វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2547 នាក់
ម្សិលមិញ 8227 នាក់
សរុប 14129428 នាក់
សៀមរាប៖ឡានមន្ត្រីគយសៀមរាបបើកត្រេងត្រាងកាងពីមុខត្រូវឡានដឹកទំនិញ ទរពីក្រោយបណ្ដាលឲ្យមនុស្ស៤នាក់ រងរបួសធ្ងន់និងស្រាលកាលពី រសៀលថ្ងៃទី២៣ ខែមីនា ឆ្នាំ២០២១ នៅលើដងផ្លូវជាតិលេខ៦៧ (ហាយវេ) ត្រង់ចំណុចចន្លោះបង្គោលគីឡូម៉ែត្រលេខ ១៥-១៦ស្ថិតនៅក្នុងភូមិតានី ឃុំរុនតាឯក ស្រុកបន្ទាយស្រី ខេត្តសៀមរាប ។
មន្ត្រីនគរបាលស្រុកបន្ទាយស្រី ដ៊អោយដឹងថា ករណីគ្រោះ ថ្នាក់ចរាចរណ៍រនេះ បង្កឡើងដោយរថយន្តម៉ាក HYUNDAI TRACTOR ពណ៌ ស ពាក់ផ្លាកលេខ កំពង់ចាម 3A- 6255 បេីកបរដោយឈ្មោះ នី គន្ធា ភេទប្រុស អាយុ ២៧ឆ្នាំ រស់នៅភូមិប្រស្រែលេី ឃុំវិហារលួង ក្រុងសួងខេត្តត្បួងឃ្មុំ មានអ្នករួមដំណេីរ ម្នាក់ ក្នុងទិសដៅពីត្បួងទៅជេីង។ ឯឯខាងឡានគយម៉ាក TOYOTA CAMRY 2007 ពណ៌ ទឹកប្រាក់ ពាក់ផ្លាកលេខ រដ្ឋ10.2- 0285បេីកបរដោយឈ្មោះ លិញ លោ ភេទ ប្រុស អាយុ ៣៤ឆ្នាំ រស់នៅភូមិឪឡោក ឃុំបាគង ស្រុកប្រាសាទបាគង ខេត្តសៀមរាប ជាមន្ត្រីអាវុធហត្ថ មានអ្នករួមដំណេីរចំនួន០៣នាក់ក្នុងទិសដៅស្របគ្នា បណ្តាលអោយធ្លាក់ស្នាមភ្លោះហើយមនុស្ស៤នាក់បានរងរបួសធ្ងន់និងស្រាល ។
នគរបាល មិនបានបញ្ជាក់ពីមូលហេតុនៃគ្រោះថ្នាក់ ផ្តើមចេញពីអ្វី ហើយអ្នករងរបួសជាអ្នកណាឡើយ។ តែអ្នកនៅកន្លែងកើតហេតុអោយដឹងថា រថយន្តដែលធ្លាក់ស្នាមភ្លោះ ជារបស់គយនិងរដ្ឋាករ ដែលរួមដំណើរដោយមន្ត្រីអាវុធហត្ថ។ឡានគយ បានបើកស្ទាក់និងរារាំងរថយន្តដឹកទំនិញ ក្នុងគ្រាដែលរថយន្តទំនិញកំពុងមានល្បឿន ហើយរថយន្តមន្ត្រីគយនៅរេរ៉ពីមុខ ក៍ត្រូវរថយន្តបង្កបុកពេញទំហឹងតែម្តង។មិនទាន់មានការបកស្រាយពីគយនៅឡើយ៕