» កម្ពុជា​បញ្ជូន​តំណាង​ទៅ លើកទឹកចិត្ត​ដល់​វិនិយោគិន​កូរ៉េ ឱ្យ​បន្ត​ស្វែងរក​ឱកាស​វិនិយោគ នៅ​កម្ពុជា​ » រដ្ឋមន្ត្រីការបរទេស​វៀតណាម​ទៅ​ធានា​នៅ​អាមេរិក​ថា​គ្មាន​បញ្ហា​រឿង​ប្រធានាធិបតី​លាលែង​! » ខ្មាន់កាំភ្លើង​ខ្លី​បាន​បាញ់រះ​ចំនួន​០៦​គ្រាប់ ទម្លុះ​ទ្វារផ្ទះ​អ្នកលក់​ទូរស័ព្ទ និង​គ្រឿងអគ្គិសនី​មួយកន្លែង​ម្ចាសផ្ទះ​ថា​អត់​ដឹង​ហង​! » មន្ត្រី​សុរិយោដី​ស្រុក​សំរោង​ទង ស្រវឹងស្រា​បើកឡាន​បុក​ផ្ទាំង​ផ្សាយពាណិជ្ជកម្ម​នៅ​សួនច្បារ​សម្តេចព្រះសង្ឃរាជ ជួន ណាត » ក្រុមហ៊ុនចិន១៧ស្វែងយល់ពីឱកាសវិនិយោគនៅកម្ពុជា » លោក​កើត រិ​ទ្ធ រដ្ឋមន្ត្រីក្រសួង​យុ​ត្តិ​ធ​ម៍​ប្រកាស​បើក​យុទ្ធនាការ​លុប​ពាក្យ​បណ្តាសា ត្រី​មួយ​កន្ត្រក​ស្អុយ​មួយ ស្អុយ​ទាំងអស់​ក្នុង​ប្រព​ន្ធ័​យុ​ត្តិ​ធ​ម៍​ » រុស្ស៊ី​ធ្វើ​សមយុទ្ធ​ក្នុង​សមុទ្រ​ក្បែរ​កោះ​ជប៉ុន​និង​បាន​ព្រមាន​ជប៉ុន​រឿង​លក់​អាវុធ​ចេញ​! » រកឃើញ​ត្រី​លក់​នៅ​ផ្សារ​សាម​គ្គិ​ស្ទឹងត្រែង​មាន​ជាតិពុល​ » រកឃើញ​កន្លែង​បន្លំ​ធ្វើ​ឈាមជ្រូក​និង​សណ្តែកបណ្តុះ​មាន​ជាតិគីមី​ » អ្នកស្រុក​ក្រុង​ហុងកុង នាំគ្នា​តវ៉ា​ប្រឆាំងនឹង​ច្បាប់​សន្តិសុខ​ជាតិ​ថ្មី​ដែល​ទើបបាន​អនុ​ម័​ដែលបិទសេរីភាព » តើករណីយ៍ក្រុមហ៊ុនវិនិយោគCICបោកលុយប្រជាពលរដ្ឋសមត្តកិចរដ្ឋចង់អូសបន្លាយ? » បំបែកសំណុំរឿង​ឃាតកម្ម​សម្លាប់​ញាត់​សព​ក្នុង​វ៉ា​លី​នៅ​ភ្នំពេញ យកទៅ​បោះចោល​នៅ​ខេត្តកោះកុង​ » ក្រសួង​វប្ប​ធ​ម៍​និងឧបនាយករដ្ឋមន្ត្រីហ៊ុនម៉ានីប្រតិកម្ម​រឿង​មិន​រៀបចំ​ស​ង្ក្រា​ន​​ទូរទស្សន៍​ហង្ស​មាស​សុំទោស​ » ហ្វីលីពីន​ថា​៖​ចិន​ថា​កំពុង​ធើ្វ​ការដាក់​ពង្រាយ​របាំង​អណ្តែត​ទឹក​ក្នុង​តំបន់​ជម្លោះ​សមុទ្រ​ចិន​ខាងត្បូង​ » ក្រៅពី​ចុះ​អនុស្សរណៈ​យោគយល់​គ្នា លើ​ឯកសារ​ចំនួន ៧​ជាមួយ​ឡាវ​នាក​យក​រដ្ឋមន្ត្ក្រីកម្ពុជាប្រកាស​ជួយ​១​លាន​ដុល្លារ​ផងដែរ

