រកឃើញសពទេសចរណ៍ស្ត្រីជនជាតិអង់គ្លេសបន្ទាប់ពីបាត់ខ្លួន៧ថ្ងៃនៅចម្ងាយជិត១០០គីឡូម៉ែតពីកោះរ៉ុង?
27-March-2024 / សន្តិសុខសង្គម
ខេត្តព្រះសីហនុ៖សពទេសចរណ៍ស្ត្រីជនជាតិអង់គ្លេសឈ្មោះអាមែលៀបំប្រ៊ីដ(Amelia Bambridge) អាយុ២១ឆ្នាំ ដែលបាត់ខ្លួននៅកោះរ៉ុងជាងមួយសប្តាហ៍កន្លងមកនេះ សមត្ថកិច្ចចំរុះស្វែងឃើញសាកសពហើយកាលនារសៀលថ្ងៃទី៣១តុលា។
រឿងដែលគួឲ្យចាប់អារម្មណ៍គឺសពជនរងគ្រោះអណ្តែតនៅលើលម្ហសមុទ្រ ក្នុងភូមិសាស្ត្រស្រុកកោះស្តេច ចម្ងាយពីកោះរ៉ុងប្រមាណជាង៤០ម៉ាយ គឺប្រាណ!១០០គីឡូម៉ែត្រពីទីតាំងបាត់ខ្លួនដែលធ្វើឲ្យមានការសន្និដ្ឋានក្រៅផ្លូវការថានាងមិនមែនស្លាប់ដោយលង់ទឹកនោះទេ?។ព្រោះពេលបាត់ខ្លួនភ្លាមៗលោកគួចចំរើនចៅហ្វាយខេត្តក៏បានចុះដឹកនាំកម្លាំងសរុបមានយន្តហោះដ្រូនសត្វឆ្កែនិងអ្នកមុជទឹកស្វែងរកដែរតែមិនឃើញ។បើថាលង់ទឹកគេនឹងឃើញនៅក្បែនោះជាមិនខានមិនមែនអណ្តែតបានរាប់សឹបគីឡូចឹងទេ!?។
សាកសពត្រូវបានសមត្ថកិច្ចរៀបចំដឹកជញ្ជូននាំមកកាន់កំពង់ផែក្រុងព្រះសីហនុ ដើម្បីធ្វើការងារបន្តតាមនិតិវិធី។ មន្ត្រីកងទ័ពជើងទឹកនៅក្នុងទីបញ្ជាការជួរមុខគណកម្មាធិការជាតិសន្តិសុខលម្ហសមុទ្របានឲ្យដឹងថា សាកសពស្ត្រីរងគ្រោះត្រូវបានកម្លាំងទីបញ្ជាការជួរមុខ អគ្គលេខាធិការដ្ឋាន នៃគណៈកម្មាធិការជាតិសន្តិសុខលម្ហសមុទ្រ ក្រោមកិច្ចសហការជាមួយ ក្រុមហ៊ុន ជី ធី វី ស៊ី ស្ពីតប៊ូត កម្ពុជា របស់លោកឧកញ៉ា ទៀ វិចិត្រ បានប្រទះឃើញសាកសពស្ដ្រីជនជាតិអង់គ្លេសឈ្មោះអាមែលៀបំប្រ៊ីដ( Amelia Bambridge) អណ្ដែតនៅលើផ្ទៃសមុទ្រនៅចំណុច( ខន ដរ ) ក្បែរព្រំដែនសមុទ្រកម្ពុជា ថៃ ។ ក្រុមអ្នករាយការណ៍ព័ត៍មាននៅមិនទាន់ទទួលបានរបាយការណ៍ពីសមត្ថកិច្ចជំនាញអំពីមូលហេតុនៃការការស្លាប់របស់ស្ត្រីរងគ្រោះថាបណ្តាលមកពីហេតុអ្វីនៅឡើយទេ ។
សូមបញ្ជាក់ថាស្ត្រីទេសចរណ៍ជនជាតិអង់គ្លេសត្ត្រូវបានសមត្តកិច្ចរាយការណ៍ថាបានបាត់ដាន់តាំងពីម៉ោងប្រមាណ៣ទៀបភ្លឺក្រោយពីនាងបានវិលត្រឡប់មកពីចូលរួមពិធីជប់លាងមួយនៅឆ្នេរប៉ូលីស (Police Beach) ។សមត្តកិច្ចរកឃើញតែកាបូបរបស់នាងនៅលើថ្មកបែរមាត់ទឹកតែប៉ុណ្ណោះតែមិនឃើញមានដានជើងឬស្លាកស្នាមអ្វីបន្សល់ទុកឡើយ?។នាងអាមែលៀបំប្រ៊ីដ(Amelia Bambridge) បានចេញពីក្រុងព្រះសីហនុ ឆ្ពោះទៅគោលដៅក្រុងកោះរ៉ុង នៅម៉ោង ៥ល្ងាចថ្ងៃទី១៩ ខែតុលា ឆ្នាំ២០១៩ មកដល់កោះរ៉ុងនៅម៉ោង ៦ល្ងាច។ នាងបានចូលស្នាក់នៅផ្ទះសំណាក់ ណីសប៊ីជ(Ness Beach )នៅម៉ោង ៨៖១៥នាទីយប់ថ្ងៃខែឆ្នាំដដែល ។
នាង អាមែលៀបំប្រ៊ីដ( Amelia Bambridge) បានចេញពីវៀតណាម កាលពីកំឡុងថ្ងៃទី១៥-១៦ ខែតុលា ឆ្នាំ២០១៩ មកប្រទេសកម្ពុជាតាមច្រកទ្វារអន្តរជាតិបាវិត និងបន្តធ្វើដំណើរទៅកាន់ខេត្តព្រះសីហនុ រហូតបាត់ខ្លួននៅព្រឹកទៀបភ្លឺ ថ្ងៃទី២៤ ខែតុលា ពេលដែលនាងជាមួយមិត្តភក្តិទើបស្គាល់គ្នាជិត ១០នាក់ រៀបចំកម្មវិធីមួយមានឈ្មោះថា «ចាំមើលថ្ងៃរះ» នៅលើកោះរ៉ុង។
សូមបញ្ជាក់ដែរថាក្នុងពេលដែលស្ត្រីទេសចរណ៍បាត់ខ្លួននៅថ្ងៃត្រង់ ថ្ងៃទី២៧ខែតុលា ឆ្នាំ២០១៩ក៏មានការភ្ញាក់ផ្អើលករណីយ៍មានបុរសជនបរទេសម្នាក់ស្លាប់ នៅកន្លែងស្នាក់នៅ ក្នុងភូមិកោះតូច សង្កាត់កោះរ៉ុងសន្លឹម ក្រុងកោះរ៉ុង ខេត្តព្រះសីហនុ ផងដែរ ។
សមត្ថកិច្ចនិយាយថា សាកសពឈ្មោះ LEWIS HOWARD CRAIG ភេទប្រុស អាយុ៤២ ឆ្នាំ ជនជាតិអង់គ្លេស ។ តាមការសន្និដ្ឋានជាជំហានដំបូងពីសមត្ថកិច្ចមូលដ្ឋានថាជនរងគ្រោះទំនងជាស្លាប់ដោយគាំងបេះដូង ។
