វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5 នាក់
ម្សិលមិញ 5304 នាក់
សរុប 14139531 នាក់
ប្រស៊ីល៖អស់រយៈពេល៣សប្តាហ៍កន្លងផុតទៅហើយ ដែលភ្លើងឆេះព្រៃបានរីករាលដាល ក្នុងព្រៃអាម៉ាហ្សូន ដែលគេចាត់ទុកថាជាសួតរបស់ផែនដីនោះ ស្ថិតក្នុងប្រទេសប្រេស៊ីនោះ ព្រោះថាព្រៃអាម៉ាហ្សូនបានផ្តល់អុកស៊ីសែន២០% ដល់ផែនដីសំរាប់ទ្រទរង់ជីវិតសព្វថ្ងៃនេះ ។វិទ្យាស្ថានជាតិស្រាវជ្រាវអាកាសប្រេស៊ីល បានបញ្ជាក់ឲ្យដឹងថា រវាងថ្ងៃព្រហស្បតិ៍ ដល់ថ្ងៃសុក្រសប្តាហ៍នេះ មានចំនុចភ្លើងព្រៃចំនួន ១៦៦៣ចំណុច ថ្មីបន្ថែមទៀត។ ផ្សែងខ្មៅខ្មួលខ្មាញ់ បានគ្របដណ្តប់ពីលើទីក្រុងមួយចំនួននៅប្រេស៊ីល។
លោកបុលសូណារ៉ូ ប្រធានាធិបតីប្រេស៊ីល បានសម្រេចបញ្ជូនទាហានចំនួន៤៣០០០នាក់ ដើម្បីជួយក្នុងសកម្មភាពពន្លត់ភ្លើង។ រដ្ឋមន្ត្រីក្រសួងការពារជាតិប្រេស៊ីល បានលើកឡើងថា ប្រេស៊ីលស្វាគមន៍គ្រប់ជំនួយទាំងអស់ ដើម្បីជួយស្រោចស្រង់ព្រៃអាម៉ាហ្សូន។ប៉ុន្តែអំណាចនៃព្រះអគ្គី ហាក់មិនថមថយ បណ្ដាលឱ្យព្រៃរាប់ម៉ឺនហិកតា ត្រូវហិនហោច និងសត្វជាច្រើន បានងាប់បន្តបន្ទាប់គួរឱ្យសង្វេគ។
ប្រទេសមហាអំណាចនានាពិសេសប្រទេសបារាំង កំពុងមានការព្រួយបារម្ភចំពោះស្ថានភាពឆេះព្រៃអាម៉ាសហ្សូន ចំណែកសហរដ្ឋអាមេរិក ក៏បានបញ្ចេញយន្តហោះទៅជួយពន្លត់ខ្លះហើយដែរ។ គួរកត់សំគាល់ថា ភ្លើងឆេះព្រៃមិនមែនជាប្រភពតែមួយ នៃការវិនាសហិនហោចព្រៃអាម៉ាហ្សូននោះទេ។
ក្នុងឆ្នាំ២០១៨កន្លងទៅ ដីព្រៃចំនួន១៩៧០០០ហិកតា នៅប្រទេសកូឡុំប៊ី ត្រូវបានគេកាប់បំផ្លាញធ្វើ។ នៅប្រេស៊ីលវិញ ការកាប់បំផ្លាញព្រៃយកឈើលក់ និងការរានដីព្រៃ យកធ្វើកសិកម្ម ពិសំណាក់ក្រុមហ៊ុនធំៗ ត្រូវបានរដ្ឋាភិបាលជំរុញលើកទឹកចិត្ត។
ទូរទស្សន៍BBCចេញផ្សាយ នៅថ្ងៃសៅរ៍ទី២៤ខែសីហានេះ បានឲ្យដឹងថាភាគច្រើននៃការ កើតហេតុអគ្គិភ័យត្រូវបានគេរកឃើញថា ដោយសារតែក្រុមអ្នកកាប់ឈើនិងអ្នករត់ ការដើម្បីឈូសឆាយដីរានដីព្រៃដើម្បីយក ទីធ្លាទាំងនោះមកចិញ្ចឹមសត្វគោក្របី ហើយជឿជាក់ថាការអនុវត្តបែបនេះ នៅតែកំពុងបន្តកើនឡើង នៅក្នុងប្រទេសនេះ។សមាគមនាំចេញសាច់គោប្រេស៊ីលហៅកាត់ថា Abiec បាននិយាយថាកាលពីឆ្នាំមុនប្រទេសនេះ បាននាំចេញសាច់គោ១,៦៤លានតោនដែល ជាបរិមាណខ្ពស់បំផុតក្នុង ប្រវត្តិសាស្ត្រនិងបានបង្កើតប្រាក់ចំណូល បានចំនួន ៦,៥៧ ពាន់លានដុល្លារផងដែរ៕
ប្រជាជនប្រេស៊ីលរាប់ម៉ឺននាក់ បានចេញធ្វើបាតុកម្ម បរិហារពីភាពអសកម្មរបស់រដ្ឋាភិបាល ក្នុងការទប់ស្កាត់ភ្លើងឆេះព្រៃ ក៏ដូចជាការកាប់បំផ្លាញព្រៃឈើ។លោក Ivan Duque ប្រធានាធិបតីកូឡុំប៊ី បានថ្លែងនៅថ្ងៃសៅរ៍ម្សិលមិញ ដោយបានអំពាវនាវសុំជំនួយពីសហគមអន្តរជាតិ ដើម្បីជួយការពារព្រៃអាម៉ាហ្សូន។ ជំនួយអាចធ្វើបាន ក្រោមរូបភាពជាជំនួយថវិកា បច្ចេកទេស ការស្រាវជ្រាវ ឬគ្រឿងបរិក្ខា ដើម្បីទប់ស្កាត់ភ្លើងឆេះព្រៃ។ លោកក៏បានលើកឡើងផងដែរ អំពីបំណងប្រមូលប្រទេសទាំងអស់ ដែលស្ថិតនៅជាប់តំបន់ព្រៃអាម៉ាហ្សូន ឲ្យរួមគ្នាធ្វើសេចក្តីប្រកាសរួមមួយ ដើម្បីការពារប្រព័ន្ធជីវចម្រុះ នៃព្រៃអាម៉ាហ្សូនដ៏ធំមហិមានេះ។
ដោយឡែក សមាជិកសភាបារាំងមួយចំនួន បានអំពាវនាវឲ្យបង្កើតមូលនិធិអន្តរជាតិមួយ ដើម្បីប្រយុទ្ធប្រឆាំងនឹងភ្លើងឆេះព្រៃអាម៉ាហ្សូន ព្រមទាំងធ្វើការដាំដើមឈើឡើងវិញ។ នៅក្នុងកិច្ចប្រជុំវេទិកាកំពូល G7 ឯណោះវិញ លោកដូណាល់ ត្រាំ និង លោកបូរីស ចនសុន បានស្នើផ្តល់ជំនួយ ទៅកាន់លោកបុលសូណារ៉ូ។