» កោះហៅ​អនុ​រដ្ឋលេខា​ទៅ​បំភ្លឺ​នៅ​តុលាការ​មណ្ឌល​គី​រី​រឿង​ឲ្យ​ដី​ក្រុមហ៊ុន ផេ​ស៊ី​ហ្វិ​ក​ហ្គេ​ន​យ៉​ញ​-​ស្តុក​ខម​ភេ​នី​លី​មី​ធី​ត​ខុសច្បាប់​? » តេ​ជោ​បិទ​ល្បែង​អន​ឡាញ​ចៅហ្វាយខេត្ត​រតនៈគីរី​បើក​សង្វៀនមាន់ អាប៉ោង យូគី នៅ​ក្រុង​បាន​លុង​? » ក្រុម​ឧទ្ទាម​ប្រទេស​យេ​ម៉ែន​បាញ់​ទម្លាក់​យន្ត​ដ្រូ​ន​អាមេរិក​បង្ហាញថា​ប្រសិទ្ធិភាព​វា​ធ្លាក់ចុះ​ហើយ​! » ជ័យលាភី​លេខ​៣ Miss Universe កម្ពុជា នឹង​តំណាង​ប្រទេស​កម្ពុជា ដើម្បី​ចូលរួម​ក្នុងការ​ប្រកួតប្រជែង​ក​ម្ម​វិធី​បវរកញ្ញា​ទេសចរណ៍​អន្តរជាតិ (Miss Tourism International) ឆ្នាំ ២០១៩ » លោក​ឈាង​វុន​បដិសេធ​សំណើរ​ផ្តល់​សញ្ជាតិ​ស្វ​យ័​ប្រវត្តិ​ដល់​ជនជាតិ​វៀតណាម​ដែល​រស់នៅ​ក្នុងស្រុក​ខ្មែរ​! » ផាន់​ផាន់​ណា​រ៉ា​អគ្គនាយក​នៃ​អគ្គនាយកដ្ឋាន​សុខភាព​សត្វ​និង​ផលិតកម្ម​សត្វ​ចុះ​ផ្ទាល់​ចាប់​ឡាន​ដឹក​មាន់​ចំនួន​ពីរ​គ្រឿង​គ្មាន​លិខិតអនុញ្ញាត នៅក្នុង​ស្រុក​ជាំ​ក្សាន្ត​ » ស្លាប់​មួយ​គ្រួសារ​សម​ត្ត​កិច្ច​ថា​ជា​សកម្មភាព​ដាក់​ថ្នាំ​បំពុល​ » បទល្មើស​នេសាទ​ដាក់​របាំង​កាត់​ព្រែក​នៅ​ចំណុច​ព្រែល​ឆ្ដោរ​នា​រដូវ​បិទ​សាទ​គ្មាន​សមត្ថកិច្ច​បង្ក្រាប លោក​នួន វុ​ឌ្ឍី​នាយ​សង្កាត់​ជល​ផ​លជល​គី​រី​ថា​ចាំ​មាន​ពេលទំនេរ​ចាំ​ចុះទៅ​មើល​? » សម្តេច​តេ​ជោ​និង​កូនប្រសារ​ដាក់ពាក្យ​ប្តឹង​លោក​សមរង្ស៊ីរឿងខ្មោចលោកហុកឡងឌី​នៅ​តុលាការ​ស្រុក​បារាំង​! » បែកធ្លាយ​រឿងអាស្រូវ​ពុករលួយ របស់​មន្ទីរ​សង្គមកិច្ច​ខេត្ត ព្រះសីហនុ សូកលុយ​ចំនួន​៤​ម៉ឺន​ដុល្លារ​អាមេរិក ដល់​លោក នាយក​អង្គការ AOG បិទមាត់​កុំអោយ​និយាយ​រឿង កាត់ ដី​សាលា​Hope លក់​អោយ​ឯកជន ? » បារាំង​ងាក​ទៅរក​ទាក់ទាញ​រុស្ស៊ី​ពេល​អាមេរិក​វ៉ៃ​ឬ​ក​ដាក់​និង​ចង់​ឯកោ​ពី​ចិន​ផងដែរ​ » បន្ទាប់ពី​យុវជន​អាយុ​២០​ឆ្នាំមាន​យុវនារី​ខ្មែរ​ម្នាក់ទៀត​ចេះ​បើក​យន្តហោះ​ » ថ្ងៃទី​១​មាន​បេក្ខជន​បាក់​ឌុប​២​នាក់​តម្រូវ​ឲ្យ​ធ្លាក់​ក្នុងពេល​អ្នកមាន​បញ្ហា​សុខភាព​៤៣​នាក់​តែ​ប្រឡង​បាន​ » សហភាព​អឺរ៉ុប​ប្រកាស​បន្ត​កិច្ចសហការ​ជិតស្និទ្ធ​ជាមួយ​រាជរដ្ឋាភិបាល​កម្ពុជា​ » តុលាការ​ចោទប្រកាន់​រួច​នគរបាល​បណ្តោយ​ឲ្យ​ចោរ​រត់​បាត់​!?

