វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2581 នាក់
ម្សិលមិញ 6001 នាក់
សរុប 13875411 នាក់
ភ្នំពេញ៖មន្ត្រីបម្រើការងារ នៅនាយកដ្ឋាន ប្រឆាំងបទល្មើសសេដ្ឋកិច្ចក្រសួងមហាផ្ទៃ បានខ្សឹបឲ្យដឹងថា នៅក្នុងនាយករដ្ឋនគរបាលប្រឆាំងបទល្មើសសេដ្ឋកិច្ចសម័យលោកឧត្តមសេនីយ៍ឯក ចាន់ វណ្ណធឿន មានមនុស្សតែ២ទៅ៣នាក់ប៉ុណ្ណោះដែលមានការងារធ្វើ ក្រៅពីនោះ បានត្រឹមអង្គុយ បៀមប៊ិច ឡើងខៀវធ្មេញ ទៅហើយ។នៅក្នុងនោះបើតាម្រភពខាងលើមានមនុស្សសំខាន់តែ២នាក់ប៉ុណ្ណោះដែល អាចចាត់ចែង
ការងារបាន គឺជាប្រភពចំណូល ដ៏សំខាន់ របស់លោក ប្រធាននាយកដ្ឋាន។ទី១លោកឧត្តមសេនីយ៍អ៊ុំមុន្នីដែលទទួលការការងារក្នុងរាជធានីភ្នំពេញនិងទី២ឈ្មោះហួតតឿដែលជាមនុស្សចល័តដ៏សមខាន់។លោក ហួត តឿ ដែលពីមុន មានឋានៈជាប្រធានការិយាល័យ គឺបច្ចុប្បន្នបានឡើឋានៈជាអនុប្រធាននាយកដ្ឋាន ហើយជាមនុស្សជំនិត របស់លោកផ្កាយ៣ ចាន់ វណ្ណធឿនហ្ម៉ង។
ឮជាក់ស្តែងនៅក្នុងលិខិតបង្គាប់ការចុះថ្ងៃទី១៣មិនាឆ្នាំ២០១៨ដែលចេញដោយឧត្តមសេនីយ៍ចាន់វ៉ាន់ធៀនមានមនុសុ្សជាច្រើនតែសំខាន់តែ២គឺលោកអ៊ុំមុន្នីជាប្រធាននិងមានលោកហួតតឿជាសមាជកិម្នាក់ដែរ។ ដោយសារដឹងចិត្តថ្លើមមេទើបលោក ហួត តឿ ហ៊ានប្រើអំណាចធ្វើអ្វីៗ តាមអំពើចិត្តដោយគ្មានញញើតអ្វីទាំងអស់។ តាមការបង្ហើប ពីមន្ត្រីនគរបាល នៅក្នុងនាយកដ្ឋាន ប្រឆាំងបទល្មើសសេដ្ឋកិច្ចក្រសួងមហាផ្ទៃ បានឲ្យដឹងថា អ្នករកចំណូលបានច្រើនជាងគេ នៅក្នុងអង្គភាពនគរបាលប្រឆាំងបទល្មើសសេដ្ឋកិច្ច គឺលោកឧត្តមសេនីយ៍ ចាន់ វណ្ណធឿនជាប្រធាន ហើយបន្ទាប់មក គឺលោក ហួត តឿជាអនុប្រធាន នោះឯង ។
មួយរយៈកន្លងទៅនេះលោក ហួត តឿ មានអំណាចយ៉ាងធំធេង ក្នុងការដើរប្រមូលលុយពីគ្រប់ទីកន្លែងទូទាំងប្រទេស យកមកប្រគល់ឲ្យចៅហ្វាយនាយ របស់ខ្លួនយ៉ាងសស្រាក់សស្រាំ។ ហេតុនេះហើយទើប មន្ត្រីនគរបាលប្រឆាំងបទល្មើសសេដ្ឋកិច្ចក្រសួងមហាផ្ទៃ ដែលឈរជើងតាមបណ្ដាខេត្តមួយចំនួនមិនបានចាប់ឬរកឃើញបទល្មើសអ្វីបង្ក្រាបនោះឡើយតែពួកគេមានតែការ ខំប្រឹងប្រមូលលុយ ដើម្បីប្រគល់ឲ្យលោក ហួត តឿ យកទៅជូនមេៗនៅខាងលើតាមការកំណត់។
មន្ត្រី នគរបាលប្រឆាំងបទល្មើសសេដ្ឋកិច្ច តាមបណ្ដាខេត្តខ្លះដូចជា ខេត្តស្ទឹងត្រែង ខេត្តក្រចេះ ខេត្តមណ្ឌលគិរី ខេត្តរតនគិរី និងខេត្តត្បូងឃ្មុំ ជាដើមទោះមានសេចក្តីរាយការណ៍ពីបទល្មើសព្រៃឈើតាមបណ្តាញឃោសនាយ៉ាងណាក៏ដោយតែគ្មានឃើញក្បាលនគរបាលសេដ្ខកិច្ចណាមួយចាប់បានឡើយតែផ្ទុយទៅវិញតាមអ្នករកស៊ីពួកគេបាននិងកំពុងសកម្ម គាបយក លុយពីឈ្មួញដឹកឈើ ទៅស្រុកយួន និងពីឈ្មួញនាំចូលទំនិញពីស្រុកយួន ដើម្បីយក លុយប្រគល់ឲ្យចៅហ្វាយនាយតាមការកំណត់។មិនដឹងថាថ្នាក់ដឹកនាំក្រសួងមហាផ្ទៃ និងនាយឧត្តមសេនីយ៍ នេត សាវឿន អគ្គស្នងការនគរបាលជាតិ ដឹងរឿងមេនគរបាលប្រឆាំងបទល្មើសសេដ្ឋកិច្ចបបណ្ដែតបណ្ដោយឲ្យលោក ហួត តឿ ធ្វើអ្វីៗតាមអំពើចិត្តដែឬអត់នោះទេ?!។