វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 2182 នាក់
ម្សិលមិញ 6841 នាក់
សរុប 13124055 នាក់
ភ្នំពេញនៅរសៀលថ្ងៃទី ០៥ មករា ២០១៩លោកស៊ុនសុផលនិពន្ធនាយក សារព័ត៌មាន និង គេហទំព័រ មាតុភូមិ www.meatophoum.com បាននាំយកអំណោយចុះទៅសាកសួរសុខទុក្ខ លោក សៅ តេងរតន: ចាងហ្វាងកាសែត និង គេហទំព័រ បង្រួបបង្រួមជាតិ ដែលធ្លាក់ខ្លួនឈឺធ្ងន់សំរាកព្យាបាលនៅផ្ទះ ឋិតនៅក្នុងភូមិ តាង៉ូវកណ្តាល សង្កាត់និរោធន៍ ខណ្ឌ ច្បារ អំពៅ រាជធានីភ្នំពេញ ។
អំណោយទាំងនោះមានទឹកដោះគោឆៅចំនួន ២យួរ រួមនិង ថវិកាចំនួន ១០ មុឺនរៀល ដែលជាថវិការចូលរួម ជួយឧបត្ថម្ភពីលោក យ៉ង់ ដារ៉ាវុធ ជាមិត្តភក្តិ ហើយក៏ជាដៃឝូ លេងអុកចាក់ត្រង្គជាមួយលោក សៅ តេងរតន: ផងដែរ ។ លោក សៅ តេងរតន: បានរៀបរាប់ពីអាការ: ជម្ងឺរបស់លោកអោយដឹងថា៖ លោកឈឺជាយូរឆ្នាំមកហើយដំបូង ពេទ្យថាជម្ងឺរបេង លោកលេបថ្នាំជិត១ឆ្នាំ មិនត្រូវ រឹតតែ ធ្ងន់ធ្ងរ លោកចូលពិនិត្យតាមមន្ទីរពេទ្យ២-៣ រហូតចុងក្រោយ ចូលពេទ្យរុស្សី សំរាកមួយរយ:ក្រោយមកក៏សម្រេចចិត្តចាក ចេញពីមន្ទីរពេទ្យព្រោះពុំមានលទ្ធភាពក្នុងការចំណាយថវិកា រាល់ថ្ងៃក៏មកសំរាកនៅផ្ទះវិញ ។
លោកបានបញ្ជាក់ថា ជម្ងឺ របស់លោកពេទ្យប្រាប់ថា ជាប្រភេទជម្ងឺសាច់សាហាវ (មហារីក) រលាកសួតអស់១ចំហៀងហើយ សព្វថ្ងៃគឹលោក ខិតខំព្យាបាលដោយចំណាយថវិកាលើថ្មាំពេទ្យចាក់ជាប្រចាំ ក្នុង១សប្តាហ៍ម្តងអស់ចំនួន៦០០ដុល្លារអាមេរិក ចំពោះការហូបចុកចំណីអាហារប្រចាំថ្ងៃវិញក៏មិនបានប៉ុន្មានដែរ ហូបបាយជាមួយ តែទឹកសម្លរ តិចៗ ប៉ុណ្ណោះ ឯការដេកក៏មិនសូវលក់ទេ១យប់ៗ ។
ទោះជា ធ្លាក់ខ្លួនឈឺដល់កំរិតធ្ងន់ធ្ងរបែបនេះហើយក្តី ក៏លោក រតន: មិនចង់អោយសាច់ញាតិ ឬ មិត្តភក្តិដឹងឡើយ ទើបតែពេល ថ្មីៗ២-៣ថ្ងៃមុននេះ លោក ភោគ វិចិត្រចាហ្វាងគេហទំព័រពឹស្តាបាន ទៅសួសុខទុក្ខហើយបានថតបង្ហោះ តាមfacebook ទើបគេដឹង ។ តាមរយ: គេហទំព័រ មាតុភូមិ លោក សៅ តេងរតន: ក៏សូមថ្លែងអំណរ អរគុណដល់សន្តាន ចិត្តសប្បុរសធម៌ របស់អស់លោក លោកស្រីដែលបានឧបត្ថម្ភ នូវថវិកាជួយដល់រូបលោកក្នុងខណ:ដ៏លំបាកនេះ និងសូម ជូនពរជ័យ សេចក្តីសុខគ្រប់ប្រការជូនដល់ក្រុមគ្រួសារ សប្បុរសជន និងមិត្តភក្តិទាំងឡាយដែលរាប់អានរូបលោក ៕ ចំពោះ មិត្តភក្តិ និង សប្បុរសជនដែលមានចិត្តអាណិតអាសូរដល់លោក រតន: សូមទាក់ទងទៅលោកផ្ទាល់តាមរយៈ: Tel : 017 416 668