បើកឡានធ្លាក់ផ្លូវរងរបួសធ្ងន់ចិន៣នាក់នៅស្រុករលាប្អៀរ

ខេត្តកំពង់ឆ្នាំង មនុស្ស៣នាក់ បានរងរបួសជាទម្ងន់ ក្នុងហេតុការណ៍គ្រោះថ្នាក់ចរាចរណ៍មួយ បានកើតឡើងនៃវេលាម៉ោង ៦និង៣០ នាទីព្រឹក ថ្ងៃទី ១១ ខែកញ្ញាឆ្នាំ២០២៥ លើកំណត់ផ្លូវជាតិលេខ ៥ចន្លោះគីឡូម៉ែត្រលេខ ៩៩និងលេខ១០០ ស្ថិតនៅក្នុងភូមិទ័ពត្បែង ឃុំពង្រស្រុករលាប្អៀរ ។ 

សមត្ថកិច្ចនគរបាលនៅកន្លែងកើតហេតុបានឱ្យដឹងថា មុនពេលកើតហេតុមានរថយន្តមួយគ្រឿងម៉ាកតូយ៉ូតា prius ពណ៌ក្រហម ពាក់ស្លាកលេខភ្នំពេញ 2BR.6630 បើកបរដោយឈ្មោះ ចាប វិច្ចរ៉ូ ភេទប្រុសអាយុ ២៥ ឆ្នាំ មានទីលំនៅភូមិសំរោងអណ្ដែត ឃុំធ្លក ស្រុកត្រាំង ខេត្តតាកែវ និងអ្នករួមដំណើរ ២នាក់ទៀត(ប្រុស២) ក្នុងដំណើរពីជើងទៅត្បូង លុះមកដល់ចំណុចកើតហេតុ ក៏បានរ៉េចង្កូតមកស្ដាំដៃ ធ្លាក់ផ្លូវទៅបុកនិងលូបេតុង បណ្ដាលឲ្យរងរបួសអ្នកបើកបរនិងអ្នករួមដំណើរទាំង៣នាក់យ៉ាងធ្ងន់ធ្ងរដែលតាមមើលភាគច្រើនជាជនជាតិចិន ។

ក្រោយពេលកើតហេតុសមត្ថកិច្ចបានទៅពិនិត្យនិងវាស់វែងរួចបញ្ជូនជនរងគ្រោះទាំង៣នាក់ទៅកាន់មន្ទីរពេទ្យបង្អែកខេត្តកំពង់ឆ្នាំងជាបន្ទាន់ ចំណែករថយន្តបានយកទៅរក្សាទុកដើម្បីរង់ចាំការដោះស្រាយ តាមនីតិវិធី (បង្កខូចខាតទ្រព្យសម្បត្តិសាធារណៈ)។សមត្ថកិច្ចដាក់ការសង្ស័យ គ្រោះថ្នាក់ចរាចរណ៍ខាងលើអាចបណ្ដាលមកពីអ្នកបើកបរ ងោក។