វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 6044 នាក់
ម្សិលមិញ 8227 នាក់
សរុប 14132925 នាក់
ភ្នំពេញ៖ទៅតាមឪពុកបង់សំណាញ់ក្មេងស្រីម្នាក់បានលង់លិចបាត់ទៅក្នុងទឹករណ្តៅដីចំណែកម្នាក់ទៀតត្រូវបានស្រង់ឡើងគោកបាន កាលពីវេលាម៉ោង៣និង៤៥នាទីរសៀលថ្ងៃទី៣០ ខែមេសា ឆ្នាំ២០២០ នៅជិតទីលានបញ្ចុះសពវត្តតាភេម ភូមិទួលតាឡាត់ សង្កាត់កំបូល ខណ្ឌកំបូល ។
ក្មេងស្រីដែលវាត់ខ្លួនក្នុងទឹកមានឈ្មោះសាន ជូឡាយ អាយុ១៣ឆ្នាំ ចំណែកនាងប្អូន ដែលត្រូវឪពុកស្រង់បានរួចផុតពីការស្លាប់នោះ ឈ្មោះសាន ជូឡែន អាយុ១០ឆ្នាំ។ម្ដាយឈ្មោះពុំ សុខឌី អាយុ៣៨ឆ្នាំមុខរបរកម្មការិនីនិងឪពុកឈ្មោះ ពៅ គឹមសានអាយុ៤០ឆ្នាំជាជនពិការជើងមានមុខរបរជាគ្រូបង្រៀននៅសាលាបឋមសិក្សាអូរដឹម ស្ន្នាក់នៅផ្ទះជួលភូមិត្រពាំងក្រសាំង សង្កាត់ត្រពាំងក្រសាំង ខណ្ឌពោធិ៍សែនជ័យ។មានទីលំនៅក្នុងភូមិអូរតាញៀ ឃុំតាគ្រាម ស្រុកបាណន់ ខេត្តបាត់ដំង។
នៅមុនពេលកើតហេតុបុរសជាប្ដីទៅបង់សំណាញ់ ហើយបាននាំកូនស្រីទាំង២នាក់ទៅជាមួយដែរព្រោះម្តាយមិននៅ ជាប់រវល់ទៅធ្វើការរោងចក្រ។ពេលឪពុកកំពុងជាប់រវល់បង់សំណាញ់មិនបានមើលកូនស្រីទាំង២នាក់បាននាំគ្នាចុះងូតទឹកលេង ខណៈនោះក៏បណ្ដាលឲ្យរអិលចូលទៅក្នុងផុតជើងផុតដៃលង់ទាំង២នាក់តែម្ដង ប៉ុន្តែត្រូវបានឪពុករត់ទៅជួយស្រង់នាងប្អូនបានទាន់ពេល ចំណែកកូនស្រីបងក៏បានលង់លិចបាត់ទៅក្នុងទឹក។
បន្ទាប់មកប្ដីគាត់រួមជាមួយអ្នកភូមិរាវរកដែរតែមិនឃើញសោះ រហូតដល់វេលាម៉ោង៥ល្ងាចថ្ងៃដដែលមានខាងកម្លាំងយោធាអង្គភាពទ័ពពិសេសឆ័ត្រយោង៩១១ បានទៅជួយរាវទៀតតែនៅតែអត់ឃើញឡើយ។អ្នកភូមិបាននិយាយថា រណ្ដៅដីនោះជ្រៅណាស់ប្រហែល៤ប្រម៉ោយអេស្ការវ៉ាទ័រ និងមានច្រាំងចោតខ្លាំងថែមទៀតផង ។កាលពីឆ្នាំ២០១៩ក៏ថ្លាប់មានក្មេងលង់ស្លាប់ម្នាក់ដែរលុះដល់ឥឡូវស្រាប់តែលង់ស្លាប់ម្នាក់ទៀងបែបនេះ។