វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 58 នាក់
ម្សិលមិញ 5304 នាក់
សរុប 14139584 នាក់
ភ្នំពេញ៖ គណៈមេធាវីកម្ពុជា នៅថ្ងៃទី៣០ ខែសីហា ឆ្នាំ២០១៩ ចេញសេចក្តីថ្លែងការណ៍មួយសន្យាថា នឹងពិនិត្យលើសកម្មភាពប្រកបវិជ្ជាជីវៈ មេធាវីអោយបានម៉ឺងម៉ាត់បំផុត ហើយសហការជាមួយស្ថាប័ននិងអាជ្ញាធរមាន សមត្ថកិច្ចពាក់ព័ន្ធ ដើម្បីអនុវត្តអនុសាសន៍ សម្តេចតេជោ ហ៊ុន សែន អោយមានប្រសិទ្ធភាពខ្ពស់ ។
សូមបញ្ជាក់ថា៖ក្នុងកិច្ចប្រជុំប្រចាំឆមាសនៃឧត្តមក្រុមប្រឹក្សាពិគ្រោះនិងផ្តល់យោបល់ កាលពីថ្ងៃទី២៨ ខែសីហា ឆ្នាំ២០១៩ កន្លងទៅ សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជាបាន បញ្ជាអោយលោក អង្គ វង្ស វឌ្ឍនា រដ្ឋមន្ត្រីក្រសួងយុត្តិធម៌ ពិនិត្យបញ្ហាមិនប្រក្រតីនៅក្នុងប្រព័ន្ធតុលាការកម្ពុជា ជាពិសេសបញ្ហាពុករលួយតាមរយៈមេធាវី ។នេះបើតាម លោក ឈឹម ផលវរុណ អគ្គលេខាធិការនៃឧត្តមក្រុមប្រឹក្សាពិគ្រោះនិងផ្តល់យោបល់ ។
លោក លោក ឈឹម ផលវរុណឲ្យដឹងថា “សម្តេចតេជោ លោកបានបញ្ជាទៅ រដ្ឋមន្ត្រីក្រសួងយុត្តិធម៌ ឱ្យពិនិត្យពីភាពមិនប្រក្រតីនេះ ដែលមានការពុករលួយ ប្រើតាមរយៈមេធាវី តាមការលើកឡើងរបស់ ឧត្តមក្រុមប្រឹក្សាពិគ្រោះ និងផ្តល់យោបល់ថា បុគ្គលដែលជាចៅក្រម ព្រះរាជអាជ្ញា គាត់មិនមែនទៅយកលុយផ្ទាល់ពីពលរដ្ឋទេ គឺមេធាវីទេ ដែលគាត់ជាអ្នកយកលុយ ហើយយកទៅចែកបន្ត”។
សូមបញ្ជាក់ថា សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បានចេញអនុក្រឹត្យមួយស្តីពី“ការកែប្រែនិងការដំឡើងប្រាក់បំណាច់ចៅក្រមនិងព្រះរាជអាជ្ញា” ចុះថ្ងៃទី២៤ ខែឧសភា ឆ្នាំ២០១៩ ។យោងតាមអនុក្រឹត្យនេះ ប្រធានតុលាការកំពូល និង អគ្គព្រះរាជអាជ្ញាអមតុលាការកំពូល ទទួលបានប្រាក់បំណាច់ចំនួន១០លានរៀល ឬ ស្មើនឹង២,៥០០ដុល្លារអាមេរិក ។ ក្រៅពីនេះ មន្ត្រីតុលាការផ្សេងទៀត គឺ ទទួលបានប្រាក់បំណាច់តាមឋានានុក្រម តែនៅតែមិនអាចលុបបំបាត់អំពើពុករលួយបាន!?។