មន្ទីរពេទ្យបង្អែកស្រុកស្នួល ទឹកដីកំណើតនៃរណសិរ្សសាមគ្គីសង្គ្រោះជាតិមាតុភូមិកម្ពុជា ត្រូវពលរដ្ឋចោទថា មិនយកចិត្តទុកដាក់សង្គ្រោះ អាយុជីវិតពួកគាត់ទេ ?
27-January-2020 / សុខភាពនិងកីឡា
ក្រចេះ៖ថ្មីៗនេះមានលេចធ្លាយព័ត៌មានដ៏គួរឈឺចាប់មួយករណីយ៍ ក្រុមគ្រូពេទ្យបង្អែកស្រុកស្នួល ខេត្តក្រចេះ ដែល មិនយកចិត្តទុកដាក់ចំពោះប្រជាពលរដ្ឋរងគ្រោះ ឬ មាន របួសផ្សេងៗ ។ ប្រភពព័ត៌មានពីប្រជាពលរដ្ឋបានរាយការណ៍អោយដឹងថា : កាលពីវេលាម៉ោង៩ យប់ថ្ងៃទី២៩ខែឧសភាឆ្នាំ២០១៨កន្លងទៅមានករណីអគ្គីភ័យមួយ បានឆាបឆេះក្នុងផ្ទះលក់ដូរមួយកន្លែងដែលស្ថិតនៅភូមិវេវឃុំ២ធ្នូស្រុកស្នួលខេត្ត
ក្រចេះ បណ្តាលអោយមនុស្ស៥នាក់រងរបួសជាពិសេសកុមារា២នាក់ត្រូវរង រលាកភ្លើងយ៉ាងធ្ងន់ធ្ងរ ឯទ្រព្យរបស់មិនមានអ្វីខូចខាតធំដុំទេដោយអ្នកជិតខាងបានជួយពន្លត់ទាន់ ពេលវេលា។
តែអ្វីដែលសំខាន់គឺនៅពេលដែលជនរងគ្រោះទាំង៥ នាក់ត្រូវបានបញ្ជូនដល់មន្ទីរពេទ្យបង្អែកស្រុកស្នួលខេត្តក្រចេះ ស្រាប់តែគ្រូពេទ្យដែលប្រចាំការនៅទីនោះនិយាយថា៖
(គ្មានស្អីមើលទេទៅខេត្តរឺទៅមេមត់ទៅ) ដោយគ្រួសារជនរងគ្រោះមិនមានរថយន្តក៏ស្នើរសុំអោយខាងមន្ទីពេទ្យជួយផ្តល់រថយន្តសង្គ្រោះដឹកអ្នករបួសទៅពេទ្យផង ស្រាប់តែគ្រូពេទ្យនោះនិយាយថា៖ (ឡានសង្គ្រោះមិននៅផង)។ ប៉ុន្តែការពិតគឺឡាននៅក្នុងមន្ទីពេទ្យសោះ ....កុំតែបានសណ្តានចិត្តសប្បុរសធម៌របស់កូន ឯកឧត្តមឧកញ៉ា គង់ ក្រឹង និងលោកជំទាវម៉ានសារ៉ស់ ឈ្មោះលោកវីន ជូនតំណើរពួកគាត់ជនរងគ្រោះទៅមន្ទីរពេទ្យបង្អែកស្រុកមេមត់ខេត្តត្បូងឃ្មុំទាំងកណ្តាលមេឃភ្លៀងធំ កុំអីពួកគាត់មិនដឹងបានអីបន្តរដំណើរទៅឡើយព្រោះយប់ហើយមានភ្លៀងធ្លាក់ខ្លាំងទៀត។ សុជីវធម៌ មេត្តាធម៌ និងក្រមសីលធម៌ជាគ្រូពេទ្យ មិនដឹងជាពួកគាត់ទៅរៀននៅសាលាណាទេបានជាជ្រុះបាត់អស់យ៉ាងនេះ ? ។
យោងតាមប្រភពប្រជាពលរដ្ឋភាគច្រើនបំផុតដែលរស់នៅក្នុងស្រុកស្នួលបានរអ៊ូរទាំត្អូញត្អែរថា ពេទ្យបង្អែកស្រុកស្នួលនេះមិនសូវយកចិត្តទុកដាក់ចំពោះអ្នកជំងឺទេ ឯការប្រើប្រាស់ពាក្យសម្តីវិញក៏មិនសមរម្យដាក់អ្នកជម្ងឺ ។ ពលរដ្ឋ ច្រើនតែទៅពេទ្យឯកជន រឺឆ្ងាយៗ ដូចជាស្រុកមេមត់ជាដើម ។ ដោយសារតែកាបំរើសេវាកម្មផ្នែកសុខភាព ជូនដល់បងប្អូនប្រជាពលរដ្ឋ មានការខ្វះខាតនិងចន្លោះប្រហោងខ្លាំងពេក បងប្អូនប្រជាពលរដ្ឋក្នុងស្រុកស្នួលខេត្តក្រចេះបានសំណូមពរអោយលោករដ្ឋមន្ត្រីក្រសួងសុខាភិបាលឯកឧត្តម ម៉ម ប៊ុនហេង និងលោកប្រធានមន្ទីសុខាភិបាលខេត្តក្រចេះសុំមេត្តាជួយពិនិត្យមើលមន្ត្រីដែលនៅក្រោមឱវាទផង ថាតើរាល់ថ្ងៃគាត់រវល់ការងារនៅមន្ទីរពេទ្យបង្អែកស្រុកជាងមើលថែ គ្លីនិកឯកជននៅផ្ទះរឺក៏យ៉ាងណា??។
អស់លោកដឹងរឺទេថារាស្ត្រឈឺពឹងសេវាសុខភាពសាធារះរបស់រដ្ឋ ដែលមានស្រាប់ បើសេវាកម្មរបស់រដ្ឋរបៀបហ្នឹងអោយរាស្ត្រពឹងលើអ្វី? យើងជាប្រជារាស្ត្រនៅក្នុងស្រុកស្នួល សូមំណូមពរដល់ លោកនាយករដ្ឋមន្ត្រី គឺ សម្តេចមហាសេនាតេជោហ៊ុនសែន អោយជួយដុសក្អែលមន្ត្រីដែលអសកម្ម សូមសម្តេចជួយដាស់អោយក្រោកពីដេកផងកុំអោយដេកលក់យូរពេក មន្ត្រីបែបនេះទុកនាំតែខូចសន្លឹកឆ្នោត និងអោយរាស្ត្រ អស់ជំនឿតែប៉ុណ្ណោះ ប្រជារាស្ត្រទូទាំងប្រទេស មានជំនឿលើសម្តេចនិងជួយដល់រាស្ត្រដោយបំបាត់ចោលមន្ត្រីគ្រាប់ល្ពៅអស់ទាំងនេះ ៕ ដោយ: សុផល
