វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3258 នាក់
ម្សិលមិញ 5378 នាក់
សរុប 14082551 នាក់
ភ្នំពេញ៖ស្រីស្អាតម្នាក់ពេលចេញពីរោងការផឹកស្រវឹង ត្រូវបានបុរសជាសង្សារ និងមិត្តភក្តិម្នាក់ទៀតនាំគ្នាជួយគ្រាចេញក្រៅត្រុវបានអ្នកចូលស៊ីការជាមួយលួចថតរូប។ ពេលដឹងគេលួចថតរូបសង្សារស្រីស្អាតក៏ដើរទៅសួរថា “ហេតុអ្វីបងមកថតរូបខ្ញុំនិងសង្សារខ្ញុំចឹង?”។
តែបុរសនោះឆ្លើយបែងខែងរ៉ែងថា “ហែងនឹងស្អី គ្រាន់តែថតមិនបានមែន?” ហើយក៏ទាស់សម្ដីឈ្លោះប្រកែកគ្នាឡើង កើតមានទំនាស់ប្រតាយប្រតប់គ្នារហូតឈានដល់ប្រើហឹង្សាដាក់គ្នាបែក្បលក្បាលហូរឈាមនៅម៉ោងជិត១០យប់ ថ្ងៃទី០៨ ខែមីនា ឆ្នាំ២០១៩ នៅក្នុងមជ្ឈមណ្ឌលម៉ូឌែន២ ស្ថិតនៅតាមបណ្តោយផ្លូវជាតិលេខ២ សង្កាត់ចាក់អង្រែក្រោម ខណ្ឌមានជ័យ។
បុរសដែលលួចថតគេហើយរងរបួសបែកក្បាលព្រោះត្រុវសង្សារស្រីស្អាតវ៉ៃ មានឈ្មោះ ឈៀក សុភ័ក្រ អាយុ២៩ឆ្នាំ ស្នាក់នៅម្ដុំអូរឬស្សី ។ឃើញបុរសរងគ្រោះរងរបួសបែកក្បាលឈាមពេញខ្លួន ខាងសន្តិសុខមជ្ឈមណ្ឌលម៉ូឌែន២ បានរាយការណ៍ប្រាប់កម្លាំងល្បាតប៉ុស្តិ៍ចាក់អង្រែក្រោមសមត្តកិច្ចក៏ ចុះអន្តរាគមន៍ សុំភាគីខាងនារីជាសង្សារនោះ សុំសម្របសម្រួលគ្នាមួយជំហានសិន តែដោយមិនត្រូវគ្នា ទើបសមត្ថកិច្ចនាំភាគីទាំងសងខាងមកស្នាក់ការប៉ុស្តិ៍ចាក់អង្រែក្រោម ដើម្បីសាកសួរបន្តតែម្ដង។
នៅប៉ុស្តិ៍នគរបាល បុរស២នាក់ ដែលម្នាក់ជាសង្សារនារីរូបស្រស់នោះ និងម្នាក់ទៀតជាមិត្តភក្តិ នៅមិនទាន់ស្គាល់អត្តសញ្ញាណនៅឡើយ។ តែបុរសដែលជាមិត្តភក្តិបែរជាច្រឡោតស្រែក ប្រើសម្ដីអសីលធម៌ ដាក់សមត្ថកិច្ច។ ចំណែកឯបុរសដែលរងរបួស បានត្រឡប់មកដាក់ពាក្យបណ្ដឹងនៅប៉ុស្តិ៍ឲ្យសមត្ថកិច្ចចាត់ការតាមផ្លូវច្បាប់ផងដែរ។
បច្ចុប្បន្នបុរសទាំង២នាក់ ដែលប្រើហឹង្សាលើបុរសម្នាក់ទៀតដែលលួចថតរួបគេ ត្រូវសមត្ថកិច្ចឃាត់ខ្លួនបណ្ដោះអាសន្ន រងចាំដោះស្រាយគ្នានៅព្រឹកថ្ងៃទី៩ មីនានេះ តាមបណ្ដឹងជនរងគ្រោះ ករណីបង្កហឹង្សាបណ្ដាលឲ្យជនរងគ្រោះរងរបួសបែកក្បាល។ចឹងបានថាអារឿងថតមិនមែនចេះតែថតទេបើជាគាត់ជាមនុស្សធម្មតានិងជាលក្ខណៈឯកជននោះ។