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 8156 នាក់

ម្សិលមិញ 7918 នាក់

សរុប 2803178 នាក់

រដ្ឋមន្ត្រីក្រសួង​ព័ត៌មាន អំពាវនាវ​សុំ​ឲ្យ​អាជ្ញាធរ និង គ្រប់​អង្គភាព​ស្ថាប័នរដ្ឋ សហការ​ជាមួយ​អ្នកសារព័ត៌មាន ក្នុងការ​ផ្ដល់ព័ត៌មាន​ពិត ដើម្បី​រួមគ្នា​លុបបំបាត់​ព័ត៌មាន​ក្លែងក្លាយ​


សឪមរាប៖​ថ្លែងបិទ​សិក្ខាសាលា​ស្ដីពី​តួនាទី​អ្នកសារព័ត៌មាន នៅ​សណ្ឋាគារ​ខេមរា​អង្គរ ក្នុង​ក្រុង​សៀមរាប កាលពី​រសៀល​ថ្ងៃទី​០១ ខែមិថុនា ឆ្នាំ​២០១៩​ឯកឧត្តម ខៀវ កាញារីទ្ធ រដ្ឋមន្ត្រីក្រសួង​ព័ត៌មាន បាន​សំណូមពរ​ដល់​អាជ្ញាធរ​គ្រប់លំដាប់​ថ្នាក់ និង គ្រប់​អង្គភាព​ស្ថាប័ន​របស់​រដ្ឋ សហការ​ជាមួយ​អ្នកសារព័ត៌មាន ក្នុងការ​ផ្ដល់ព័ត៌មាន​ពិត ឲ្យ​បាន​ទាន់ពេលវេលា ដោយ​ផ្អែក​សំខាន់​ទៅលើ​ភស្ដុតាង និង តួលេខ​ជាក់លាក់ កុំ​ភូតកុហក ថ្វីត្បិតតែ​ជាការ​ងារ​ស្មុគស្មាញ ប៉ុន្តែ​វា​ពិត​ជាមាន​សារៈសំខាន់​ខ្លាំងណាស់ ប្រសិនបើ​មិន​ដូច្នោះ​ទេ គេ​នឹង​ស្មាន ហើយ​ការ​ស្មាន​នេះ នឹងធ្វើ​ឲ្យ​ព័ត៌មាន​ហ្នឹង​អាច​នឹង​ខុស ។​a khiev 

​ឯកឧត្តម ខៀវ កាញារីទ្ធ មានប្រសាសន៍​ទៀតថា សតវត្ស​ទី​២១​នេះ ជា​សម័យ​បច្ចេកវិទ្យា​ទំនើប ដូច្នេះ​ការផ្សាយ​ព័ត៌មាន មាន​គ្រប់​រូបភាព​ដូចជា​កាសែត ទស្សនាវដ្ដី វិទ្យុ ទូរទស្សន៍ គេហទំព័រ ហ្វែ​ស​ប៊ុ​ក ធ្វី​ធ័​រ និង យូ​ធូប ។​ល​។ ដូច្នេះ​អ្នកមើល និង អ្នកអាន គាត់​មាន​ជម្រើស​ច្រើន អាច​បែក​ចែក​ខុស​និង​ត្រូវបាន សម្រាប់​ការតាមដាន​នូវ​រាល់​ព័ត៌មាន និង ព្រឹត្តិការណ៍​សំខាន់ៗ​ទាំង​នៅក្នុង​ប្រទេស ក្នុង​តំបន់ និង នៅលើ​ពិភពលោក ខណៈពេល​ប​ច្ច​ប្បន្ន​នេះ ការផ្សាយ​តាម​បណ្ដាញ​ទំនាក់ទំនង​សង្គម​ហ្វែ​ស​ប៊ុ​ក មាន​ភាពទូលំទូលាយ​ជាងគេ ហើយ​អ្នកសារព័ត៌មាន គាត់​មានតែ​ទូរស័ព្ទ​ស្មា​ត​ហ្វូ​ន​មួយ គាត់​អាច​ធ្វើការ​ផ្សាយបាន​ភ្លាមៗ អំពី​ព្រឹត្តិការណ៍​នោះ ហេតុនេះ នៅក្នុង​សង្គម​ប្រជាធិបតេយ្យ ការ​ឆក់យក​បេះដូង និង ខួរក្បាល របស់​ប្រជាពលរដ្ឋ គឺជា​រឿង​សំខាន់​ណាស់ ជាពិសេស​ត្រូវ​អត់ធ្មត់​ឲ្យ​បាន​ខ្លាំង​បំផុត ដើម្បី​ពន្យល់​គេ និង ដើម្បី​រួមគ្នា​លុបបំបាត់​ព័ត៌មាន​ក្លែងក្លាយ​។​