វីដេអូ

តាមដានសង្គម

ចំនួនអ្នកទស្សនា

ថ្ងៃនេះ​ 3587 នាក់

ម្សិលមិញ 6501 នាក់

សរុប 13952142 នាក់

បញ្ឈរជើង​រាជអាជ្ញា​រង​ខេត្តកំពង់ធំ​ម្នាក់​ព្រោះ​កាង​ការ​ឈូសឆាយ​រំលោភ​យក​ដីព្រៃ​លិច​ទឹក​

​ភ្នំពេញ​៖ លោក ជា សុវណ្ណ​ថេត ព្រះរាជអាជ្ញារង​នៃ​អយ្យការ​អម​សាលាដំបូង ខេត្តកំពង់ធំ​នៅ​ថ្ងៃទី​២២ ខែមេសា ឆ្នាំ​២០១៩​ក្រសួងយុត្តិធម៌ បានសម្រេច​ចេញ​លិខិត​ផ្អាក​មុខងារ ជា​បណ្តោះអាសន្ន​ព្រោះ​កាង​ការរំលោភ​ដីធ្លី​លិច​ទឹក​។​a court ang (1) 

​លិខិត​របស់លោក អង្គ វង្សវឌ្ឍានា រដ្ឋមន្ត្រី​ក្រសួងយុត្តិធម៌ បាន​បញ្ជាក់ថា​៖ «​ក្រសួងយុត្តិធម៌​បានទទួល​នូវ​លិខិត​ចុះ​ថ្ងៃទី​១៩ ខែមេសា ឆ្នាំ​២០១៩ របស់​អយ្យការ​អម​សាលាដំបូង​ខេត្តកំពង់ធំ ជូនដំណឹង​ស្តីអំពី​ការចោទប្រកាន់​លើ​ឈ្មោះ ជា សុវណ្ណ​ថេត ព្រះរាជអាជ្ញារង​ពីបទ​ផ្តើមគំនិត​ក្នុង​អំពើ​កាប់ឆ្ការ​គាស់ ឈូសឆាយ​ព្រៃ​លិច​ទឹក និង​ព្រៃកោងកាង​​ឬ​ហ៊ុមព័ទ្ធ​កាន់កាប់​ព្រៃ​លិច​ទឹក និង​ព្រៃកោងកាង ប្រ​ពឹ​ត្ត​នៅ​ចំណុច​បឹង​អាត្រា​ព្រួល ភូមិ​ទួល​នាង​សាវ ឃុំ​ផាត់​សណ្តាយ ស្រុក​កំពង់ស្វាយ ខេត្តកំពង់ធំ កាលពី​ថ្ងៃទី​១៣ ដល់​ថ្ងៃទី​១៧ ខែមេសា ឆ្នាំ​២០១៩ បទល្មើស​ព្រហ្មទណ្ឌ​ដែលមាន​ចែង​ឲ្យ​ផ្តន្ទាទោស​តាម​បញ្ញា​ត្តិ​មាត្រា​២៨ នៃ​ក្រមព្រហ្មទណ្ឌ និង​មាត្រា​៩៨ នៃ​ច្បាប់​ស្តីពី​ជលផល​» ។​

​ពាក់ព័ន្ធ​ករណីបែបនេះ គឺមាន​ប្រភពពី​អាជ្ញាធរ​ក្នុង​ខេត្តកំពង់ធំ​បានឱ្យដឹង​ផងដែរ​ថា ៖ ដីព្រៃ​លិច​ទឹក និង​ដី​ជម្រក​ត្រី​ពង​កូន​ខាងលើនេះ ត្រូវបាន​គេ​បំផុស​ឱ្យមាន​ចលនា​ចុះទៅ​ឈូសឆាយ​កាលពី​ថ្ងៃទី​១៣ ខែមេសា កន្លងទៅនេះ ។ ដី​នោះ​ដែល​គេ​ឈូសឆាយ​រំលោភ​យក​នោះ​មាន​ទំហំ​ប្រមាណ​ជា ១០​ហិកតា ។​
​សូមបញ្ជាក់ថា ចលនា​ឈូសឆាយ​ទន្ទ្រាន​យក​ដីព្រៃ​លិច​ទឹក និង​ដី​ត្រី​ពង​កូន​នៅ​ជុំវិញ​តំបន់​បឹង​ទន្លេសាប​កំពុងមាន​សក​ម្ម​ភាព​ផុលផុស​ខ្លាំង ។

