វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 394 នាក់
ម្សិលមិញ 5304 នាក់
សរុប 14139920 នាក់
កម្ពុជាវៀតណាម៖វៀតណាមនឹងបង្កើនអាយុចូលនិវត្តន៍ដល់៦០ឆ្នាំសំរាប់ស្ត្រី និង៦២ឆ្នាំសំរាប់បុរស ក្រោយការកែប្រែច្បាប់ការងារដោយសភា កាលពីថ្ងៃពុធទី២០វិច្ឆិកា ។
អាយុចូលនិវត្តន៍សំរាប់បុរស នឹងត្រូវដំឡើងពី៦០ទៅ៦២ឆ្នាំជាបណ្តើរ នៅយ៉ាងយូរត្រឹមឆ្នាំ២០២៨ នៅពេលអាយុចូលនិវត្តន៍សំរាប់ស្ត្រីនឹងត្រូវបង្កើនពី៥៥ទៅ៦០នៅយ៉ាងយូរត្រឹមឆ្នាំ២០៣៥។ទោះជាយ៉ាងណាបុគ្គលិកកម្មករអាចចូលនិវត្តន៍យឺតឬឆាប់ជាងអាយុនេះ អាស្រ័យលើកាលៈទេសៈ។
គណៈកម្មាធិការអចិន្ត្រៃយ៍សភា បាននិយាយថា«ការបង្កើនអាយុចូលនិវត្តន៍សន្សឹមៗនេះមានបំណងទប់ស្កាត់ការជាប់គាំងទីផ្សារការងារភ្លាមៗ និងដើម្បីរក្សាស្ថិរភាពនយោបាយនិងសង្គម។អាយុចូលនិវត្តន៍ថ្មីនេះក៏អាចស្របតាមការរំពឹងទុកអំពីសុខភាពនិងអាយុកាលរស់នៅរបស់ប្រជាជនវៀតណាមផងដែរ។
ប្រទេស វៀតណាមបច្ចុប្បន្នមានប្រជាពលរដ្ឋប្រមាណ៩៦,២លាននាក់ ក្នុងនោះមនុស្សចាស់មានប្រមាណ១១,៧ភាគរយ។
ការព្យាករណ៍របស់អង្គការសហប្រជាជាតិមួយបាននិយាយថា នៅឆ្នាំ២០៣០ប្រជាជនវៀតណាមមានអាយុ៦៥ឆ្នាំឡើងមាន១២,៩ភាគរយ និងឡើងដល់២៣ភាគរយនៅឆ្នាំ២០៥០។ ការផ្លាស់ប្តូរផ្សេងទៀតនៅក្នុងច្បាប់ការងារ រួមមានការបន្ថែមថ្ងៃឈប់សម្រាកសាធារណៈមួយថ្ងៃនៅខែកញ្ញា ជាហេតុធ្វើអោយប្រទេសនេះមានថ្ងៃឈប់សម្រាកផ្លូវការ១០ថ្ងៃក្នុងមួយឆ្នាំ។
ដោយឡែកសម្រាប់ប្រទេសកម្ពុជាវិញបើយោងតាមសេចក្តីប្រកាសរបស់ក្រសួងមុខងារសាធារណៈ ចុះថ្ងៃទី២១វិច្ឆិកាបានតម្លើងការចូលនិវត្តន៍របស់មន្ត្រីរាជការដែលមានកាំប្រាកខនិងគដល់អាយុ៦០ឆ្នាំដែលមានប្រសិទ្ធីភាពអនុវត្តន៍ជាការប្រញាប់ចាប់ពីខែវិច្ឆិកាឆ្នាំ២០១៩តទៅ។