ព្រះរាជអាជ្ញាពិតជាហ៊ានប្តឹងចៅក្រមរឿងដោះលែងយួនចូលមកទិញឈើខុសច្បាប់នៅរតនៈគិរីមែនឬ?
28-April-2019 / ព័ត៌មានជាតិ
ខេត្តតនគិរីៈ- លោក ជា ពេជ្រព្រះរាជអាជ្ញានៃអយ្យការ អមសាលាដំបូងខេត្តរតនគិរី បានថ្លែង ប្រាប់អ្នកព័ត៌មានកាលពីរសៀលថ្ងៃទី១៧ ខែមិថុនា ឆ្នាំ២០១៨នេះថា" លោកកំពុងរៀបចំ ឯកសារប្តឹងឧទ្ធរណ៍ ចំពោះសេចក្តីសម្រេច របស់លោក សាន ប៊ុនធឿន ចៅក្រមស៊ើប នៃសាលាដំបូងខេត្តរតនគិរី ដែលបានសម្រេចដោះលែង ថៅកែជនជាតិវៀតណាមម្នាក់ ដែលចូលមករកស៊ីដោយខុសច្បាប់ និងបានបំផ្លាញធនធានធម្មជាតិខ្មែរឲ្យនៅក្រៅឃុំ។
ជនត្រូវចោទ ឈ្មោះ ផាម ថេគឿង ភេទប្រុស អាយុ ៤១ឆ្នាំកាន់លិខិតឆ្លងដែនលេខ ០០៣១១៦២មានស្រុកកំណើត ខេត្តហាយផុង ប្រទេសវៀតណាម ត្រូវបានសមត្ថកិច្ច អន្តោរប្រវេសន៍ ឃាត់ខ្លួនកាលពីថ្ងៃទី១៤ ខែមិថុនា ឆ្នាំ២០១៨ ពេលជនត្រូវចោទ បានចូលមករស់នៅនិងប្រមូលទិញឈើក្នុងទឹកដីកម្ពុជាដោយខុសច្បាប់,,,។
សមត្ថកិច្ចបានឲ្យដឹងថាជនជាតិវៀតណាមចូលប្រមូលទិញឈើខ្មែរមានឈ្មោៈផាម ថេគឿងភេទប្រុសអាយុ៤១ឆ្នាំកាន់លិខិតឆ្លងដែនលេខc០០៣១១៦២មានស្រុកកំណើតខេត្តហាយផុងប្រទេសវៀតណាម។
ឈ្មោះ ផាម ថេគឿង បានសារភាពថា រូបគេចូលមកទឹកដីកម្ពុជា មិនមែនមករស់នៅខុសច្បាប់ទេ គឺមកដើរទិញឈើ ប្រណិត នៅស្រុកអូរជុំ ស្រុកវើនសៃ និងស្រុកតាវែង ខេត្តរតនគិរី យកទៅលក់នៅប្រទេសវៀតណាម។
លោក ជា ពេជ្រ អះអាងថា ឈើដែលជនត្រូវចោទទិញដោយខុសច្បាប់បម្រុងដឹកយកទៅវៀតណាមនោះ មានច្រើនម៉ែត្រគូប ណាស់ ដោយមេឃភ្លៀងច្រើន សមត្ថកិច្ច នៅពុំទាន់ដឹកជញ្ជូនឈើ ពីកន្លែងលាក់ទុកទៅរក្សាទុក ធ្វើជាភស្តុតាង។
ជនត្រូវចោទឈ្មោះ ផាម ថេគឿង ត្រូវបានលោកព្រះរាជអាជ្ញារង ហាក់ ហ៊ាន់ ចោទប្រកាន់
ពីបទ ប្រមូល និងធ្វើសន្និធិផល អនុផលព្រៃឈើដោយគ្មានលិខិតអនុញ្ញាត យោងតាមមាត្រា ៩៦ និងមាត្រា ៩៨ ចំណុច ទី២ និងចំណុច ៥ នៃច្បាប់ស្តីពី ព្រៃឈើ។
លោក ហាក់ ហ៊ាន់ ថាលោកបានបញ្ជូន សំណុំរឿងនេះទៅចៅក្រមស៊ើបសួរ ដោយបានស្នើសុំឲ្យចៅក្រម សម្រេចឃុំខ្លួន ជនត្រូវចោទឈ្មោះ ផាម ថេគឿង ជាបណ្តោះអាសន្ន ប្រយោជន៍ដើម្បី ស្រាវជ្រាវ លើករណីនេះបន្ថែមទៀត ប៉ុន្តែបែរជាលោក សាន ប៊ុនធឿន ជាចៅក្រមស៊ើបសួរ នៅថ្ងៃទី១៧ ខែមិថុនា ឆ្នាំ២០១៨នេះ បានសម្រេចដោះលែងជនត្រូវចោទឲ្យត្រលប់ទៅវិញ ដោយមិនបានបញ្ជាក់ពីមូលហេតុច្បាប់លាស់ នៅក្នុងសេចក្តីសម្រេចមិនឃុំខ្លួន ជនត្រូវចោទនោះឡើយ។
ទាំងលោក ជា ពេជ្រ ព្រះរាជអាជ្ញាខេត្តរតនគិរី និងលោក ហាក់ ហ៊ាន់ ជាតំណាងអយ្យការអមសាលាដំបូងខេត្តរតនគិរី សុទ្ធតែបានអះអាងដូចគ្នាថា ពួកលោកមិនសុខចិត្តចំពោះ សេចក្តីសម្រេច របស់ លោកចៅក្រម សាន ប៊ុនធឿន នោះទេ។
ពួកលោកថា ចៅក្រមស៊ើបសួរ មានឆន្ទានុសិទ្ធិសម្រេចឃុំ ឬមិនឃុំខ្លួន ជនត្រូវចោទពិតមែន ក៏ប៉ុន្តែច្បាប់ ក៏បានបើកផ្លូវឲ្យពួកលោកប្តឹងឧទ្ធរណ៍ប្រឆាំងនឹងសេចក្តីសម្រេចនោះផងដែរ ដូច្នេះពួកលោកត្រូវតែប្តឹង និងរៀបចំឯកសារភស្តុតាង បញ្ជូនទៅថ្នាក់លើ ឲ្យថ្នាក់លើបានជ្រាប អំពីរឿងនេះ។ ពាក់ព័ន្ធនឹងសេចក្តីសម្រេច ដោះលែងជនត្រូវចោទជាថៅកែ ជនជាតិវៀតណាមឈ្មោះ ផាម ថេគឿង នេះយើងនៅមិនទាន់អាចសុំការបញ្ជាក់ពីមូលហេតុ ពីសំណាក់លោកចៅក្រម សាន ប៊ុនធឿន បាននៅឡើយទេព្រោះមិនអាចទំនាក់ទំនងបាន,,។
ករណីព្រះរាជអាជ្ញាប្តឹងចៅក្រមគឺជារឿងត្រឹមត្រូវតាមច្បាប់ក៏ប៉ុន្តែគេកម្រនិងឃើញណាស់ព្រោះថ្នាក់លើខាងតុលារការគេមិនចង់ឃើញមានចឹងឡើយព្រោះវាបង្ហាញពីការបែកបាក់គ្នា?!។មកដល់ពេលនេះមិនទាន់ដឹងថាតើលោកព្រះរាជអាជ្ញាបញ្ជូនលិខិតប្តឹងទៅសាលាឧទ្ធរណ៍ហើយឬនៅទេ៕
.jpg&h=97&w=146)