បើតាម​ប្រភពពី​មន្ត្រីជលផល​មិន​ត្រឹមតែ​នៅក្នុង​ខេត្តកំពង់ធំ​នោះទេ នៅក្នុង​ខេត្តសៀមរាប នៅ​ខេត្តកំពង់ឆ្នាំង ក៏​កំពុងមាន​សកម្មភាព​ឈូសឆាយ​ទន្ទ្រាន​យក​ដីព្រៃ​លិច​ទឹក និង​ដីព្រៃ​ត្រី​ពង​កូន​នេះ​យ៉ាង​ផុលផុស​ផងដែរ ។​​ប្រភព​ខ្លះ​អះអាងថា ការ​រុករាន​ទន្ទ្រាន​ដីព្រៃ​លិច​ទឹក​ទាំងនោះ មានការ​ចូលរួម​ពី​មន្ត្រី​មានអំណាច​នៅ​ថ្នាក់​ក្រសួង និង​នៅតាម​បណ្តា​ខេត្ត​ថែម​ទៀតផង ។​

​ឯកឧត្តម ជិន ម៉ា​លីន​អ្នកនាំពាក្យ​ក្រសួង​យុ​ត្តិ​ធ​មិ បញ្ជាក់ថា នេះ​ជា​បែបបទ​រដ្ឋបាល​កាលណា​មន្ត្រី​ណាមួយ​ជាប់​បណ្តឹងអាជ្ញា ឬ​ស្ថិតក្នុង​ដំណើរ​នីតិវិធីតុលាការ​ច្បាប់​តម្រូវឱ្យ​ផ្អាក​ការងារ​សិន​ដើម្បី​ជា​ប្រយោជន៍​នៃ​ការស៊ើបអង្កេត​បើ​រកឃើញ​កំហុស​ត្រូវ​បញ្ចប់​តំណែង​លប់ឈ្មោះ​ចេញពី​ក្របខណ្ឌ និង​ទទួលទោស​តាម​ការសម្រេច​របស់​តុលាការ​បើ​មិនមាន​កំហុស​ទេ​នឹងត្រូវ​អនុញ្ញាត​ឱ្យចូល​បំពេញការងារ​វិញ​ដូចដើម​។

ពាក់ព័ន្ធ​បញ្ហា​នេះ ឯកឧត្តម សុខ លូ អភិបាលខេត្ត​កំពង់ធំ​បាន​ប្រាប់​នៅ​ព្រឹក​ថ្ងៃទី​២៣ ខែមេសា ឆ្នាំ​២០១៩​នេះ​ថា កាលពី​ថ្ងៃទី​១៧ ខែមេសា ឆ្នាំ​២០១៩​ក្រោម​ការបញ្ជា​ផ្ទាល់​របស់លោក​កម្លាំង​គ​ណៈ​បញ្ជាការ​ឯកភាព​ខេត្ត​បាន​ចុះទៅ​ឃាត់ខ្លួន​មនុស្ស​ចំនួន​៩​នាក់​រួមជាមួយ​គ្រឿងចក្រ​ជាច្រើន​គ្រឿង ខណៈ​ពួកគេ​កំពុង​ធ្វើ​សកម្មភាព​ឈូសឆាយ​ដីព្រៃ​លិច​ទឹក​ដែលជា​សម្បត្តិ​របស់​រដ្ឋ ដែល​បច្ចុប្បន្ន​មនុស្ស​ទាំងអស់នោះ​ត្រូវបាន​តុលាការ​សម្រេច​ឃុំខ្លួន​ជា​បណ្តោះអាសន្ន​ហើយ​។​

ប្រជាជន​និង​មន្ត្រីរាជការ​តាម​មន្ទីរ​ជុំវិញ​ខេត្ត កង​ដូចជា​កងកម្លាំង ជំនាញ បាន​សំដែង​នូវ​ការគាំទ្រ​ចំពោះ​ចំណាត់ការ​របស់​ក្រសួង​យុ​ត្តិ​ធ​ម៍ សម្រេច​ផ្អាក​មុខងារ​លោក ជា សុវណ្ណ​ថេត ព្រះរាជអាជ្ញារង​ខេត្តកំពង់ធំ ជា​បណ្តោះអាសន្ន ពាក់ព័ន្ធ​ករណី​ចោទប្រកាន់​ពីបទ​ឈូសឆាយ​ព្រៃ​លិច​ទឹក និង​ព្រៃកោងកាង​ព្រោះ ជា​គំរូ​ដល់​អ្នក​ឯទៀត​ជៀស​អោយ​ឆ្ងាយ​និង​អំពើ​ល្មើសច្បាប់ ពិសេស​អ្នកច្បាប់​បាន​ប្រព្រឹត្ត​បំពាន​ច្បាប់​គឺ​បង្កើន​ទំងន់​នៃ​បទល្មើស​៕a court ang a court anga