វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1768 នាក់
ម្សិលមិញ 6501 នាក់
សរុប 13950323 នាក់
ប៉ៃលិន ៖ រថយន្តម៉ាកវីហ្គោ ពណ៌ទឹកប្រាក់១គ្រឿងអត់ស្លាកលេខមួយគ្រឿង បានរងការខូចខាតស្ទើរ ទាំងស្រុង ដោយសារអ្នកបើកស្ទាវ ក្នុងល្បឿនលឿននៅពេលយប់មកដល់ចំណុចផ្លូវកោង យកចង្កូតមិនទាន់ ក៏ជ្រុលទៅខាងឆ្វេងដៃធ្លាក់បុកដើមឈើចូលក្នុងប្រឡាយ អត់ទឹកក្រឡាប់ជាច្រើនត្រឡប់ តែអ្នកបើកបរ និងអ្នករួមដំណើរ អត់មានទទួលរងគ្រោះថ្នាក់ធ្ងន់ធ្ងរ អីទេគ្រាន់តែម្នាក់ៗព្រលឹងទើចុងព្រលិត កាលពីវេលាម៉ោង៨ និង៥០នាទី យប់ ថ្ងៃទី២២ ខែកញ្ញា ឆ្នាំ២០២១ ស្ថិតនៅចំណុចស្រែម្អម ទល់មុខបន្ទាយយោធា៥០៤ ស្ថិតក្នុងភូមិសាលាក្រៅ ឃុំសាលាក្រៅ ស្រុកសាលាក្រៅ ខេត្តប៉ៃលិន ។
អ្នកបើកបរមាន ឈ្មោះ សឿ ភីរ៉ា អាយុ២៨ឆ្នាំ រស់នៅក្រុងប៉ៃលិន មានអ្នករួមដំណើរប្រុសស្រីចំនួន៣នាក់ទៀត សុទ្ធតែយុវវ័យ រស់នៅក្នុងក្រុងប៉ៃលិន ។អ្នកឃើញហេតុការណ៍ឲ្យដឹងថា មុនពេលកើតហេតុ គេឃើញរថយន្តម៉ាកវីហ្គោ ពណ៌ប្រាក់១គ្រឿង ជិះគ្នា៤នាក់ ដោយសុទ្ធតែជាក្មេងៗយុវវ័យ ក្នុងទិសដៅពីជើងទៅត្បូង បើកបរចេញពីទឹកដីបានឡែម ភូមិដូង ស្រុកកំរៀង ខេត្តបាត់ដំបង លុះចូលមកដល់ក្នុងទឹកដីខេត្តប៉ៃលិន ក៏បើកបរក្នុងល្បឿនលឿន ពេលដល់ចំណុចផ្លូវកោង មិនបន្ថយល្បឿន បណ្តាលឱ្យជ្រុលចង្កូតទៅខាងឆ្វេងដៃ បុកដើមឈើបាក់១ដើម និងបង្គោលស៊ីម៉ង់តិ៍បាក់អស់១ដើមដែរ រួចក៏ក្រឡាប់ជាច្រើនត្រឡប់ បណ្តាលឱ្យរងការខួចខាតតែម្តង ។
ពិតជាសំណាង១លើ១០០០សំណាងហើយ ដែលរថយន្តខាងលើ បើកបរក្នុងល្បឿនលឿន ហើយក្រឡាប់ច្រើនត្រឡប់ ទទួលរងការខូចខាតយ៉ាងដំណំ តែមនុ ស្សនៅក្នុងរថយន្ត បែរជាមិនមានគ្រោះថ្នាក់ដល់អាយុជីវិត ។រហូតមកដល់ព្រឹកថ្ងៃដដែល កម្លាំងនគរបាល បានចុះពិនិត្យ និងឱ្យក្រុមគ្រួសារជនរងគ្រោះ ស្ទូចរថយន្តយកទៅជួសជុលនៅក្នុងក្រុងប៉ៃលិនទៅ ៕