វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 1425 នាក់
ម្សិលមិញ 3141 នាក់
សរុប 14178692 នាក់
ភ្នំពេញ៖ស្រីក្មេងលង់ខ្លួនចាញ់ល្បែងអស់២ម៉ឺនដុល្លារ ប្តីដេញចេញពីផ្ទះទៀត គិតខ្លីមក លោតទឹកសម្លាប់ខ្លួន២ដង ទាំងក្នុងពោះមានកូន២ខែតែមិនស្លាប់។
សមត្ថកិច្ចឲ្យដឹងថា ករណីលើកទី១ នាងមកលោតទឹកសម្លាប់ខ្លួននៅចំណុចនៅស្ពានជ្រោយចង្វារ វេលាម៉ោង៨យប់ ថ្ងៃទី១៦ ខែកុម្ភៈ ឆ្នាំ២០២១ ហើយត្រូវបានប៉ូលិសរារាំងទាន់ពេល ឃាត់ខ្លួននាំទៅកាន់ប៉ុស្តិ៍នគរបាល អប់រំកុំឲ្យគិតខ្លីចឹង។ ករណីលើកទី២ ក្រោយមកនាងមិនអស់ចិត្តក៏ទៅលោតទឹកជាថ្មីម្តងទៀត ម្តងនេះនៅមុខព្រះបរមរាជវាំង តែត្រូវបានសន្តិសុខសាលាខណ្ឌដូនពេញ ជួយសង្គ្រោះទាន់ពេលវេលាទៀតកាលពីវេលាម៉ោង១២ និង ១០នាទី រំលងអធ្រាត្រ ឈានចូលថ្ងៃទី១៧ ខែកុម្ភៈ ឆ្នាំ២០២១ ។នាង ឈ្មោះ ចែត រិទ្ធី អាយុ ២៨ឆ្នាំ ស្នាក់នៅផ្ទះជួលម្តុំផ្សារស៊ីឡឹប សង្កាត់ចតុមុខ ខណ្ឌដូនពេញ ។ នាងថាកំពុងពរពោះកូន៥សបា្តហ៍មានស្រុកកំណើតនៅស្រុកលើកដែក ខេត្តសៀមរាប ។
នាងប្រាប់ថា មូលហេតុដែលនាងប៉ុនប៉ងលោតទឹកសម្លាប់ខ្លួន គឺដោយសារនាងជ្រុលខ្លួនលេងល្បែងចាញ់ប្រាក់អស់២ម៉ឺនដុល្លារ នៅកាស៊ីណូ ហើយបានមកសារភាពប្រាប់ប្តី ក៏បង្កជាជម្លោះគ្រួសារ ឈ្លោះប្រកែកគ្នាពេញផ្ទះតែម្តង ។ នាងត្រូវប្តីបោះបង់និងមិនទទួលស្គាល់កូនក្នុងផ្ទៃ ឯគ្រួសារខាងប្តី ក៏មិនទទួលស្គាល់ទៀត ហើយរូបនាងផ្ទាល់ ក៏មិនហ៊ានត្រឡប់ទៅរកសាច់ញាតិព្រោះ ខ្មាស់គេ ។អស់លទ្ធភាពគ្មានទីពឹង គិតអ្វីមិនចេញ ព្រោះតែកំហុសខ្លួនប្រព្រឹត្តខុស ទើបគិត ចង់គេចពីបញ្ហាស្មុគស្មាញទាំងនោះ ក៏សម្រេចចិត្តជ្រើសរើសផ្លូវចង់បញ្ចប់ជីវិតដោយលោតទឹក ។គាំទ្រទេទង្វើចឹង??ៗយ៉ាងណានេះជាមេរៀនមួយសម្រាប់អ្នកញៀនល្បែងលុយក៏អស់ប្តីក៏បាត់នេះមិននិយាយចាញ់ដល់លក់ខ្លួននោះផង៕