វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5084 នាក់
ម្សិលមិញ 8227 នាក់
សរុប 14131965 នាក់
ហ្វីលីពីន៖ លោក រ៉ូឌ្រីហ្គោ ឌូតឺតេប្រធានាធិបតីហ្វីលីពីនឲ្យដឹងថា៖លោកមិនមានគំនិតក្នុងការហាមឃាត់ការធ្វើពាណិជ្ជកម្មល្បែងអនបឡាញ តាម ប្រទេសចិនបានអំពាវនាវនោះដែរ ព្រោះថាបើធ្វើបែបនោះមែន វានឹងបង្កផលប៉ះពាល់ដល់សេដ្ឋកិច្ចហ្វីលីពីន។
ទីភ្នាក់ងារពត៍មានរ៉ឺតែ( Reuters) ល្ងាចថ្ងៃព្រហស្បតិ៍ ទី០៥ ខែកញ្ញា ឆ្នាំ២០១៩បានឲ្យដឹងថា៖លោក ឌូតឺតេ ដែលកន្លងមកបានគាំទ្រការបោះជំហាន របស់និយតករគ្រប់គ្រងអាជីវកម្មល្បែងស៊ីសង កាលពីចុងឆ្នាំ២០១៦ ដើម្បីផ្តល់អាជ្ញាប័ណ្ណដល់អាជីវកម្មល្បែង តាមប្រព័ន្ធអនឡាញនោះបាននិយាយថា លោកនឹងមិនអនុញ្ញាតឲ្យមានសកម្មភាពឆ្កួតលីលា (ការបិទល្បែងស៊ីសងអនឡាញ) កើតមានឡើងនោះឡើយ ប្រសិនបើវាបាននិងកំពុងផ្តល់ការងារធ្វើជាច្រើននៅហ្វីលីពីននោះ។«យើងសម្រេចចិត្ត តម្កល់ផលប្រយោជន៍ប្រទេសរបស់ខ្ញុំ។ ខ្ញុំសម្រេចថា យើងត្រូវការវា (ល្បែងស៊ីសងតាមអ៊ីនធើណិត)»។ លោក ឌូតឺតេ ក៏បានព្រមានផងដែរថា ប្រតិបត្តិករនៃល្បែងស៊ីសងទាំងអស់ មិនត្រូវភ្លេចក្នុងការបង់ពន្ធជូនរដ្ឋនោះឡើយ។
គួរបញ្ជាក់ថា ក្រុមហ៊ុនរកស៊ីខាងបើកបនល្បែងស៊ីសង ឬកាស៊ីណូធំៗមួយចំនួននៅហ្វីលីពីនដូចជា POGOs ជាដើមត្រូវបានគេដឹងថា បានផ្តល់ការរីកចំរើនខ្លាំងដល់សេដ្ឋកិច្ចក្នុងតំបន់ ហើយក៏បានទាក់ទាញភ្ញៀវជាច្រើនមកពីប្រទេសចិនផងដែរ។ និយតករហ្វីលីពីនបានផ្តល់អាជ្ញាប័ណ្ណដល់ក្រុមហ៊ុនល្បែងអនឡាញចំនួន ៦០ មកហើយ ប៉ុន្តែកាលពីថ្ងៃទី១៩ ខែសីហា ឆ្នាំ២០១៩ ការផ្តល់អាជ្ញាធរត្រូវបិទ ព្រោះសមាជិកសភា និងរដ្ឋមន្ត្រីហ្វីលីពីនមួយចំនួនបានអំពាវនាវឲ្យមានការគ្រប់គ្រងលំហូរជនជាតិចិន ឲ្យបានតឹងរ៉ឹងជាងមុន ឆ្លើយតបចំពោះការព្រួយបារម្ភរបស់ប្រជាជន នៅក្នុងតំបន់អំពីសន្តិសុខ។
កាលពីថ្ងៃទី២១ ខែសីហាកន្លងមក អ្នកនាំពាក្យក្រសួងការបរទេសចិនលោក Geng Shuang បាននិយាយថា ខណៈដែលប្រទេសចិន កោតសរសើរចំពោះវិធានការបញ្ឈប់ការចេញអាជ្ញាប័ណ្ណថ្មីនេះ យើងសង្ឃឹមថាហ្វីលីពីនបញ្ឈប់ និងហាមឃាត់រាល់ការលេងល្បែងភ្នាល់ តាមអ៊ីនធឺណេត។ បើតាមលោក Geng Shuang ប្រទេសចិនចង់អោយប្រទេសហ្វីលីពីនបញ្ឈប់រាល់ល្បែង ស៊ីសងតាមអ៊ិនធឺណេតទាំង អស់ ព្រោះវាបណ្តាលឱ្យមានការហូរចេញប្រាក់ខុសច្បាប់។
ប្រទេសចិនកំពុងដាក់សម្ពាធលើបណ្តាប្រទេសអាស៊ីអាគ្នេយ៍ក្នុងកិច្ចខិតខំប្រឹងប្រែងរបស់ខ្លួន ដើម្បីលុបបំបាត់ល្បែង ស៊ីសងតាមអ៊ីនធឺណេត ដែលវាក្លាយបទល្មើសមួយទាក់ទងនឹងលំហូរចេញនូវសាច់ប្រាក់ដោយខុសច្បាប់។ ការភ្នាល់តាមប្រព័ន្ធអ៊ីនធឺ ណេត និងតាមទូរស័ព្ទបានផ្ទុះឡើងនៅក្នុងប្រទេសមួយចំនួន ដូចជាហ្វីលីពីន និងកម្ពុជាក្នុងរយៈពេលប៉ុន្មានឆ្នាំចុងក្រោយនេះ។
