សម្តេចធិបតីប្រកាសកែទម្រង់ស្ថាបន័ដោយកាត់បន្ថយអំណាចរដ្ឋមន្ត្រីតាមក្រសួង

សង្វៀនបញ្ជាល់មាន់ ក្នុងកាស៊ីណូ សុខ គីមម៉េង បើកឲ្យពលរដ្ឋខ្មែរចូលលេងប្រឆាំងនិងបទបញ្ជារាជរដ្ឋាភិបាលកម្ពុជា

ឃាត់ខ្លួន អភិបាលរងស្រុកកំពង់លែងម្នាក់ និងបុគ្គល២រូបទៀត បញ្ជូនទៅតុលាការ ករណីទន្ទ្រានយកព្រៃលិចទឹកជុំវិញបឹងទន្លេសាប

ឆ្មក់ចូលក្លឹបថាំងហួយឃាត់មនុស្សបាន១១១នាក់គ្រឿងញៀន៥គីឡូក្រាម?

ខេត្តក្រចេះមិនអនុញ្ញាតឲ្យអាជីវករលក់ត្រីបបែលទៀតទេ រួមទាំងត្រី ២៩ប្រភេទផ្សេងទៀត ដែលជាប្រភេទត្រីជិតផុតពូជ

មន្ត្រីសុរិយោដីស្រុកសំរោងទង ស្រវឹងស្រាបើកឡានបុកផ្ទាំងផ្សាយពាណិជ្ជកម្មនៅសួនច្បារសម្តេចព្រះសង្ឃរាជ ជួន ណាត

លោកកើត រិទ្ធ រដ្ឋមន្ត្រីក្រសួងយុត្តិធម៍ប្រកាសបើកយុទ្ធនាការលុបពាក្យបណ្តាសា ត្រីមួយកន្ត្រកស្អុយមួយ ស្អុយទាំងអស់ក្នុងប្រពន្ធ័យុត្តិធម៍

ជាច្រើនទៀត

ចំនួនអ្នកទស្សនា

ថ្ងៃនេះ 9879 នាក់

ម្សិលមិញ 8227 នាក់

សរុប 14136760 នាក់

អ្នកមេម៉ាយមកពីកំពង់ធំម្នាក់ត្រូវប្រុសព្រានបោកស៊ីទាំងខ្លួននិងលុយនៅប៉ោយប៉ែត!

27-March-2024 / សន្តិសុខសង្គម

បន្ទាយមានជ័យ ៖ នៅរសៀលថ្ងៃចន្ទ ១៤កើត ខែជេស្ឋ ឆ្នាំច ព.ស.២៥៦២ ត្រូវនឹងថ្ងៃទី ២៨ ខែឧសភា ឆ្នាំ២០១៨មានការភ្ញាក់ផ្អើលពេលដែលស្ត្រីមេម៉ាយកូន ២សាច់សខ្ចីម្នាក់ត្រូវប្រុសព្រានបោកយកទាំងខ្លួន និងអស់ទាំងប្រាក់រួចគេចខ្លួនបាត់ស្រមោលបន្ទាប់ពីពួកគេចូលផ្ទះសំណាក់ក្រេបទឹកឃ្មុំជាមួយគ្នាជាច្រើនយប់ ស្ថិតក្នុង ក្រុងប៉ោយប៉ែតហើយនាងមកប្តឹងសមត្ថកិច្ចឲ្យជួយធ្វើអន្តរាគមន៍ ។

a_srey1

ស្ត្រីរងគ្រោះឈ្មោះ ឡត មុំ អាយុ៣៧ ឆ្នាំ មេម៉ាយកូន២ មានទីលំនៅក្នុងភូមិ លាបទង ឃុំទ្រា ស្រុកស្ទោង ខេត្តកំពង់ធំបានឲ្យដឹង ថា៖ នាងមានទំនាក់ទំនងស្នេហ៍ជាមួយបុរសម្នាក់តាមហ្វេសប៊ុកជាភាសាថៃឈ្មោះ វ៉ាន់ រយៈពេលជិត១ខែមកហើយ។ ប៉ុន្មានថ្ងៃមុនបុរសរូបនោះបានលួងលោមនាងកុហកថា គេជាបុរសពោះម៉ាយ និងសុំយកនាងធ្វើជាប្រពន្ធរៀបការស្របច្បាប់។ ក្រោយមកបុរសនោះបានបបួលនាងទៅធ្វើការនៅប្រទេសថៃ ហើយឱ្យនាងរក ប្រាក់១ម៉ឺនបាតធ្វើលិខិតឆ្លងដែនខ្វះប៉ុន្មានគេជួយចេញឲ្យទាំងអស់។ ពេលមកដល់ក្រុងប៉ោយប៉ែតជួបគ្នា ប្រុសព្រានក៏នាំនាងឡើងផ្ទះសំណាក់រស់នៅជុំគ្នាដូចប្តី-ប្រពន្ធ ។

