វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1653 នាក់
ម្សិលមិញ 2962 នាក់
សរុប 16505777 នាក់
អាមេរិក៖នៅសមុទ្រចិនខាងត្បូង នាវាពិឃាតអាមេរិកមួយ បានធ្វើការហ្វឹកហាត់ជាមួយនាវាដឹកយន្តហោះជប៉ុន នាវានៃកងទ័ពជើងទឹកឥណ្ឌា២គ្រឿង និងនាវាល្បាតហ្វីលីពីនមួយ នៅក្នុងផ្លូវទឹកដែលអះអាងសិទ្ធិជែងគ្នាដោយចិន និងអាមេរិក ។
នេះបើតាមកងទ័ពជើងទឹកអាមេរិកបានឲ្យដឹងនាថ្ងៃព្រហស្បតិ៍ទី៩ឧសភា។លោកឧត្តមសេនីយ៍ អ៊ែនឌ្រូ ជេ គ្លុង មេបញ្ជាការនាវាពិឃាតUSS William P. Lawrenceបាននិយាយនៅក្នុងសេចក្តីថ្លែងការណ៍ថា «ការចូលរួមពាក់ព័ន្ធបែបវិជ្ជាជីវៈជាមួយសម្ពន្ធមិត្ត ដៃគូនិងមិត្តរបស់យើងនៅក្នុងតំបន់ជាឱកាសដើម្បីស្ថាបនាមិត្តមានរឹងមាំរបស់យើង»។
ជប៉ុនបានបញ្ជូននាវាផ្ទុកយន្តហោះមួយក្នុងចំណោមនាវាប្រភេទនេះ២របស់ខ្លួន គឺIzumoនៅពេលឥណ្ឌាបញ្ជូននាវាពិឃាត INS Kolkataនិងនាវាចាក់ប្រេង INS Shakti។សមយុទ្ធបានបញ្ចប់កាលពីថ្ងៃពុធទី៨ឧសភា កើតឡើងបន្ទាប់ពីនាវាចម្បាំងអាមេរិក២ផ្សេងទៀត បើកជិតកោះដែលចិនកាន់កាប់ក្នុងសមុទ្រចិនខាងត្បូងកាលពីថ្ងៃចន្ទ ជាហេតុនាំអោយមានការតវ៉ាប្រឆាំងពីរដ្ឋាភិបាលក្រុងប៉េកាំង ដែលអះអាងថានាវានោះរំលោភអធិបតេយ្យភាពរបស់ខ្លួន។តែកងទ័ពជើងទឹកអាមេរិកនិយាយថា ខ្លួនធ្វើប្រតិបត្តិការសេរីភាពនាវាចរណ៍ នៅក្នុងដែនទឹកអន្តរជាតិជុំវិញពិភពលោកតែប៉ុណ្ណោះ។
ការបង្ហាញកម្លាំងជើងទឹករួមគ្នាដោយប្រទេស៤នេះថ្វើឡើងនៅពេលប្រធានាធិបតីអាមេរិក ដូណាល់ ត្រាំគំរាមដំឡើងពន្ធលើទំនិញចិនតំលៃ២០០ពាន់លានដុល្លារ បើចិនមិនបន្ទន់ជំហរសំរាប់កិច្ចព្រមព្រៀងពាណិជ្ជកម្មជាថ្មីមួយទេ។ក្រៅពីនេះអាមេរិកក៏បានបញ្ជូននាវាដឹកយន្តហោះទៅកាន់ឈូងសមុទ្ទពែក្សដើម្បីត្រៀមទប់ទល់់ជាមួយប្រទេសអ៊ីរ៉ងផងដែរ។តំបន់សមុទ្ទចិនខាងត្បូងនេះ ចិនអះអាងជាកម្មសិទ្ធិលើសមុទ្រស្ទើរទាំងមូល ក្នុងពេលព្រុយណេ ឥណ្ឌូនេស៊ី ម៉ាឡេស៊ី កោះតៃវ៉ាន់ ហ្វីលីពីននិងវៀតណាមអះអាងថាជារបស់ខ្លួនដែរ។អាមេរិក ជប៉ុននិងឥណ្ឌាមិនមាន កម្មសិទ្ធិត្រួតគ្នានៅនៅសមុទ្រចិនខាងត្បូងទេតែជប៉ុនមានជម្លោះដែនទឹកជាមួយចិននៅសមុទ្រចិនខាងកើត៕