វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5521 នាក់
ម្សិលមិញ 6001 នាក់
សរុប 13878351 នាក់
ប្រទេសហ្វីលីពីន៖ក្នុងពេលដេលប្រទេសម៉ាឡេស៊ីប្រកាសចូលជាសមាជិកតុលាការឧក្រិដ្ឋកម្មអន្តរជាតិ (ICC) ប្រទេស ហ្វីលីពីនដែលជាសមាជិកអាស៊ានមួយដែរបែរជា បានប្រកាសដកខ្លួនចេញពីស្ថាបន័យុត្តិធមិអន្តរជាតិមួយនេះកាលពីថ្ងៃអាទិត្យទី១៦មិនាទៅវិញ។
មូលហេតុគឺដោយសារតុលាការឧក្រិដ្ឋកម្មអន្តរជាតិ (ICC) បានបន្តការស៊ើបអង្កេតរបស់ខ្លួនលើលទ្ធភាពអំពើឧក្រិដ្ឋកម្មនៅក្នុងសង្គ្រាមគ្រឿងញៀនរបស់រដ្ឋាភិបាលលោកប្រធានាថិបតីឌូតឺតេដែលបណ្តាលឲ្យមនុស្សស្លាប់ច្រើន។ ទោះជាយ៉ាងណាការដកខ្លួនចេញរបស់ក្រុងម៉ានីល ត្រូវចប់រយៈពេល ១ ឆ្នាំ ក្រោយពីខ្លួនបានប្រាប់អង្គការសហប្រជាជាតិថា ខ្លួនកំពុងតែដកចេញពីតុលាការឧក្រិដ្ឋកម្មសង្គ្រាមអចិន្រៃ្តយ៍របស់ពិភពលោក ។
អ្នកនាំពាក្យអង្គការសហប្រជាជាតិលោកអេរិកកានិកូ( Eri Kaneko )បានថ្លែងប្រាប់សារពតិមានបារាំង AFPថា ៖«លោកអគ្គលេខាធិការ បានជូនដំណឹងដល់ប្រទេស ដែលពាក់ព័ន្ធថា ការដកខ្លួនចេញរបស់ហ្វីលីពីន ចូលជាធរមានចាប់ពីថ្ងៃទី ១៧ ខែ មីនា ឆ្នាំ ២០១៩ តទៅ »។
ក្រុងម៉ានីល បានខិតខំប្រឹងប្រែងដើម្បីដកខ្លួនចេញ ក្រោយពីតុលាការនេះបានចាប់ផ្តើមស៊ើបអង្កេតដំបូងនៅឆ្នាំ ២០១៨ ទៅលើការបង្ក្រាបរបស់លោក ប្រធានាធិបតីរ៉ូដ្រីហ្គោឌូយតឺតេ( Rodrigo Duterte )ដែលបានបណ្តាលមនុស្សឲ្យរាប់ពាន់នាក់ស្លាប់ និងនាំឲ្យមានការរិះគន់ពីអន្តរជាតិ។
សង្គ្រាមគ្រឿងញៀនរបស់លោក Duterte គឺជាគំនិតផ្តួចផ្តើមគោលនយោបាយរបស់លោក ហើយលោកឌុយតឺតេក៏បានការពារសង្គ្រាមនេះយ៉ាងមុតមាំជាពិសេសពីក្រុមអ្នករិះគន់អន្តរជាតិ៕