើត​ក្រុមការងារ​តម្រង់ទិស ដើម្បី​ដោះស្រាយ​បញ្ហា​សំណង់​ខុសច្បាប់ និង​ដីធ្លី​ក្នុង តំបន់​រមណីយដ្ឋាន​អង្គរ និង​តំបន់​ដទៃទៀត ស្ថិតក្រោម​ការគ្រប់គ្រង​របស់​អាជ្ញាធរ​ជាតិ​អប្សរា​។

​ចំណែក​ក្នុង​ប្រការ ៣ នៃ​សេចក្តីសម្រេច​នេះ បាន​បញ្ជា​ឱ្យ​រដ្ឋមន្ត្រី​ទទួលបន្ទុក​ទីស្តីការគណៈរដ្ឋមន្ត្រី រដ្ឋមន្ត្រីក្រសួង​សេដ្ឋកិច្ច និង​ហិរញ្ញវត្ថុ រដ្ឋមន្ត្រីក្រសួង រៀបចំ​ដែនដី នគរូបនីយកម្ម និង​សំណង់ រដ្ឋមន្ត្រីក្រសួង​វប្បធម៌ និង​វិចិត្រសិល្បៈ រដ្ឋមន្ត្រី​គ្រប់​ក្រសួង នឹង​ប្រធាន គ្រប់​ស្ថាប័ន​ដែល​ពាក់ព័ន្ធ និង​អភិបាល នៃ​គណៈ​អភិបាលខេត្ត​សៀមរាប ត្រូវ​ទទួលបន្ទុក​អនុវត្ត​សេចក្តីសម្រេច​នេះ តាម​ភារកិច្ច​រៀងៗ​ខ្លួន​.​។​ការបង្កើត​ក្រុម​កា​ងារ​ដោះស្រាយ​និង​ត​ម្ង់​ទិស​ត្រូវបាន​គេ​មើលឃើញថា​កើតឡើង​ក្រោយពី​មានការ​ប៉​អទ​ង្គោះ​គ្នា​រវាង​អាជ្ញាធរ​អ​ប្សា​រា​និង​ប្រជាពលរដ្ឋ​ដែលមាន​ដីធ្លី​ផ្ទះសម្បែង​ក្នុង​តំបន់​អង្គរ​ដែល​គ្រប់គ្រង​ដោយ​អាច្ញាធរ​អ​ប្សា​រា​រហូតដល់មានមតិប្រតិកម្មពីអាជ្ញាធរខេត្តសៀមរាបថាអាជ្ញាធរអប្សារធ្វើការរុះរើផ្ទះប្រជាពលរដ្ឋដោយមិនមានសហការជាមួយអាជ្ញាធរខេត្ត៕  
​