ក្រុមហ៊ុនភ្នាល់ល្បែងតាមអ៊ិនធឺណេតនៅហ្វីលីពីនបាននិយាយកាលពីថ្ងៃច័ន្ទថាខ្លួន នឹងមិនបញ្ឈប់កាស៊ីណូតាមអ៊ីនធឺណេតដែលមាន ស្រាប់នោះទេ ប៉ុន្តែនឹងបញ្ឈប់ការទទួលយកពាក្យសុំអាជ្ញាប័ណ្ណថ្មី យ៉ាងហោចណាស់រហូតដល់ចុងឆ្នាំ ដើម្បីពិនិត្យឡើងវិញនូវការ ព្រួយបារម្ភអំពីវិស័យដែលកំពុងរីកដុះដាលនេះ។
សូមបញ្ជាក់ដែរថា៖កាលពី ខែសីហាថា នាយករដ្ឋមន្ត្រីកម្ពុជា សម្តេចតេជោហ៊ុនសែនបានបញ្ជាឱ្យបញ្ឈប់ ការផ្តល់អាជ្ញាប័ណ្ណថ្មីសម្រាប់ប្រតិបត្តិការល្បែងស៊ីសងតាមអ៊ីនធឺណិត (Internet Online) ផងដែរ។យោងតាមសារាចរណែនាំ របស់រាជដ្ឋាភិបាលកម្ពុជា ដែលចុះហត្ថលេខាដោយសម្តេចតេជោ ហ៊ុន សែន ចុះថ្ងៃទី១៨ ខែសីហា ឆ្នាំ២០១៩ បានធ្វើការណែនាំចំនួន៣ចំណុចដូចខាងក្រោម៖
១.មន្ត្រីនគរបាលយុត្តិធម៌ និងអាជ្ញាធរមានសមត្ថកិច្ចគ្រប់លំដាប់ថ្នាក់ ត្រូវបង្កើនការស្រាវជ្រាវ និងបង្ក្រាបអាជីវកម្មល្បែងភ្នាល់តាមម៉ាស៊ីនអេឡិចត្រូនិច តាមរយៈអីនធើណេនអនឡាយ ក្នុងនិងក្រៅប្រទេសគ្រប់ប្រភេទ និងគ្រប់រូបភាព ដែលធ្វើសកម្មភាពដោយមិនមានអាជ្ញាប័ណ្ណពីក្រសួង ស្ថាប័នមានសមត្ថកិច្ច។
២.ចំពោះអាជីវកម្មល្បែងភ្នាល់តាមម៉ាស៊ីនអេឡិចត្រូនិច តាមរយៈអីនធើណែតអនឡាយ ក្នុងនិងក្រៅប្រទេស ដែលមានអាជ្ញាប័ណ្ណ ត្រូវបានអនុញ្ញាតឲ្យធ្វើសកម្មភាពរហូតផុតសុពលភាព ដែលបានកំណត់ក្នុងអាជ្ញាប័ណ្ណ។ បន្ទាប់ពីនេះក្រសួងសេដ្ឋកិច្ច និងហិរញ្ញវត្ថុ មិនបន្តសុពលភាពនៃអាជ្ញាប័ណ្ណអនុញ្ញាតឲ្យប្រកបអាជីវកម្មល្បែងភ្នាល់ប្រភេទនេះតទៅទៀតឡើយ។
៣.រាជរដ្ឋាភិបាលបញ្ឈប់ការផ្តល់គោលការណ៍ និងអាជ្ញាប័ណ្ណអនុញ្ញាត ឲ្យប្រកបអាជីវកម្មល្បែងភ្នាល់តាមម៉ាស៊ីនអេឡិចត្រូនិច តាមរយៈអីនធើណេតអនឡាយ ទាំងក្នុង និងក្រៅព្រះរាជាណាចក្រកម្ពុជា ចាប់ពីថ្ងៃចុះហត្ថលេខាលើសារាចរណែនាំនេះតទៅ។
សារាចរណ៍ណែនាំនេះ ក៏បានបញ្ជាក់ផងដែរថា សកម្មភាពអាជីវកម្មល្បែងភ្នាល់តាមម៉ាស៊ីនអេឡិចត្រូនិច តាមអយៈអីនធើណេត ក្នុង និងក្រៅប្រទេសមួយចំនួន បានទទួលគោលការណ៍អនុញ្ញាតពីរាជរដ្ឋាភិបាល និងមួយចំនួនទៀតលួចលាក់ធ្វើសកម្មភាពនៅតាមទីតាំងផ្សេងៗគ្នា។
សារាចរណ៍នេះ បានសង្កត់ធ្ងន់ថា ពួកឧក្រិដ្ឋជនបរទេសមួយចំនួន បានជ្រកក្រោមរូបភាពល្បែងភ្នាល់ប្រភេទនេះ ដើម្បីធ្វើសកម្មភាពបោកប្រាស់ ជំរិតទារប្រាក់ពីជនរងគ្រោះទាំងក្នុង និងក្រៅប្រទេស ដែលធ្វើឲ្យប៉ះពាល់ដល់សន្តិសុខ សណ្តាប់ធ្នាប់សាធារណៈ និងរបៀបរៀបរយក្នុងសង្គម។មានការកត់សម្គាល់់ថាចាប់តាំងពីមានសាចរបិតល្បែងអនឡាញដែលនឹងមានប្រសិទ្ធីភាពនៅដំណាច់ឆ្នាំ២០១៩នេះនៅខេត្តព្រះសីហនុគេឃើញមានក្រុមជនជាតិចិនរាប់ពាន់នាក់បានសម្រុកចាកចេញពីស្រុកខ្មែរផងដែរ៕