​ឯកឧត្តម ខៀវ កាញារីទ្ធ មានប្រសាសន៍​បន្ថែមទៀត​ថា ស្ថាប័ន​របស់​រដ្ឋ និង​អ្នកសារព័ត៌មាន ត្រូវមាន​ទំនាក់ទំនង​ជាមួយគ្នា​ឲ្យ​បានល្អ ព្រោះថា នៅពេល​មាន​ព័ត៌មាន​បន្លំ ឬ​ព័ត៌មាន​ក្លែងក្លាយ ត្រូវតែ​ឆ្លើយតប​ឲ្យ​បាន​លឿន​មែនទែន កុំ​យក​កំហឹង​ទល់​កំហល់ សំខាន់​ត្រូវ​រក​អ្នក​ដែល​ចេះ​និយាយ​ជាមួយ​អ្នកសារព័ត៌មាន ហើយ​ត្រូវ​អត់ធ្មត់​ពន្យល់​គេ ខណៈ​ដែលមាន​អង្គភាព ឬ​អ្នកសារព័ត៌មាន​មួយចំនួន ផ្សាយ​ខុសពី​ការពិត ឬ​និយាយ​អាក្រក់​ពី​យើង យើង​ត្រូវតែ​ឆ្ល់​យ​បំភ្លឺ​ភ្លាមៗ ដល់ពេល​យូរ​ទៅ អ្នក​ដែល​កុហក និង បំប៉ោង​រឿង គាត់​នឹង​រអា​ខ្លួនឯង​ហើយ ពីព្រោះ​គេ​ឃើញ​ឈ្មោះ​ហ្នឹង​ឬ អង្គភាព​សារព័ត៌មាន​ហ្នឹង ផ្សាយ​ខុស​ចំនួន​ពីរ​ទៅ​បី​ដង​ហើយ ដូច្នេះ​ការចង​សត្រូវ​រវាង​ស្ថាប័ន​របស់​រដ្ឋ និង​អ្នកសារព័ត៌មាន មិនជា​ការល្អ​ទេ ។

​ឯកឧត្តម ខៀវ កាញារីទ្ធ មាន​សំណូមពរ​ដល់​អាជ្ញាធរ​គ្រប់លំដាប់​ថ្នាក់ និង គ្រប់​អង្គភាព​ស្ថាប័ន​របស់​រដ្ឋ​យ៉ាង​ដូច្នេះ បន្ទាប់ពី​មាន​សំណូមពរ​របស់​អ្នកសារព័ត៌មាន ជូន​ដល់​ឯកឧត្តម​រដ្ឋមន្ត្រីក្រសួង​ព័ត៌មាន និង ឯកឧត្ដម​អភិបាលខេត្ត​សៀមរាប តាមរយៈ​វីដេអូ​ឯកសារ ដែល​មន្ទីរ​ព័ត៌មាន​ខេត្តសៀមរាប បាន​ដកស្រង់​មតិ យោបល់ និង សំណូមពរ​របស់​អ្នកសារព័ត៌មាន​ក្នុង​ខេត្ត ក្នុង​កិច្ចប្រជុំ​មួយ​រវាង​ថ្នាក់ដឹកនាំ​មន្ទីរ​ព័ត៌មាន​ខេត្តសៀមរាប ជាមួយ​អ្នកសារព័ត៌មាន​ក្នុង​ខេត្ត កាលពី​រសៀល​ថ្ងៃទី​២៩ ខែមីនា ឆ្នាំ​២០១៩ កន្លងទៅនេះ ។​

