វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4785 នាក់
ម្សិលមិញ 6501 នាក់
សរុប 13953340 នាក់
បន្ទាយមានជ័យ៖ ក្រសួងធនធានទឹក និងឧតុនិយម នាថ្ងៃទី២៧ ខែកញ្ញា ឆ្នាំ២០១៩នេះ បានឲ្យដឹងថា៖ទឹកជំនន់ហូរធ្លាក់ពីប្រទេសថៃ ចូលមកលិចផ្ទះប្រជាពលរដ្ឋជាច្រើនគ្រួសារ លិចវត្តអារាម និងប៉ះពាល់ដល់កំណាត់ផ្លូវជាតិលេខ៥និងភូមិសាស្ត្រមួយចំនួននៅខេត្តបន្ទាយមានជ័យ ។
តាមទំព័រ Facebook របស់ក្រសួងធនធានទឹក បានឱ្យដឹងថា ទឹកជំនន់ដែលហូរធ្លាក់យ៉ាងគំហុកមកពីប្រទេសថៃ តាមច្រកអូរល្ហុង ឬអូរខៃដន ធ្វើឲ្យមានការលិចលង់ប៉ះពាល់ដល់ភូមិថ្មសិន និងភូមិកូនដំរី សង្កាត់និមិត្ត ក្រុងប៉ោយប៉ែត ខេត្តបន្ទាយមានជ័យ ប៉ះពាល់ដល់កំណាត់ផ្លូវជាតិលេខ៥ ប្រវែងប្រមាណចាប់ពី ៣០០-៤០០ម៉ែត្រ ក្នុងកម្ពស់ចាប់ពី ០.១០ម៉ែត្រ ដល់ ០.២០ម៉ែត្រ។
ករណីមួយទៀត បានកើតឡើងនៅឃុំស្ពានស្រែង ស្រុកភ្នំស្រុក ខេត្តបន្ទាយមានជ័យ ដោយសារទឹកជំនន់បានហក់ឡើងខ្លាំងភ្លាមៗ កាលពីយប់ថ្ងៃ២៦ បណ្ដាលឲ្យលិចលង់ផ្ទះប្រជាពលរដ្ឋប្រមាណជាង ៤០គ្រួសារ នៅថ្ងៃទី២៧នេះ។ ដើម្បីការពារស្ថានភាពនេះ អាជ្ញាធរបានបើកទ្វារទឹកស្ពានស្រែងចំនួន ២ទ្វារ ប៉ុន្តែស្ថាភាពទឹកនៅតែបន្តហក់ឡើងខ្លាំង។មន្ទីរធនធានទឹកខេត្តបន្ទាយមានជ័យ ក៏បានផ្ដល់ជាសំបកការ៉ុងចំនួន ៥០០ សម្រាប់ឃុំប្រើប្រាស់ក្នុងស្ថានភាពបន្ទាន់ផងដែរ។