វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4063 នាក់
ម្សិលមិញ 4292 នាក់
សរុប 14113762 នាក់
ពោធិ៍សាត់៖ កាលពីវេលាម៉ោង១៧និង២០នាទីល្ងាចថ្ងៃទី២១ ខែមករា ឆ្នាំ២០១៩ នគរបាលស្រុកបាកានបានធ្វើការឃាត់ ខ្លួនក្មេងស្ទាវម្នាក់ឈ្មោះ ម៉ៅ ម៉ាច ហៅអ៊ុយ ភេទប្រុស អាយុ១៨ឆ្នាំ បន្ទាប់ពីមានករណីជិះម៉ូតូដេញវាយគ្នា បណ្តាលឲ្យមនុស្សម្នាក់ស្លាប់នៅ កន្លែងកើតហេតុនៅត្រង់ចំណុចមុខវត្តព្រៃដំរី ស្ថិតក្នុងភូមិព្រៃផ្តៅ ឃុំបឹងខ្នារ ស្រុកបាកាន។
ជនរងគ្រោះទី១ឈ្មោះ ហែល ប្រុសពៅ ភេទប្រុស អាយុ១៨ឆ្នាំ ត្រូវក្រុមបង្កវាយចំគុមត្រចៀកខាងឆ្វេង មួយដំបង ធ្លាក់ពីលើម៉ូតូ បណ្តាលស្លាប់ភ្លាមៗនៅនឹងកន្លែង ចំណែកឯឈ្មោះ ឆឺយ ធានុន ភេទប្រុស អាយុ២០ឆ្នាំ ជាបើកបរម៉ូតូពុំរងរបួសទេ ។អ្នកទាំងពីររស់នៅភូមិព្រៃផ្តៅ ឃុំបឹងខ្នារ ស្រុកបាកាន ខេត្តពោធិ៍សាត់ ។
អ្នកឃើញហេតុការណ៍និយាយថាមានក្មេងទំនើងចំនួន០១ក្រុមមានគ្នា០៦នាក់ ប្រដាប់ដោយអាវុធមាន ដាវនិងដំបងដែក ជិះម៉ូតូចំនួនបីគ្រឿង មួយគ្រឿងម៉ាក យ៉ាមាហា អ៊ិចសីទ័រ ពណ៌ខ្មៅ គ្មានស្លាកលេខ និងម៉ូតូពីរគ្រឿងទៀត ម៉ាកហុងដា សេ១២៥ មិនចាំស៊េរី និងស្លាកលេខ ធ្វើដំណើរក្នុងពីកើតទៅលិច ដេញវាយក្មេងទំនើងមួយក្រុម ទៀតមានគ្នា០៦នាក់ ជិះម៉ូតូបីគ្រឿង ធ្វើដំណើរក្នុងទិសដៅស្របគ្នាមកដល់ចំណុចកើតហេតុខាងលើ ក្រុមក្មេងបង្កបានយកដំបងដែកវាយទៅលើឈ្មោះ ហែល ប្រុសពៅ មួយដំបងបណ្តាលឲ្យជនរងគ្រោះធ្លាក់ពីលើម៉ូតូស្លាប់ភ្លាមៗ នៅនឹងកន្លែងកើតហេតុ ក្រោយធ្វើសកម្មភាពរួចក្រុមក្មេង ទំនើងបង្កហេតុ បានជិះម៉ូតូរត់គេចខ្លួនបាត់ ។
ក្រោយហេតុការណ៍នេះ ដោយមានតម្រុញពីម៉ូតូរបស់ជនសង្ស័យសមត្ថកិច្ចបានឈានឃាត់ខ្លួនជនសង្ស័យភ្លាមៗ បានចំនួន០១នាក់ ឈ្មោះ ម៉ៅ ម៉ាច ហៅអ៊ុយ ភេទប្រុស អាយុ១៨ឆ្នាំ រស់នៅភូមិត្រពាំងជង ឃុំត្រពាំងជង ស្រុកបាកាន ខេត្តពោធិ៍សាត់ វត្ថុតាងមានម៉ូតូមួយគ្រឿង ម៉ាក ហុងដា សេ១២៥ ពណ៌ខ្មៅ ពាក់ស្លាកលេខ ពោធិ៍សាត់ 1H 7114 ដែលជនសង្ស័យជិះធ្វើសកម្មភាព។