បុរសខ្លាំងកាប់ប្រពន្ធហើយដុតផ្ទះចោលទៀតតែមិនឆេះត្រូវសមត្តកិច្ចចាប់បាន

 ឧត្តរមានជ័យ៖ បុរសប្តីចិត្តកំណាចម្នាក់ខ្លាំងដូចតោយកកាំបិតផ្គាក់កាប់ប្រពន្ធខ្លួនឯង ជាច្រើនកាំបិត ហើយបានយកសាំងចាក់បម្រុងដុតផ្ទះកម្ទេចចោសទៀតផង ថ្ងៃទី២៣ ខែឧសភា ឆ្នាំ២០១៨ ស្ថិតក្នុងភូមិ ទួលក្រឡាញ់ឃុំថ្លាត ស្រុកអន្លង់វែង ខេត្តឧត្តមមានជ័យតែធ្វើមិនទាន់ ។

នគរបាលស្រុកអន្លង់វែង បានឱ្យដឹងថាប្តីកាចសាហាវនេះមានឈ្មោះ ប៊ូ ប៊ីអាយុ៤៣ឆ្នាំ ។ប្រពន្ធឈ្មោះ សែតចាន់ណា អាយុ៣៧ឆ្នាំ រស់នៅផ្ទះកើតហេតុជាមួយគ្នាក្នុងភូមិ ឃុំខាងលើបណ្តាលឱ្យរងរបួសត្រង់ដើមដៃឆ្វេង និងស្មា ខាងស្ដាំ ហើយ នឹង ផ្នែកកដៃស្ដាំរួមនឹងក្បាលចំនួន ៣កន្លែង ទៀត ត្រូវបាន សមត្ថកិច្ច ដឹកយកទៅសង្គ្រោះបន្ទាន់ភ្លាមៗនៅឯមន្ទីរពេទ្យបង្អែក ស្រុកអន្លង់វែងសង្គ្រោះបឋមហើយបន្តបញ្ជូនទៅមន្ទីរពេទ្យខេត្តសៀមរាបទៀត។

នគរបាលព្រហ្មទណ្ឌស្រុកអន្លង់វែង ពេលជួយយកជនរងគ្រោះទៅពេទ្យ ជនបង្កនៅអង្គុយកាន់កាំបិតខ្វែវជាប់នឹងដៃ ចូលក្នុងផ្ទះ មិនព្រមឲ្យសមត្ថកិច្ចចាប់ខ្លួននោះទេ។បន្ទាប់មកជនសង្ស័យបានបិទទ្វារ បម្រុងនឹងចាក់ សាំងដុតផ្ទះព្រមទាំងយកខ្សែអង្រឹងបំណងចងកធ្វើអត្តឃាត់ខ្លួន ជាមួយនឹងធ្នឹមផ្ទះ តែមិនអាចធ្វើបានដោយសមត្ថកិច្ច យកឡានទឹកបាញ់ទឹកចូលក្នុងផ្ទះ ទើបចាប់ខ្លួនជនសង្ស័យបានហើយនាំមកកាន់អធិការដ្ឋាននគរបាលស្រុកអន្លង់វែងដើម្បីចាត់ការតាមនិតិវិធីច្បាប់។

តាមប្រភពពីអ្នកជិតខាង បានឱ្យដឹងថា ប្តីប្រពន្ធខាងលើបានឈ្លោះគ្នា នៅក្នុងផ្ទះ ដោយសារតែប្តីប្រចណ្ឌប្រពន្ធរហូតដល់ព្រមព្រៀងលែងលះទៀត។ប្ដីបានយកម៉ូតូតែប្រពន្ធមិនព្រមឲ្យ ក៏ដណ្ដើម ម៉ូតូគ្នាឯចំណែកប្ដីក៏យកកាំបិតខ្វែវកាប់ទៅលើប្រពន្ធជាច្រើនកាំបិត បណ្ដាលរងរបួសធ្ងន់តែម្ដង ៕