​តាម​ខ្លឹមសារ​វីដេអូ​ឯកសារ​នោះ អ្នកសារព័ត៌មាន​ជាច្រើន​នាក់ បាន​សំណូមពរ​ដូចៗ​គ្នា ដល់​អាជ្ញាធរ​គ្រប់លំដាប់​ថ្នាក់ និង គ្រប់​អង្គភាព​ស្ថាប័ន​របស់​រដ្ឋ​ក្នុង​ខេត្ត សូមជួយ​ផ្ដល់ព័ត៌មាន​ពិត​ដល់​អ្នកសារព័ត៌មាន​ឲ្យ​បាន​ទាន់ពេលវេលា ចៀសវាង​ចេញផ្សាយ​ព័ត៌មាន​ដែលមាន​តែ​ម្ខាង និង ដែល​មិនមាន​តុល្យភាព ។​

​ឯកឧត្តម​រដ្ឋមន្ត្រីក្រសួង​ព័ត៌មាន មានប្រសាសន៍​បញ្ជាក់ទៀតថា ជាមួយគ្នានេះដែរ អ្នកសារព័ត៌មាន​ទាំងអស់ ត្រូវតែ​មានចំណេះ​ចំនួន​៣ គឺ​ចំណេះដឹង ចំណេះធ្វើ និង ចំណេះ​គិត ហើយ​ការស្វែងរក​ប្រភព​ឆ្លើយបំភ្លឺ​ពី​អភិបាលខេត្ត ឬ​ថ្នាក់ដឹកនាំ​កំពូល​នៃ​អង្គភាព ក៏​មិនជា​ការល្អ​ដែរ ព្រោះ​គាត់​កិច្ចការងារ​សំខាន់ៗ និង ចាំបាច់​ជាច្រើន​ដែល​ត្រូវបំពេញ ដូច្នេះ​គួរតែ​ស្វែងរក​ប្រភពពី​ថ្នាក់ក្រោម​បន្ទាប់ ហើយ​ត្រូវធ្វើ​ការកែតម្រូវ ក្នុងករណី​សរសេរ​ខុស​ហើយ​គេ​សុំ​ឲ្យ​មានការ​កែតម្រូវ ហើយ​ត្រូវមាន​កម្រិតវប្បធម៌​ខ្លះ ព្រោះ​សព្វថ្ងៃនេះ មាន​ចាងហ្វាង និង អ្នកកាសែត​ខ្លះ សរសេរ​អក្សរ​ខ្មែរ​អត់​ត្រូវ​នោះទេ ។​

​ឯកឧត្តម​រដ្ឋមន្ត្រីក្រសួង​ព័ត៌មាន មានប្រសាសន៍​បញ្ជាក់បន្ថែម​ទៀតថា នៅ​កម្ពុ​ជាមាន​ប្រជាពលរដ្ឋ​ចំនួន​ប្រមាណ​១៥​លាន​នាក់ តែ​កាសែត​មាន​ចំនួន​ជិត​៧០០ ហើយ​មាន​កាសែត​ខ្លះ​មិនដែល​ឃើញ​មុខ​សោះ និង ចេញផ្សាយ​តែម្ដងៗ​នៅពេល​ជិត​បោះឆ្នោត រួច​ដើរ​សុំ​លុយ​គណបក្ស ដូច្នេះ​បានធ្វើ​ឲ្យ​ប៉ះពាល់​ដល់​អ្នកកាសែត​ត្រឹមត្រូវ​របស់​យើង ហេតុនេះ យើង​នឹង​កែសម្រួល​បញ្ហា​ទាំងអស់នេះ ធ្វើយ៉ាងណា​ឲ្យ​មាន​តុល្យភាព​នឹង​គ្នា និង មាន​ភាព​សុខដុម​ជាមួយគ្នា ។​