a_srey

នារីរងគ្រោះឲ្យដឹងថា ក្រោយពី ទទួលប្រាក់ចំនួន១ម៉ឺនបាតរួចហើយ បែរជាគេថា សាច់ញាតិគេក៏ត្រូវទៅធ្វើការនៅស្រុកថៃដែរ ហើយកុហកថាខ្វះប្រាក់នាងក៏ទាក់ទង ទៅស្រុកឱ្យម្តាយចងការប្រាក់អ្នកជិតខាងវេរលុយតាមវីងឱ្យបន្ថែមចំនួន៣លានរៀលទៀត។ ចំពោះការរត់ការឯកសារដើម្បីធ្វើ លិខិតឆ្លងដែនដំបូងបុរសនោះថា ធ្វើតែ២ ថ្ងៃបានហើយដឹងអីនាងមកស្នាក់នៅក្នុងក្រុងប៉ោយប៉ែតជាច្រើនយប់។ លុះនៅព្រឹក ថ្ងៃទី២៨ ខែឧសភា នាងរវល់ងូតទឹកក្នុង បន្ទប់ចេញមកវិញស្រាប់តែបាត់បុរសនោះ និងកាបូបខោអាវរបស់នាងពីបន្ទប់ផ្ទះ សំណាក់អស់រលីង ។

បុរសកំហូចនោះ គេចទៅបាត់ ប៉ុន្តែទូរស័ព្ទរបស់គេនៅទាក់ទងបានហើយពេលនាងសួរតាមទូរស័ព្ទគេប្រាប់ឱ្យនាងទៅអង្គុយរង់ចាំក្នុងបរិវេណវត្តបាលិលេយ្យដោយកុហកថា គេទៅដក ប្រាក់ឲ្យវិញ។ ទីបំផុតប្រុសព្រានក៏បិទ ហ្វេសប៊ុក(ឈ្មោះវ៉ាន់ វ័យជាង៣០ឆ្នាំ ដែល ប្រើហ្វេសប៊ុកជាភាសាថៃឈ្មោះវ៉ាន់ ហើយ ប្រើប្រាស់ទូរស័ព្ទលេខ 097 5 938 568) ឯលេខទូរស័ព្ទដែលទំនាក់ទំនងបាននោះ ក៏បិទទៀតទាក់ទងលែងបានតែម្តង ។

a_srey2

នគរបាលប៉ុស្តិ៍ រដ្ឋបាលប៉ោប៉ែតក៏បានមកដឹកនាងតាម ម៉ូតូទៅកាន់ផ្ទះសំណាក់ស្ទឹងមាសដែល ជាប់ដងផ្លូវជាតិលេខ៥ ក្នុងភូមិក្បាល ស្ពាន១ សង្កាត់ប៉ោយប៉ែត ដើម្បីសុំឆែក កាមេរ៉ាសុវត្ថិភាពដើម្បីរកមុខសញ្ញាជន សង្ស័យ។ នៅក្នុងកាមេរ៉ាសុវត្ថិភាពរបស់ផ្ទះសំណាក់ស្ទឹងមាសសមត្ថកិច្ចឃើញរូបប្រុសព្រានខាងលើកាន់កាបូបខោអាវរបស់ស្ត្រីរងគ្រោះមកទុកចោលខាងក្រោមរួច គេចខ្លួនបាត់ទៅ ។តាមរយៈរូបភាពគេសង្ឃឹមថាសមត្តកិច្ចនគរបាលច្រកប៉ោយប៉ែតអាចនឹងចាប់បានជនឆបោកកាលីបម្នាក់នោះជាមិនខាន!៕