វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4862 នាក់
ម្សិលមិញ 5378 នាក់
សរុប 14084155 នាក់
បន្ទាយមានជ័យ៖ ប៉ូលិសអន្តោប្រវេសន៍ច្រកទ្វាព្រំដែនអន្តរជាតិប៉ោយប៉ែតត្រូវបានសន្តិសន្តិសុខសណ្ឋាគារ ហ្គូត វើល (Good World) រារាំងប៉ូលិសមិនឱ្យពិនិត្យជនជាតិចិនស្នាក់នៅក្នុងសណ្ឋាគារ ។តែអ្នកខ្លះថាមកពីប៉ូលិសខ្លាចអំណាចអុ្នកកាងម្ចាស់សណ្ឋាគារទើបមិនហ៊ានចូលត្រួតពិនិត្យ?។
សូមបញ្ជាក់ថា៖កាលពីថ្ងៃទី៣១ មករា ប៉ូលិសអន្តោប្រវេសន្តច្រកទ្វាព្រំដែនប៉ោយប៉ែត មានគ្នា ៥នាក់ចុះល្បាតតាមផ្លូវដែលមានជនជាតិចិនស្នាក់នៅ ដើម្បីពិនិត្យលិខិតស្នាម ។ ភ្លាមៗនោះម្ចាស់សណ្ឋាគារបានបញ្ជាឱ្យសន្តិសុខ ឃាត់ខ្លួននាយរងប៉ុស្តិ៍ គឺ លោក សំ សីហា មិនឱ្យចេញពីបរិវេណសណ្ឋាគារនោះទេ។ករណីយ៍នេះប្រជាពលរដ្ឋនិយាយថា៖ ប្រហែលខ្លាចឬត្រូវថ្នាំម្ចាស់សណ្ឋាគារមិនដឹងប៉ូលិសបានដកខ្លួនចេញវិញ បន្ទាប់ពីសន្តិសុខសណ្ឋាគារ ជាច្រើននាក់ទៅរារាំង និងបណ្ដេញប៉ូលិសចេញពីមុខសណ្ឋាគារ។
ពលរដ្ឋ នៅក្នុងហេតុការណ៍នោះដែរបាន អះអាងថា នៅពេលកើតហេតុប៉ូលិសបានទូរស័ព្ទទៅការិយាល័យនៅច្រកព្រំដែនដើម្បីសុំបន្ថែមកម្លាំង ប៉ុន្តែក្រោយមកបានដកថយវិញ ក្រោយពីដឹងថា ម្ចាស់សណ្ឋាគារនេះមានខ្សែអ្នកធំថ្នាក់ឧបនាយករដ្ឋមន្ត្រី។
ម្ចាស់សណ្ឋាគារ ហ្គូត វើល លោក អ៊ុយ ឆាយ និយាយប្រាប់កាសែតការពារខ្លួនថា សន្តិសុខមិនបានរារាំងប៉ូលិសអនុវត្តច្បាប់នោះទេ គ្រាន់តែរៀបចំសណ្ដាប់ធ្នាប់នៅមុខសណ្ឋាគារ ដោយសារប៉ូលិសមិនមានលិខិតឆែកឆេរ ដែលធ្វើឱ្យប៉ះពាល់ដល់របបរកស៊ីរបស់ខ្លួន។ លោកអ៊ុយ ឆាយ ទទួលស្គាល់ថា នៅក្នុងសណ្ឋាគាររបស់ខ្លួនមានជនជាតិចិនស្នាក់នៅប្រមាណ ៨០នាក់ ប៉ុន្តែពួកគាត់មានលិខិតស្នាមត្រឹមត្រូវ៖ «អត់ទេ! នេះគាត់មិនបានដាក់ត្រួតពិនិត្យលិខិតឆ្លងដែនជនជាតិចិនដើរឆ្លងកាត់គឺអត់ទេ ខ្ញុំមិនមានជនជាតិចិនខុសច្បាប់ទេ ព្រោះអីគេធ្វើការក្នុងកាស៊ីណូ ហើយស្នាក់នៅកន្លែងខ្ញុំ វាជួយថ្ងៃផងខែផង ប៉ុន្តែមកស្នាក់នៅរយៈពេលខ្លីប្រមាណ ២ទៅ ៣ខែប្ដូរទៅក្រុងព្រះសីហនុវិញម្ដង មិនមែនជាការស្នាក់នៅអចិន្ត្រៃយ៍អីទេ»។
មន្ត្រីសម្របសម្រួលសមាគមការពារសិទ្ធិមនុស្សអាដហុក «Adhoc) ខេត្តបន្ទាយមានជ័យ លើកឡើងថា ករណីនេះជាការអនុវត្តច្បាប់ស្តង់ដារ២ ព្រោះប្រសិនបើប៉ះចំពលរដ្ឋក្រីក្រ ម្ល៉េះប៉ូលិសចាប់ម្ចាស់ផ្ទះវាយខ្នោះបាត់ទៅហើយ។