ត្រឹមជាថៅកែកាស៊ីណូម៉េចថ្លើមធំពាសមេឃហ៊ានលួចតបណ្តាញកាប្លិ៍អុបទិកឆ្លងដែនខុសច្បាប់ពីថៃ មកកម្ពុជា?!
01-March-2025 / ព័ត៌មានជាតិ
បន្ទាយមានជ័យ៖ ប្រព័ន្ធបណ្ដាញខ្សែកាប្លិ៍មួយកន្លែងត្រូវបានគេលួចតភ្ជាប់ពីស្រុកសៀមចូលស្រុកខ្មែរនៅត្រង់អូរព្រំដែនកម្ពុជាថៃ ជាប់និងកាស៊ីណូផារេមិក(អត់តិតផ្កាយ)ស្ថិតក្នុងភូមិសាស្ត្រគ្រប់គ្រងដោយនគរបាលការពារព្រំដែនគោកវរសេនាតូចលេខ៩១១ របស់លោកវរៈសេនីយ៍សូចាន់រីមេវរៈដុះស្លែនៅក្នុងភូមិក្បាលស្ពាន១សង្កាត់និងក្រុងប៉ោយប៉ែតខេត្តបន្ទាយមានជ័យ។
ប្រជាពលរដ្ឋបានឲ្យដឹងថា ខ្សែកាប្លិ៍អុបទិកខាងលើនេះគឺខាងភាគីថៃ ឃុបឃិតគ្នាលួចតនៅពេលយប់តាំពីថ្ងៃទី១៥ខែឧសភាឆ្នាំ២០១៨មកម្លេះ ប៉ុន្តែគ្មានសមត្ថកិច្ចនិងមន្ត្រីជំនាញណាបានដឹងឬអើពើរនោះទេ(ដែលគេជឿថាទាល់តែមានការឃុបឃឹតគ្នាទើបធ្វើបាន) ។ រហូតនៅដើមខែសីហា២០១៩នេះប្រហែលខាងភាគីថៃគេរករឿងទើបឃើញមានខាងស្នងការនគរបាលខេត្តបន្ទាយមានជ័យ ដឹកនាំកម្លាំងចុះត្រួតពិនិត្យនៅនឹងកន្លែងតែម្តងទើបបែកការណ៍ថាជាសកម្មភាពលួចតភ្ជាប់ដោយខុសច្បាប់!។
ប្រការដែលហួសចិត្តគែ មេកងសន្តិសុខកាស៊ីណូ ខាឡាស៊ីដែលពាក់ដល់ទៅផ្កាយពីរយោធាឈ្មោះទៀ ចាង បានឲ្យដឹងថា លោកមិនបានដឹងរឿងនោះជាក់លាក់ទេព្រោះ ថៅកែក្រុមហ៊ុនកាស៊ីណូ ឈ្មោះ លីបាក់ ឡេង ហៅសំបួន ចែកតំបន់គ្រប់គ្រង ដាច់ដោយឡែកសម្រាប់លោក?។ មេកងសន្តិសុខកាស៊ីណូដដែលបានបញ្ជាក់ថា បើលោកដឹងរឿងនោះលោកមិនឲ្យមានការងារខុសច្បាប់បែបនេះកើតមានទេ ព្រោះប្រពន្ធ័សេវា អិនធឺណិតខាងកម្ពុជាយើងម៉ាគគោកហើយមានតម្លៃថោកទៀតផង!(ស៊ិក) ។
ពាក់ព័ន្ធនិងករណីខ្សែភ្លើងកប់ជ្រៅក្នុងដីឆ្លងដែនពីថៃ មកកម្ពុជានេះ លោក វរសេនីយ៍ត្រី រស់ ពិសិដ្ឋ នាយកប៉ុស្តិ៍បឹងសាគូកូនចៅលោកសូចាន់រីមេនគរបាលការពារព្រំដែនគោកលេខ៩១១ បានឲ្យដឹងមកថា៖ លោកមិនបានដឹងថាជាខ្សែកាប្លិ៍អ្វីនោះទេ ព្រោះនៅទីនោះមានផ្ទះ១ខ្នងជាដីគ្រប់គ្រងដោយក្រុមហ៊ុន។ លោកថា ក្រែងជាខ្សែទុយយោម៉ាស៊ីនត្រជាក់ទេ។ អ្វីដែលលោកបានដឹងនោះដោយសារ ស្នងការរងបញ្ជារឲ្យលោកការពារទីតាំងនោះឲ្យរក្សាបាននូវរូបភាពដើម រងចាំមន្ត្រីជំនាញមកពិនិត្យជាក់ស្តែង ។
ចំណែក លោក ចៅ វិត ប្រធានមន្ទីរប្រៃសណីយ៍ទូរគមនាគមន៍ ខេត្តបន្ទាយមានជ័យ ដែលគេជឿថាអាចបានប្រយោជន៍ពីបទល្មើសលួចតបណ្តាញកាប្លអុបទិកពីស្រុកសៀមចូលមកខ្មែរ មិនអាចសុំការបំភ្លឺបានទេព្រោះ ទូរស័ព្ទចូលច្រើនដងគ្មានអ្នកលើក? ។
ប្រភពខាងក្រៅចោទថា៖ ករណីខាងលើនេះ មានមន្ត្រីជំនាញខ្លះបានសើមមាត់សើមក ជាយូរមកហើយមិនមែនមិនដឹងនោះទេ។ព្រោះបើមិនដឹងធ្វើសមត្តកិច្ចការពារអធិប្បតេយ្យជាតិនិងគ្រប់គ្រងស្រុកម៉េចកើត? ពួកគេព្យាយាមជួយលាក់បាំងគ្នា ឆ្លើយថា មិនដឹងរៀងៗខ្លួន ដើម្បីដោះបន្ទុកពីការអនុវត្តន៍អភិក្រមទី៥របស់នាយយករដ្ឋមន្ត្រីរឿងកាត់សាចស្អុយយកតែព្រះអាយូសតែប៉ុណ្ណោះ ។
សូមបញ្ជាក់ថានៅក្នុងបរិវេញកាស៊ីណីផារិមិកមានអគារសាខាជាច្រើនបើកជាបនល្បែងអនឡាញ ដែលគេជឿថាម្ចាស់កាស៊ីណូនេះត្រូវតែទទួលការដាក់ទោសឬផាកពិន័យតាមច្បាប់ដូចការចាប់ជនជាតិចិនដែលលួចតបណ្តាញអ៊ិនធឺណិតចាប់ជម្រឹតចឹងដែរ។(សហការី)
