អ្នកកាសែត២នាក់ចូលអន្ទាក់មេបរិស្ថានត្រូវនគរបាលកំពង់ធំវ៉ៃខ្នោះតុលាការចេញដិកាដាក់គុករួចខ្លួនអ្នកសូក!!
27-March-2024 / ព័ត៌មានជាតិ
កំពង់ធំ៖ប៉ូលិសកំពង់ធំក្រោមបញ្ជារបស់លោកឧត្តមសេនីយ៍អ៊ុក កុសល ស្នងការ ខេត្តកំពង់ធំបានស្ទាក់ចាប់វ៉ៃខ្នោះអ្នកកាសែត២នាក់ក្រោមបទចោទថាជម្រឹតទារលុយ១២០០ដុល្លារអាមេរិកកាលពីវេលាម៉ោងប្រមាណ១០និង៤០នាទីព្រឹកថ្ងៃទី៩ ខែមិថុនា ស្ថិតនៅចំពីមុខផ្សារកំពង់ធំ ក្នុងភូមិទី១ សង្កាត់កំពង់ធំ ក្រុងស្ទឹងសែន ខេត្តកំពង់ធំ (ក្នុងអាហារដ្ឋានមួយកន្លែង)។
ជនជាប់សង្សយ័ទាំង២នាក់ដែលត្រូវសមត្ថកិច្ចចាប់ខ្លួនម្នាក់ឈ្មោះ ហ៊ាង លីហាក់ (អតីតឈ្មោះហេងជលសា )ភេទប្រុស អាយុ៥០ឆ្នាំ កាន់បណ្ណ័ព័ត៍មានសំឡេងសន្តិភាព ឈ្មោះ អាំង ប៊ុនហូវ ភេទប្រុស អាយុ៤១ឆ្នាំ កាន់បណ្ណ័ព័ត៌មានវិថីសន្តិភាព ។
ជនសង្សយ័ទាំង២នាក់ ជាប់ចោទពីបទជំរិតទារប្រាក់ចំនួន១.២០០ដុល្លារ ពីលោក លី ស្រេង មានតួនាទីជានាយកដែនជម្រកសត្វព្រៃអភិរក្សព្រៃឡង់ ។ក្រោយពីចាប់ខ្លួនដោយមានព្រះរាជអាជ្ញាចូលរួមផងបានធ្វើលិខិតចោទប្រកាន់ពីបទ «កំហែងយក» រួចបញ្ជូនឲ្យចៅក្រមស៊ើបលោក យុត ពន្លឺ ចេញដិការឃុំខ្លួនបទ «កំហែងយក» ប្រព្រឹត្តនៅហាងឌឺសឺតផ្លេសកាហ្វេ ភូមិ១ សង្កាត់កំពង់ធំ ក្រុងស្ទឹងសែន កាលពីថ្ងៃទី០៩ ខែមិថុនា ឆ្នាំ២០១៩ តាមមាត្រា៣៦៣,៣៦៤ នៃក្រមព្រហ្មទណ្ឌ នៅថ្ងៃទី១១ ខែមិថុនា ឆ្នាំ២០១៩ ។
ការសហការចាប់អ្នកកាសែតដាក់គុកនេះធ្វើឲ្យមានការិះគន់ថាហេតុអីអ្នកសូកមិនជាប់គុក?។ជាក់ស្តែងលោក លី ស្រេងមេបរិស្ថាន បានប្រាប់កាសែតកោះសន្តិភាពតាមទូរស័ព្ទកាលពីព្រឹកថ្ងៃទី១០ ខែ មិថុនាថា ក្រោយពីមានសារព័ត៌មានមួយចំនួនចុះផ្សាយកាលពីថ្ងៃទី៦ ខែមិថុនា ស្តីអំពីបទល្មើលព្រៃឈើ ហើយប៉ះពាល់ដល់មន្ទីរបរិស្ថាននិងមន្ទីរកសិកម្មរួចមក នៅថ្ងៃទី៨ ខែមិថុនា លោក ហ៊ាង លីហាក់ ដែលប្រាប់ថាជាអ្នកកាសែតសំឡេងសន្តិភាព បានទូរស័ព្ទទៅលោកសួរថា«យ៉ាងម៉េចទៅហើយអាម៉ាក ឃើញគេចុះផ្សាយព្រោងព្រាត បើចង់បិទព័ត៌មានមកជួបនិយាយគ្នាមក» ។
ពួកគេបានណាត់ជួបគ្នាចរចាររឿងលុយនៅក្នុងអាហារដ្ឋានខាងលើ ដែលមានរូបលោកជាមួយលោក ហ៊ាង លីហាក់ និងលោក អាំង ប៊ុនហូវ ។ នៅក្នុងជំនួបនោះ លោក ហ៊ាង លីហាក់ និយាយថា បិទព័ត៌មានទៅពួកម៉ាក ។លោកក៏យល់ព្រមតាម ដើម្បីកុំឱ្យមានបញ្ហា ហើយខណៈនោះលោក ហ៊ាង លីហាក់ ប្រាប់ថា គេមានគ្នា៤នាក់ ក្នុងម្នាក់សុំ៣០០ដុល្លារ ៤នាក់ស្មើនឹង១.២០០ដុល្លារ ។ លោក លី ស្រេង និយាយថា លោកយល់ព្រមឲ្យ១.២០០ដុល្លារ តែឥឡូវលោកមានតែ៥០០ដុល្លារទេក្នុងហោប៉ៅឲ្យប៉ុណ្ណឹងសិន សុំជំពាក់៧០០ដុល្លារចាំឲ្យពេលក្រោយ ពួកគេក៏យល់ព្រម ។
នៅពេលលោកហុចលុយឲ្យ ក៏ត្រូវកម្លាំនគរបាលចាប់ខ្លួនអ្នកទាំង២នាក់តែម្តង ។បើតាមការអះអាងនេះបង្ហាញថាលោកលី ស្រេងមេបរិស្ថានបានសូកអ្នកកាសែតនិងរៀបចំអន្ទាក់ជាមួយនគរបាលចាប់ដាក់គុកជាមួយភស្តុតាងជាក់ស្តែងចឹងហ្ម៉ងទៅ។
ទោះជាយ៉ាងណាមានពតិមានថាអ្នកាសែតពីរនាក់ហ្នុងក៏ធ្លាប់មានប្រវត្តិមិនល្អប៉ុន្មានដែរ។ លោក ហ៊ាង លីហាក់ ទើបតែចេញពីពន្ធនាគារបានជាង១ខែប៉ុណ្ណោះ ក្រោយត្រូវបានចាប់ខ្លួន និងឃុំខ្លួននៅពន្ធនាគារកាលពីចុងខែមិថុនា ឆ្នាំ២០១៨ ក្រោមការចោទប្រកាន់ពីបទ ឆបោក ដែលពេលនោះលោកបម្រើការងារ នៅស្ថានីយទូរទស្សន៍ប៉ុស្ដិ៍លេខ៥។ឯលោកលីស្រេងក៏ខូចដែរព្រោះរងការរិះគន់ពីរឿងឃុបឃឹតជាមួយឈ្មួញបណ្តោយឲ្យគេបំផ្លាញព្រៃឈើក្នុងដែនសមត្តកិច្ចរបស់ខ្លួន៕
.jpg)
