វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 4963 នាក់
ម្សិលមិញ 6001 នាក់
សរុប 13877793 នាក់
ភ្នំពេញ៖ទំព័រហ្វេសប៊ុកផ្លូវការនាយកដ្ឋានព័ត៌មានវិទ្យានៃក្រសួងមហាផ្ទៃ នៅថ្ងៃទី១៤ មិថុនា ឆ្នាំ២០២០នេះបានអំពាវនាវ ឱ្យពលរដ្ឋខ្មែរ មានការប្រុងប្រយ័ត្ន ចំពោះករណីមាន Missed Call ពីក្រៅប្រទេស ដែល ក្រសួងអះអាងថា Missed Call នោះ ហៅមកពីប្រទេសម៉ាឡាវី អាហ្វ្រិក នីហ្សេរីយ៉ា ប៉ាគីស្ថាន ឬប្រទេសរុស្សី ជាដើម។
ក្រសួងមហាផ្ទៃហៅការទូរសព្ទចូលដោយប្រើប្រាស់លេខប្លែកៗពីក្រៅប្រទេសដែលមិនស្គាល់ គឺជាគម្រោងឆបោកប្រាក់ (Money Scam) ដែលមានឈ្មោះថា “Callback Scam ឬហៅម្យ៉ាងទៀតថា One-Ring Scam”។នាយកដ្ឋានព័ត៌មានវិទ្យាបានបញ្ជាក់ថា Callback Scam ជាបច្ចេកទេសកា ត់ ប្រាក់ពីគណនីទូរស័ព្ទជ ន រងគ្រោះ ដោយប្រើប្រាស់សេវា ដែលហៅថា International Premium Rate Number (IPRN) ដោយក្រុមបណ្តាញឧក្រិដ្ឋជនដែលមានអង្គការចាត់តាំង បានទិញសេវាលេខទូរស័ព្ទ IPRN ពីក្រុមហ៊ុនផ្តល់សេវាទូរស័ព្ទ ធ្វើការខលចេញពីក្រៅប្រទេស ទៅលើគោលដៅនានាជុំវិញពិភពលោក ដែលរួមមានទាំងកម្ពុជាផងដែរ។
អត្តសញ្ញាណក្បាលលេខទូរសព្ទក្រុមឧក្រិដ្ឋជន ដែលហៅចូលដើម្បីលួ ចប្រាក់ពីគណនីទូរស័ព្ទ គឺ ពីប្រទេសម៉ាឡាវី មានក្បាលលេខ(+265), អាហ្វ្រិក ក្បាលលេខ(+27), នីហ្សេរីយ៉ា (+234) ប៉ាគីស្ថាន (+92) ឬ ប្រទេសរុស្សី ក្បាលលេខ(+7) ជាដើម។ក្រសួងបញ្ជាក់ទៀតថា បន្ទាប់ពីហៅចូលពួកគេនឹងកាត់ផ្តាច់ ដែលបង្ហាញ Missed Call លើទូរស័ព្ទជ ន រ ង គ្រោះ។ នៅពេល ជ ន រ ង គ្រោះធ្វើការ ហៅត្រឡប់ទៅវិញ តម្លៃសេវា គឺមានតម្លៃថ្លៃ និងកាត់ពីគណនីទូរស័ព្ទជនរងគ្រោះដោយស្វ័យប្រវត្តិ។ ឯក្រុមឧក្រិដ្ឋជនវិញនឹងទទួលបានប្រាក់កម្រៃជើងសារ (Commission) ពីក្រុមហ៊ុនផ្តល់សេវាទូរស័ព្ទ។
ដើម្បីការពារពីការលួចប្រាក់ពីគណនីទូរស័ព្ទនេះ នាយកដ្ឋានព័ត៌មានវិទ្យា ក្រសួងមហាផ្ទៃ បានណែនាំកុំឱ្យហៅត្រឡប់ទៅវិញ។ប៉ុន្តែ ករណីចង់ទាក់ទងត្រឡប់ទៅវិញ គឺត្រូវSave លេខទូរស័ព្ទទុកហើយព្យាយាមទាក់ទងតាមរយ:កម្មវិធី WhatsApp, Telegram, ឬ SMS។ បើជួបករណីនេះ ក្រសួងមហាផ្ទៃ ស្នើដល់ពលរដ្ឋ រាយការណ៍ទៅកាន់ក្រុមហ៊ុនផ្តល់សេវាទូរស័ព្ទរបស់អ្នក ដើម្បីឱ្យក្រុមហ៊ុន ទូរសព្ទ Block លេខទូរស័ព្ទសង្ស័យ ចេញពីទូរសព្ទ។