វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5294 នាក់
ម្សិលមិញ 5378 នាក់
សរុប 14084587 នាក់
ភ្នំពេញ៖ គូរសង្សារមួយគូពេលចេញពីក្លឹបផឹកស៊ីរាំច្រៀង បានស្លាប់កាលពីវេលាម៉ោង២និង១០នាទីរំលងអធ្រាត្រឈានចូលថ្ងៃទី៣ខែកក្កដាឆ្នាំ២០១៨ នៅចុះណុចមុខកងរាជអាវុធហត្ថរាជធានី តាមបណ្តោយផ្លូវវេងស្រេង សង្កាត់ស្ទឹងមានជ័យ១ ខណ្ឌមានជ័យ ខណៈពួកគេជិះម៉ូតូឌុបគ្នា ទៅផ្ទះ ក្នុងល្បឿនលឿនក៍ជ្រុលបុកឃឿនពុះចែកទ្រូងផ្លូវ ។
សមត្តកិច្ចបានឲ្យដឹងថា៖ជនរងគ្រោះទី១ឈ្មោះហាន់ ណា ភេទស្រីអាយុ១៩ ឆ្នាំ មុខរបរនៅផ្ទះ ស្នាក់នៅភូមិទួលពង្រសង្កាត់ចោមចៅទី១ខណ្ឌពោធិ៍សែនជ័យ ទី២ឈ្មោះ ហាន់ ហៃ ភេទប្រុសអាយុ២០ឆ្នាំ មុខរបរបុគ្គលិកចាក់សាំងនៅសង្កាត់ចោមចៅទី១ ខណ្ឌពោធិ៍សែនជ័យ មានស្រុកកំណើតនៅខេត្តកោះកុង។
អ្នកទាំងពីរនាក់ ជិះម៉ូតូម៉ាកLast ពណ៌ទឹកប្រាក់ ពាក់ស្លាកលេខភ្នំពេញ1FO 7731 ។ពួកគាត់មានគ្នា៤នាក់(ស្រី២នាក់)ជិះម៉ូតូ២គ្រឿងបាននាំគ្នាទៅរាំលេងក្នុងក្លឹបរីវឡាញ។ ពេលរាំលេងសប្បាយចប់ក៏ជិះម៉ូតូឌុបគ្នាទៅផ្ទះវិញដោយធ្វើដំណើរតាមបណ្តោយផ្លូវមុន្នីរ៉េតហើយបត់មកផ្លូវវេងស្រេងដោយក្នុងល្បឿនលឿនដោយសារផ្លូវមានស្ថានភាពកោងក៏ ជ្រុលទៅបុកឃឿនពុះចែកទ្រូងផ្លូវបណ្តាលអោយបោកក្បាលស្លាប់ភ្លាមៗនៅកន្លែងកើតហេតុយ៉ាងអាណោចអាធម័។
សពត្រូវបានសមត្តកិច្ចយកទៅតម្កល់ទុកនៅវត្តទឹកថ្លារងចាំបងប្អូនមកទទួលយកទៅធ្វើបុណ្យតាមប្រពៃណីចំណែកម៉ូតូត្រូវបានសមត្ថកិច្ចយកទៅក្សាទុករងចាំសាច់ញាតិយកឯកសារ មកទទួលយកទៅវិញ៕