វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1898 នាក់
ម្សិលមិញ 10264 នាក់
សរុប 14141080 នាក់
អាមេរិក៖យន្តហោះចម្បាំង F-35 ដែលជាយន្តហោះ ទំនើបបំផុតរបស់យោធាអាមេរិកដែលអាំចបញ្ចៀសការចាប់បានពីប្រព័ន្ធរ៉ាដា មីស៊ីល S-300 របស់រុស្ស៊ី ដែល អ៊ីស្រាអែលគ្រោងនឹងប្រើប្រាស់ ដើម្បីវាយប្រហារទៅលើគោលដៅនៅក្នុងប្រទេសស៊ីរី បានធ្លាក់ ។
នេះបើតាមការចេញផ្សាយដោយសារព័ត៌មាន Russian Today នៅព្រឹកថ្ងៃសៅរ៍ ទី២៩ ខែកញ្ញា ឆ្នាំ២០១៨ ។វាជាយន្តហោះចម្បាំងបំបាំងកាយរបស់អាមេរិក ផលិតដោយក្រុមហ៊ុន ការពារជាតិអាមេរិក Lockheed Martin មានតម្លៃដល់ទៅ១១៥លានដុល្លារមួយគ្រឿង ។
យន្ដហោះប្រភេទ F-35B ត្រូវបានគេរាយការណ៍ថា បានធ្លាក់នៅក្នុងរដ្ឋ សោតស៍ ខារ៉ូលីណា (South Carolina) ដែលស្ថិតចំងាយ ៨គីឡូម៉ែត្រ ពីមូលដ្ឋានកងទ័ពជើងទឹក ប៊ីយូហ្វត (Beaufort Marine Corps Air Station)តែ ក៏មិនបានបង្កឲ្យជនស៊ីវិលណាម្នាក់រងរបួស ឬស្លាប់នោះដែរ ។ ចំណែកឯអ្នកបញ្ជាយន្ដហោះចម្បាំង ដ៏ទំនើបថ្លៃកប់ពពកមួយនេះ បានចុចឆ័ត្រយោងចេញពីលើយន្ដហោះទាន់ពេលវេលា ហើយ ។ មិនទាន់មានការបញ្ជាក់ពីមូលហេតុធ្លាក់នៅឡើយទេ ខណៈការស៊ើបអង្កេតមួយកំពុងដំណើរការ ។
គួរបញ្ជាក់ថា ការធ្លាក់យន្ដហោះចម្បាំងនេះ កើតមានឡើងតែមួយថ្ងៃប៉ុណ្ណោះ បន្ទាប់មន្ទីរបញ្ចកោណបានទទួលស្គាល់ថា យន្ដហោះចម្បាំង F-35B បានដឹកនាំការវាយប្រហារតាមផ្លូវអាកាសជាលើកដំបូង ប្រឆាំងនឹងមូលដ្ឋានរបស់ក្រុមសកម្មប្រយុទ្ធតាលីបង់ នៅក្នុងប្រទេស អាហ្វហ្គានីស្ថាន កាលពីថ្ងៃទី២៧កញ្ញា។មន្ត្រីការពារជាតិអាមេរិក ៣រូប ឲ្យដឹងថា យន្តហោះខាងលើ បានបើកការវាយប្រហារពីនាវា USS Essex ។ របាយការណ៍របស់នាយទាហានជើងទឹក វាយប្រហារដែនគោក សរសេរថា ៖ “បេសកកម្មរបស់ F-35B នេះ បានវាយប្រហារគាំទ្រដល់បណ្តាយុទ្ធនាការសម្អាតផ្ទៃដី ហើយវាហាក់ដូចជាបានសម្រេចភារកិច្ច” ។
យន្តហោះប្រយុទ្ធបំបាំងកាយ F-35 ត្រូវបានចាត់ទុកជាប្រព័ន្ធអាវុធថ្លៃបំផុតប្រវត្តិសាស្ត្រ ។ ក្នុងដំណើរការអភិវឌ្ឍមានការផ្អាកច្រើនលើក និងត្រូវចំណាយពេលវែង ទើបវាមានវត្តមានត្រៀមប្រយុទ្ធបាន ។F-35 ត្រូវបានចាត់ទុកជាអនាគត នៃទ័ពអាកាស ព្រោះតែសមត្ថភាពគួបផ្សំដ៏អស្ចារ្យរវាង ៖ សមត្ថភាពបំបាំងកាយ ល្បឿនកំពូលលឿន និងបច្ចេកវិទ្យា Sensor កំពូល ។F-35B ជាគំរូ១ ក្នុងចំណោមគំរូ ៣ របស់ F-35 ដែលវាអាចឡើងចុះត្រង់ដូចជាឧត្ថម្ភាចក្រ ។ យន្តហោះនេះ ក៏មានទំហំសមល្មមប្រៀបនឹងយន្តហោះដទៃទៀត ៕
សូមបញ្ជាក់ថាប្រទេសរុស្ស៊ីទើបនឹងបញ្ជូនកាំជ្រួចការពារដែនអាកាសទំនើបប្រភេទs៣០០ ឲ្យប្រទេសស៊ីរីសម្រាប់ការពារដែលអាកាស៕