វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5083 នាក់
ម្សិលមិញ 6359 នាក់
សរុប 14091716 នាក់
ខេត្តព្រះសីហនុ៖ ជនដែលជាប់សង្សយ័ខ្ពស់បំផុត ក្នុងអំពើឃាតកម្មលើក្មេងប្រុស ស្រី២នាក់បងប្អូននៅឃុំបិតត្រាងស្រុកព្រៃនប់ កាលពីថ្ងៃទី២៩ឧសភា ត្រូវបានសមត្ថកិច្ចវែកមុខឃើញហើយ ។
ប្រភពពីសមត្ថកិច្ចអោយដឹងថា ជនជាប់សង្សយ័រូបនេះឈ្មោះ ឈឹម វិចិត្រ ភេទប្រុសអាយុប្រហែល៣០ឆ្នាំបច្ចុប្បន្នជននេះកំពុងរត់គេចខ្លួន។ សុំប្រកាសរកកិច្ចសហការពីសមត្ថកិច្ចគ្រប់ជាន់ថ្នាក់ឬអ្នកប្រទះឃើញជនជាប់សង្សយ័រូបនេះនៅកន្លែងណាមួយ ដើម្បីនាំខ្លួនមកសាកសួរបន្ថែម។
សូមបញ្ជាក់ថា កាលពីល្ងាចថ្ងៃទី២៩ឧសភាឆ្នាំ២០១៩មានអំពើឃាតកម្មកើតឡើង ត្រង់ចំណុច ភូមិគគី ឃុំបិតត្រាំង ស្រុកព្រែនប់ ខេត្តព្រះសីហនុ បណ្តាលអោយក្មេងប្រុស ស្រី២នាក់បងប្អូនបង្កើតរងគ្រោះរហូតដល់ស្លាប់ទាំងពីរនាក់។ ក្នុងនោះក្មេងរងគ្រោះទី១-ឈ្មោះ ផា សុខលី ភេទប្រុស អាយុ២ឆ្នាំកន្លះ (ស្លាប់)នៅកន្លែងកើតហេតុ។ ទី២-ឈ្មោះ ផា ស្រីល័ក្ខ ភេទស្រី អាយុ១០ឆ្នាំ ស្លាប់ពេលបញ្ជូនទៅមន្ទីរពេទ្យ។សមត្តកិច្ចបានដាក់ការសង្សយ័ថាជាករណីរំលោភសម្លាប់ បង្កឡើងដោយជនល្មើសមិនទាន់ស្គាល់ អត្តសញ្ញាណដែលទើបវែកមុខដឹងខាងលើ។
ឪពុកម្ដាយក្មេងរងគ្រោះជាកម្មករសំណង់ តែងតែយកកូនទាំង២នាក់ទៅកន្លែងធ្វើការជាមួយ តែនៅថ្ងៃកើតហេតុ ឪពុកម្ដាយមិនបានយកកកូនទាំង២នាក់ទៅជាមួយ ក៏មានឃាតករមិនស្គាល់មុខចូលមកសម្លាប់កូនទាំង២នាក់យ៉ាងសាហាវព្រៃផ្សៃបែបនេះតែម្ដង។ គេបានសង្ស័យថា ជនល្មើសអាចធ្វើសកម្មភាពចាប់រំលោភកុមារីអាយុ១០ឆ្នាំ បន្ទាប់មកធ្វើសកម្មភាពសម្លាប់ទាំងកុមារី និងកុមារជាប្អូនអាយុ ២ឆ្នាំកន្លះដែលកំពុងដេកនៅក្នុងផ្ទះជាមួយគ្នា។
សមត្ថកិច្ច បានឱ្យដឹងទៀតថា ក្មេងស្រីជាបងនៅសល់ដង្ហើមតិចៗ ត្រូវបានក្រុមគ្រួសារដឹកមកសង្គ្រោះរហូតដល់រាជធានីភ្នំពេញ តែត្រូវបាត់បង់ជីវិតនៅវេលាម៉ោង ៨យប់ថ្ងៃដដែលនោះ។