វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 5303 នាក់
ម្សិលមិញ 9706 នាក់
សរុប 14083546 នាក់
ប៉ៃលិន៖ សមត្ថកិច្ចបានបញ្ជូនខ្លួនជនសង្ស័យប្រុស-ស្រីចំនួន ២នាក់ ដែលត្រូវជាដៃគូស្នស្នេហ៍សាហាស្មន់ជាមួយគ្នា ទៅកាន់ស្ថាប័នអយ្យការ អមសាលាដំបូងខេត្តប៉ៃលិន ដើម្បីចាត់ការតាមនីតិវិធីច្បាប់ ពាក់ព័ន្ធនឹងការ រួមគំនិតគ្នាសម្លាប់បុរសកម្មករដំឡូងម្នាក់ជាប្តី ដោយដាក់ថ្នាំពុលសម្លាប់ស្មៅក្នុងកែវស្រា ហើយយកទៅវាយសម្លាប់ចោល ក្នុងចម្ការដំឡូង កាលពីថ្ងៃទីថ្ងៃទី២០ ខែមករា ឆ្នាំ២០២២ នៅចំណុច ភូមិអូរកន្ធៀងវ៉ា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។
សេចក្តីរាយការណ៍នគរបាលព្រហ្មទណ្ឌ ខេត្តប៉ៃលិន នៅពីថ្ងៃទី៧ ខែកុម្ភៈ ឆ្នាំ២០២២ បានឱ្យដឹងថា ជនសង្ស័យប្រុស-ស្រី ទាំង២នាក់នេះ មានឈ្មោះ ឈឹម ឈន ភេទស្រី អាយុ ៤២ឆ្នាំ (ជាប្រពន្ធជនរងគ្រោះ) និងឈ្មោះ ខៀវ សង្ហា ហៅក្អាត់ ភេទប្រុស អាអាយុ៣៦ឆ្នាំ(ត្រូវជាសាហាយ របស់ឈ្មោះ ឈឹម ឈន)។ ចំណែកឯជនរងគ្រោះ មានឈ្មោះ ពិន សុខន ភេទប្រុស អាយុ៤៥ឆ្នាំ ជាកម្មករ(ត្រូវជាប្តីរបស់ឈ្មោះ ឈឹម ឈន)។
ពួកគេទាំង៣នាក់ មានមុខរបរជាកម្មករដំឡូងមី មានទីលំនៅ ភូមិអូរកន្ធៀងវ៉ា ឃុំស្ទឹងត្រង់ ស្រុកសាលាក្រៅ ខេត្តប៉ៃលិន។ បច្ចុប្បន្ន ជនសង្ស័យប្រុស-ស្រី ទាំង២នាក់ ត្រូវបានចោទពីបទ ឃាតកម្មគិតទុកជាមុន៕