វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 3451 នាក់
ម្សិលមិញ 4292 នាក់
សរុប 14113150 នាក់
កំពង់ឆ្នាំង៖អនុប្រធានផ្សារអូរឫស្សីដែលរកឃើញអ្នកវិជ្ជមានជម្ងឺកូវីតប្រមាណ៥០នាក់ហើយបានចេញពីភ្នំពេញ មានឈ្មោះ ឆាយ ធារ៉េន អាយុ ៤២ ឆ្នាំ រស់នៅភូមិសំរោង សង្កាត់ផ្សារឆ្នាំង ក្រុងកំពង់ឆ្នាំង នៅថ្ងៃទី៦ ខែមេសា ឆ្នាំ២០២១ ។
សមត្ថកិច្ចមូលដ្ឋាន បានអោយដឹងថា អាជ្ញាធរខេត្ត បានទទួលដំណឹងនេះ ហើយ ទើបនៅរសៀលថ្ងៃទី៩ អាជ្ញាធរខេត្ត និងក្រុមគ្រូពេទ្យ បានមកយកបុរស ខាងលើ បញ្ជូនតាមរថយន្ត របស់មន្ទីរសុខាភិបាល ទៅធ្វើចត្តាឡីស័ក នៅឯស្រុកទឹកផុស ខេត្តកំពង់ឆ្នាំង។លោកវេជ្ជបណ្ឌិត ងិន ចាន់សារ៉េត បានបញ្ជាក់អោយដឹង ថា ឈ្មោះ ឆាយ ធារ៉េន ជាអនុប្រធាន ផ្សារអូរឫស្សី ។ គាត់ត្រូវបាន បានយកសំណាក ធ្វើតេស្តលើកទី១ ម្តងហើយ នៅថ្ងៃទី៦ ខែមរសា ឆ្នាំ២០២១ វេលាម៉ោង ៣ នៅវិទ្យាល័យបាក់ទូក គ្រូពេទ្យតម្រូវអោយ ធ្វើចត្តាឡីស័ក នៅផ្ទះ លទ្ធផលមិនទាន់ទទួលបាន នៅឡើយទេ។
ដើម្បីបញ្ចៀសករណីឆ្លងណាមួយ ក្នុងសហគមន៍នោះ អាជ្ញាធរ និងក្រុមគ្រូពេទ្យ បានធ្វើការសម្រេចយករូបគាត់ ទៅគ្រប់គ្រង នៅមណ្ឌលចត្តាឡីស័ក ស្រុកទឹកផុស ដើម្បីតាមដានស្ថានភាព របស់គាត់បន្តទៀត និងងាយស្រួល យកសំណាកបន្តទៀត។សូមបញ្ជាក់ដែរថាក្រៅពីលោកអនុប្រធានផ្សារអូរឬស្សីកម្មករប្រមាណជិត៥០នាក់ទៀតផងដែរដែលចេញពីភ្នំពេញទៅស្រុកកំណើតក្នុងខេត្តកំពង់ឆ្នាំងក៏ត្រូវនាំយកទៅថ្វើចត្តាឡីសក័នៅទីតាំងខាងលើផងដែរ។
ទាក់ទងបញ្ហានេះលោកវេជ្ជបណ្ឌិត ងិន ចាន់សារ៉េត បានធ្វើការអំពាវនាវ ទៅដល់បងប្អូនប្រជាពលរដ្ឋទាំងអស់ ដែលមានបងប្អូន សាច់ញាតិ នៅខេត្តកំពង់ឆ្នាំង សូមកុំវិលត្រឡប់ ចូលមកក្នុងទឹកដីខេត្ត អោយសោះ បើមិនដូច្នោះទេ អាជ្ញាធរ និងក្រុមគ្រូពេទ្យ និងចាប់បញ្ជូន យកទៅធ្វើចត្តាឡីស័កទាំងអស់ ហើយនេះគឺជាវិធានការ ការពារទប់ស្កាត់ ករណីរីករាលដាល ឆ្លងនៅកូវីដ-១៩ នៅក្នុងសហគមន៍។
សួមបញ្ជាក់ថានៅថ្ងៃទី៩មេសានេះក្រសួងសុខាភិបាលបានឲ្យដឹងថា មានករណីវិជ្ជមានកូវីតថ្មីរហូតដល់ចំនួន៥៧៦នាក់ និង ជាសះស្បើយ៧០នាក់។
ក្នុងនោះ ភ្នំពេញអ្នកឆ្លងចំនួន៥៤៤នាក់, ខេត្តព្រះសីហនុចំនួន ១២នាក់, កណ្តាល ១នាក់, ស្វាយរៀងចំនួន ១៦នាក់, កំពង់ចាម១នាក់ និងសៀមរាប២នាក់។គួរបញ្ជាក់ថា គិតត្រឹមព្រឹកថ្ងៃទី៩ ខែមេសា ឆ្នាំ២០២១ កម្ពុជាមានអ្នកឆ្លងសរុបជំងឺកូវីដសរុប ៣.៦០៤នាក់, អ្នកជាសះស្បើយ ១.៩៨៤នាក់, អ្នកកំពុងព្យាបាល ១.៥៩១នាក់ និងស្លាប់២៤នាក់។