វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4965 នាក់
ម្សិលមិញ 5544 នាក់
សរុប 13946062 នាក់
ភ្នំពេញ៖ គិតត្រឹមថ្ងៃទី៧ ខែកញ្ញា ឆ្នាំ២០២១គឺគ្រប់៧ថ្ងៃហើយ ដែលអាជ្ញាធរខណ្ឌដូនពេញ បានដាក់ចេញឱសានុវាទរ ឱ្យពលរដ្ឋធ្វើការរុះរើសំយាបផ្ទះដែលលយចេញមកលើចិញ្ជើមផ្លូវ ព្រមទាំងតុ កៅអី ថូផ្កា ជាដើម។
ទោះជាយ៉ាងណា រយៈពេល ៧ថ្ងៃនេះ គេបានសង្កេតឃើញពលរដ្ឋមួយចំនួនធំហើយ បានស្ម័គ្រចិត្តធ្វើការរុះរើ និងបន្តរុះរើសដូចជាម្ចាស់លំនៅដ្ឋាន ម្ចាស់អាជីវកម្ម នៅលើកំណាត់ផ្លូវលេខ០៥ ចាប់ពីផ្លូវលេខ១១០ ដល់ផ្លូវលេខ១៤៨ ក្នុងសង្កាត់ផ្សារកណ្តាលទី១ បានស្ម័គ្រចិត្តរុះរើដោយខ្លួនឯង ខណៈដែលនៅសេសសល់ អាជ្ញាធរបានចុះទៅជួយធ្វើការរុះរើចេញ។
កាលពីថ្ងៃទី៣១ ខែសីហា ឆ្នាំ២០២១ លោក សុខ ពេញវុធ បានដាក់ចេញនូវវិធានការ រៀបចំសណ្តាប់ធ្នាប់ និងរបៀបរៀបរយសាធារណៈ តាមបណ្តោយកំណាត់ផ្លូវលេខ៥ ចាប់ពីផ្លូវលេខ១១០ ដល់ផ្លូវលេខ១៤៨ ក្នុងសង្កាត់ផ្សារកណ្តាលទី១ ខណ្ឌដូនពេញ ដោយទុករយៈពេល ៧ថ្ងៃ ដើម្បីធ្វើការរុះរើសំណង់ហ្វែមដែកបិទបាំងរំលោភចិញ្ចើមផ្លូវ និងសំយាប ព្រមទាំងតុ កៅអី សម្ភារលក់ដូរផ្សេងៗ ចេញឱ្យអេស់ដោយស្ម័គ្រចិត្ត គិតចាប់ពីថ្ងៃទី១ ខែកញ្ញា ដល់ថ្ងៃទី៧ ខែកញ្ញា ឆ្នាំ២០២១។ ក្នុងករណីរឹងរូស មិនព្រមអនុវត្តទេនោះ រដ្ឋបាលខណ្ឌ នឹងចាត់វិធានការរដ្ឋបាលយ៉ាងម៉ឺងម៉ាត់បំផុត ដោយមិនទទួលខុសត្រូវរាល់ការខូតខាតទ្រព្យសម្បត្តិ សម្ភារដែលល្មើសនោះឡើយ។
ក្រៅពីរឿងរៀបចំសណ្តាប់ធ្នាប់ក្នុខណ្ឌ ជនអនាថា និងអ្នកញៀនថ្នាំ ៣៥០នាក់ ក៏ត្រូវបានសមត្ថកិច្ចខណ្ឌដូនពេញ ចាប់ប្រមូលយកធ្វើសំណាក និងចត្តាឡីស័ក ដេម្បីឈានទៅកាត់ផ្ដាច់ដល់ឬសគុលនៃការចម្លង និងរីករាលដាលនៃជំងឺកូវីដ១៩ ក្នុងរយៈពេលជិត២ខែកន្លងមកនេះផងដែរ។ក្រោមដឹកនាំបញ្ជាផ្ទាល់ពីលោក សុខ ពេញវុធ អភិបាលខណ្ឌដូនពេញ អាជ្ញាធរខណ្ឌបានបើកយុទ្ធនាការចុះប្រមូលក្រុមជនអនាថា ក្មេងញៀនថ្នាំ យកមកធ្វើសំណាក និងចត្តាឡីស័កនៅក្នុងមណ្ឌលវិទ្យាល័យ ហ៊ុន សែន ប៊ុន រ៉ានី វត្តភ្នំ ចាប់ពីថ្ងៃទី១៧ ខែកក្កដា ឆ្នាំ២០២១ ដល់ថ្ងៃទី០៧ ខែកញ្ញា ឆ្នាំ២០២១។
ជាលទ្ធផល កម្លាំងប្រជាការពារខណ្ឌ បានចុះប្រមូលក្រុមជនអនាថា បានសរុបចំនួន ៣៥០ នាក់ ក្នុងនោះ ប្រុសចំនួន ២០៤នាក់ ស្រី ចំនួន ១២៤នាក់ និងកូនក្មេងចំនួន២២នាក់។ អាជ្ញាធរ បានបញ្ជូនទៅមន្ទីរសង្គមកិច្ច សរុបចំនួន ២៨០នាក់ ប្រុសចំនួន ១៥៧ នាក់ស្រីចំនួន ១០២ នាក់ ក្មេងចំនួន ២១ នាក់ ។ នៅសល់បន្តធ្វើចត្តាឡីស័កក្នុងមណ្ឌល សរុបចំនួន ៧០នាក់ ប្រុសចំនួន ៤៧នាក់ ស្រីចំនួន ១២នាក់ និងក្មេងចំនួន ០១នាក់
អាជ្ញាធរខណ្ឌដូនពេញ បានអះអាងថា ចំពោះអ្នកដែលនៅសេសសល់ កម្លាំងចម្រុះរបស់ខណ្ឌ នឹងបន្តស្វែងរកបន្ថែមទៀត រហូតដល់អស់តែម្ដង៕ទូលូ