​គួរ​រំ​លឹ​ង​ថា ក្នុងឱកាស​បើក​សិក្ខាសាលា​នេះដែរ ឯកឧត្ដម ទៀ សីហា អភិបាលខេត្ត​សៀមរាប បាន​សំណូមពរ​ដល់​អ្នកសារព័ត៌មាន​ទាំងអស់ គួរ​គប្បី​ប្រកាន់ខ្លួន​ដើរតួនាទី​ជា​កញ្ចក់​ឆ្លុះបញ្ចាំង​ពី​ការពិត​របស់​សង្គម និង​រឿងរ៉ាវ​ផ្សេងៗ , បន្ត​ធ្វើជា​ស្ពាន​ពី​រដ្ឋ​ទៅ​ប្រជាជន ពី​ប្រជាជន​ទៅ​រដ្ឋ នូវ​កម្មវិធី​នយោបាយ និង​ឱ្យ​រដ្ឋ បានដឹង​ពី​កង្វល់​របស់​ប្រជាពលរដ្ឋ​នៅ​មូលដ្ឋាន​មករ​ដ្ឋ​វិញ លើកលែងតែ​បញ្ហា​ពាក់ព័ន្ធ​ទៅនឹង​សន្តិសុខ​ជាតិ , ជួយ​រិះគន់​ស្ថាបនា​លើ​គោលនយោបាយ និង​ការអនុវត្ត​ទាំង​ស្ថាប័នរដ្ឋ , ត្រូវមាន​វិជ្ជាជីវៈ​ត្រឹមត្រូវ មិន​និយាយ​បំផ្លើស ញុះញង់ , ចង់​ឲ្យ​សារព័ត៌មាន​ចូលរួម​វិភាគទាន​ក្នុងការ​វិភាគ​ទាំង​កម្រិត​ជាតិ និង​អន្តរជាតិ និង​ស្នើឱ្យ​គ្រប់​សកល​វិទ្យាល័យ​នានា​របស់​កម្ពុជា ធ្វើជា​ធនាគារ​ខួរក្បាល​លើ​បញ្ហា​នេះ និង ត្រូវខិតខំ​បង្កើន​សម្ថ​ភាព​ភាព​វិជ្ជាជីវៈ​របស់ខ្លួន ជាពិសេស​ត្រូវ​ចូលរួម​ប្រយុទ្ធប្រឆាំង​ជាមួយនឹង​ព័ត៌មាន​ក្លែងក្លាយ តាមរយៈ​វិធី​បញ្ចេញ​នូវ​ព័ត៌មាន​ពិត ព្រមទាំង​ត្រូវធ្វើ​ទំនើបកម្ម​តាមរយៈ​ប្រព័ន្ធ​ផ្សព្វផ្សាយ​ទាំង​សម្ថ​ភាព និង​ធនធានមនុស្ស ។​

​សូមបញ្ជាក់ថា កាលពី​រសៀល​ថ្ងៃទី​០១ ខែមិថុនា ឆ្នាំ​២០១៩​នេះ មន្ទីរ​ព័ត៌មាន​ខេត្តសៀមរាប បានរៀបចំ​សិក្ខាសាលា​មួយ ស្ដីពី​តួនាទី​អ្នកសារព័ត៌មាន នៅ​សណ្ឋាគារ​ខេមរា​អង្គរ ក្នុង​ក្រុង​សៀមរាប ក្រោម​អធិបតីភាព​ឯកឧត្តម ខៀវ កាញារីទ្ធ រដ្ឋមន្ត្រីក្រសួង​ព័ត៌មាន និង ឯកឧត្ដម ទៀ សីហា អភិបាលខេត្ត​សៀមរាប ដោយមាន​ការចូលរួម​ពី​សំណាក់​ឯកឧត្ដម លោកជំទាវ លោក លោកស្រី ជា​រដ្ឋលេខាធិការ អនុរដ្ឋលេខាធិការ​នៃ​ក្រសួង​ព័ត៌មាន , ប្រធាន​មន្ទីរ​ព័ត៌មាន​រាជធានី​ខេត្ត​ទាំង​២៥ , ថ្នាក់ដឹកនាំ​មន្ទីរ អង្គភាព​នានា​ក្នុង​ខេត្ត , អភិបាលស្រុក ក្រុង​ក្នុង​ទូទាំង​ខេត្ត , នាយក និង អ្នកយកព័ត៌មាន នៃ​អង្គភាព​កាសែត ទស្សនាវដ្ដី គេហទំព័រ ស្ថានីយ​វិទ្យុ​ឯកជន​ផ្សាយ​ផ្ទាល់ និង ស្ថានីយទូរទស្សន៍​ខ្សែកាប​ក្នុង​ខេត្ត សរុប​ចំនួន ១៧២ នាក់ ៕
​អត្ថបទ ៖ លោក លីវ សាន្ត​។​រូបថត ៖ សហការី​
#​មន្ទីរ​ព័ត៌មាន​ខេត្តសៀមរាប​a khiev1 a khiev2 a khiev3 a khiev4