វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3744 នាក់
ម្សិលមិញ 5378 នាក់
សរុប 14083037 នាក់
ប្រទេសតួគី ៖ មន្ត្រីរុស្ស៊ី និងអ៊ុយក្រែន នឹងជួបពិភាក្សាគ្នាក្នុងទីក្រុងអ៊ីស្តង់ប៊ុលប្រទេសតួគី នៅថ្ងៃពុធ ទី១៣ ខែកក្កដា ជុំវិញភាពជាប់គាំងរបស់ការដឹកជញ្ជូនគ្រាប់ធញ្ញជាតិ ដែលបានជំរុញឱ្យតម្លៃស្បៀងអាហារពិភពលោកឡើងខ្ពស់ ខណៈទីក្រុងកៀវ បានអះអាងថា ខ្លួនបានបំផ្លាញឃ្លាំងអាវុធរុស្ស៊ី។ប្រទេសតួកគី បានបង្ហាញខ្លួនជាអ្នកដឹកនាំកិច្ចខិតខំប្រឹងប្រែងដើម្បីបន្តពាណិជ្ជកម្មគ្រាប់ធញ្ញជាតិឡើងវិញ នឹងធ្វើជាម្ចាស់ផ្ទះនៃកិច្ចពិភាក្សានេះ ដែលនឹងមានការចូលរួមពីគណៈប្រតិភូអង្គការសហប្រជាជាតិផងដែរ។
ប្រទេសតួកគី បានប្រកាសថា កិច្ចចរចានៅថ្ងៃពុធរវាងទីក្រុងម៉ូស្គូ និងទីក្រុងគៀវនឹងព្យាយាមរកដំណោះស្រាយ ដើម្បីអនុញ្ញាតឱ្យគ្រាប់ធញ្ញជាតិអ៊ុយក្រែន ចាកចេញពីកំពង់ផែភាគខាងត្បូងរបស់ខ្លួន។
រដ្ឋមន្ត្រីការពារជាតិតួកគី លោក ហ៊ូលូស៊ី អាកា (Hulusi Akar) បានលើកឡើងថា ពួកគេនឹងផ្តោតលើការដឹកជញ្ជូនគ្រាប់ធញ្ញជាតិអ៊ុយក្រែន ប្រកបដោយសុវត្ថិភាពទៅកាន់ទីផ្សារអន្តរជាតិ។អ៊ុយក្រែនគឺជាប្រទេសនាំចេញស្រូវសាលី និងគ្រាប់ធញ្ញជាតិដ៏ធំបំផុតរបស់ពិភពលោក ប៉ុន្តែការនាំចេញត្រូវបានរារាំងដោយនាវាចម្បាំងរុស្ស៊ី និងគ្រាប់មីនដែលទីក្រុងកៀវ បានដាក់ពង្រាយនៅសមុទ្រខ្មៅ។ អ៊ុយក្រែនប៉ាន់ស្មានថា គ្រាប់ធញ្ញជាតិប្រហែល ២៥លានតោន ត្រូវបានជាប់គាំងនៅក្នុងកំពង់ផែរបស់ខ្លួន។
ក្នុងសង្គ្រាមរយៈពេលជាង ៥ខែនេះទន្ទឹមនិងការចូលចរចាដោះស្រាយបញ្ហាស្បៀង ទីក្រុងកៀវ បានឱ្យដឹងថា ខ្លួនបានវាយលុកទីក្រុងខឺសុនដោយបានបំផ្លាញឃ្លាំងអាវុធរុស្ស៊ី និងបានអនុវត្តប្រតិបត្តិការពិសេស ដើម្បីដោះលែងអ្នកទោសយោធា រួម ទាំង មន្ត្រី យោធា និង អតីត មន្ត្រី ប៉ូលិសនៅក្នុងតំបន់ឃឺសុន (Kherson) ដែលគ្រប់គ្រងដោយទីក្រុងម៉ូស្គូ។មន្ត្រីយោធាអ៊ុយក្រែនបានគូសបញ្ជាក់ថា ការវាយប្រហារកាលពីថ្ងៃអង្គារ៍ទី១១កក្កដាបានបំផ្លាញកាំភ្លើងធំ រថពាសដែក និងឃ្លាំងផ្ទុកគ្រាប់រំសេវក្នុងទីក្រុងណូវ៉ាកាកូវកា (Nova Kakhovka) ដែលកាន់កាប់ដោយរុស្ស៊ី។
សម្រាប់អនុប្រធានអាជ្ញាធរគាំទ្រដោយរុស្ស៊ីនៅទីក្រុងឃឺសុន លោកស្រី អេកាតេរីណា ហ្គូបារេវ៉ា (Ekaterina Gubareva) បាននិយាយថា អ៊ុយក្រែនបានប្រើប្រាស់ប្រព័ន្ធកាំភ្លើងធំរយៈចម្ងាយឆ្ងាយ ដែលផ្គត់ផ្គង់ដោយសហរដ្ឋអាម៉េរិកក្នុងការវាយប្រហារនៅទីក្រុងណូវ៉ាកាកូវកា។អាជ្ញាធរក្រុងខឺសុនដែលគាំទ្រដោយរុស្ស៊ី បានចោទប្រកាន់អ៊ុយក្រែនថាបានបំផ្លាញហេដ្ឋារចនាសម្ព័ន្ធស៊ីវិល និងបានសម្លាប់មនុស្សយ៉ាងហោចណាស់ប្រាំពីរនាក់ ដោយធ្វើការកត់សម្គាល់លើប្រព័ន្ធផ្សព្វផ្សាយសង្គមថា៖ «ឃ្លាំងអាវុធ ក៏ដូចជាហាង ឱសថស្ថាន ស្ថានីយប្រេងឥន្ធនៈ និងសូម្បីតែព្រះវិហារ ត្រូវបានវាយប្រហារ»៕