វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5527 នាក់
ម្សិលមិញ 6359 នាក់
សរុប 14092160 នាក់
តាខ្មៅ៖នៅវេលាម៉ោង៨:៥០នាទីព្រឹកថ្ងៃទី០៥ មីនា ឆ្នាំ២០២១ សន្តិសុខសណ្ឋាគាម្នាក់ដែលយកទៅធ្វើចត្តាឡីស័ក និងសំរាកព្យាបាល(Covid-19) មណ្ឌលសុខភាពចាក់អង្រែក្រោម ខណ្ឌមានជ័យបន្ទាប់ពីឃុតឃឹតជាមួយស្រីចិន ត្រូវបានកំលាំង អ.ហ ខណ្ឌមានជ័យ ទទួលនិងបញ្ជូនទៅចាត់ការតាមច្បាប់បន្តទៀត។
សមត្តកិច្ចឲ្យដឹងថាសន្តិសុខនេះឈ្មោះ រ៉ែន សុធារ៉ា ភេទប្រុស អាយុ៣៨ មុខរបរ សន្តិសុខសណ្ឋាគារសុខា អាស័យដ្ឋានបច្ចុប្បន្ន ផ្ទះជួលផ្លូវកែវចិន្តា ខណ្ឌជ្រោយចង្វា ភ្នំពេញដែលជាប់ពាក់ពន្ធ័ករណីជម្លៀសជនជាតិចិនចេញពីមណ្ឌលចត្តាឡីស័ក័ក្នុងសណ្ឋាគារសុខាបង្កឲ្យមានព្រឹត្តិការណ៍២០កុម្ភៈនៅភ្នំពេញក្រុងតាខ្មៅខេត្តកណ្តាលនិងក្រុងព្រះសីហនុ ។ លទ្ធផលតេស្តលើសន្តិសុខរូបនេះ ចុងក្រោយ អវិជ្ជមានតែ ត្រូវបានបញ្ជូនទៅអគ្គស្នងការដ្ឋាននគរបាលជាតិ ដើម្បីបន្តនិតិវិធី។
សូមបញ្ជាក់ថានៅថ្ងៃទី៥ ខែមីនា ឆ្នាំ២០២ សេចក្តីព្រាងច្បាប់ស្តីពី វិធានការទប់ស្កាត់ការឆ្លងរាលដាលនៃជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ត្រូវបានរដ្ឋសភាអនុម័តហើយ ។ សេចក្តីព្រាងច្បាប់ ដែលមាន ៦ជំពូក និង ១៨មាត្រា បានកំណត់ថា បើបុគ្គលណាគេចវេះពីការធ្វើចត្តាឡីស័ក ឬគេចចេញពីទីកន្លែងចត្តាឡីស័ក ត្រូវផ្តន្ទាទោសត្រូវដាក់ពន្ធនាគារពី ៦ខែ ទៅ ៣ឆ្នាំ និងពិន័យជាប្រាក់ពី ២លានរៀល ទៅ ១០លានរៀល កាលបើអំពើខាងលើនោះបានបណ្តាលឱ្យមានការចម្លងជំងឺកូវីដ-១៩ដល់អ្នកដទៃ។ចំពោះបុគ្គលដែលគេចវេះពីការព្យាបាល ឬគេចចេញពីទីកន្លែងព្យាបាល ត្រូវផ្តន្ទាទោសត្រូវដាក់ពន្ធនាគារពី ១ឆ្នាំ ទៅ ៥ឆ្នាំ និងពិន័យជាប្រាក់ពី ៥លានរៀល ទៅ ២០លានរៀល និងត្រូវដាក់ពន្ធនាគារពី ៥ឆ្នាំ ទៅ ១០ឆ្នាំ កាលបើអំពើនោះ បានបណ្តាលឱ្យមានការចម្លងជំងឺកូវីដ-១៩ដល់អ្នកដទៃ។
សូមបញ្ជាក់ថា សេចក្តីព្រាងច្បាប់ ទប់ស្កាត់ជំងឺកូវីដ-១៩ និងជំងឺឆ្លងកាចសាហាវ និងប្រកបដោយគ្រោះថ្នាក់ធ្ងន់ធ្ងរផ្សេងទៀត ត្រូវបានរាជរដ្ឋាភិបាលរៀបចំតាក់តែងឡើងស្របពេលបរិការណ៍ដែលកម្ពុជាកំពុងប្រឈមការឆ្លងរាលដាលក្នុងទ្រង់ទ្រាយធំមិនធ្លាប់មាននៅកម្ពុជា។ គិតត្រឹមថ្ងៃទី៥ ខែមីនា ឆ្នាំ២០២១ កម្ពុជាបានរកឃើញអ្នកឆ្លងជំងឺកូវីដ-១៩ ចំនួន ៩៣២នាក់ ក្នុងនោះត្រូវបានព្យាបាលឱ្យជាសះស្បើយឡើងវិញចំនួន ៤៨៩នាក់ និងកំពុងព្យាបាលនៅតាមមន្ទីរពេទ្យចំនួន ៤៤២នាក់៕