របៀបធ្វើការនិងតម្លៃសេវារត់ឯកសារក្រោមតុនៅគយ ព្រលានអន្តរជាតិភ្នំពេញមិនប្រែប្រួលទេបើទោះដូរមេគយក៏ដោយលោកគុណញឹមអត់ហ៊ានក្អកព្រោះខ្លាច!
20-March-2025 / ព័ត៌មានជាតិ
រាជធានីភ្នំពេញ ៖ ក្រុមអ្នករត់ការ ទំនិញវិនិញបានឲ្យដឹងថារបៀបធ្វើការដើម្បីគោះលុយតម្លៃបន្ថែម សេវារត់ឯកសារនៅការិយាល័យគយ និងរដ្ឋាករ អាកាសយានដ្ឋាន អន្តរជាតិភ្នំពេញមិនមានការប្រែប្រួលទេតាំងពីសម៏យលោកជាខៀវសំអានគយដុះស្លែចូលដល់ម័យលោកហីវធារិទ្ធនិងចូលដល់មេគយថ្មីគឺលោក លាង ហៃក៏ដោយ។
ប្រភពបានឲ្យដឹងថា៖សេវាក្រោមតុឲ្យមន្ត្រីគយដោយមិនមានវិក័យបត្រ័គឺ យ៉ាងតិចចាប់ពី៣៥ដល់៧៥ដុល្លារអាមេរិកក្នុង១ឯកសារទោះបីតេជោហ៊ុនសែននាយករដ្ឋមន្ត្រីបន្ថែមអភិក្រមកែទម្រង់រដ្ឋបាលសាធារណៈដាក់កម្មវិធីវះកាត់មួយទៀតចូលក៏ដោយ។
ទង្វើពុករលួយបង្កឡើងដោយមន្ត្រីគយព្រលានយន្តហោះអន្តរជាតិភ្នំពេញគឺក្រោមរូបភាពធ្វើការឡះឡោះអូសបន្លាយពេលដើម្បីធ្វើការបន្ថែមម៉ោងហើយគោះលុយអ្នករត់ឯកសារនាំទំនិញចេញចូលដោយុំិនចេញវិក័យបត្រ័នោះមិនត្រូវបានមេគយធំលោកគុណញឹមទទួលដោះស្រាយឡើយក្នុងកិច្ចប្រជុំជាមួយវស័យឯកជនដឹកនាំដោយឧកញ៉ាគិតម៉េងប្រធានសភាពាណិជ្ជកម្មកាលពីថ្ងៃទី១២ធ្នូឆ្នាំ២០៩១៨កន្លងមកនេះបើទោះបីជាមានសំណូមពរពីភាគិវិស័យឯកជនស្នើសុំថាបើទាកម្រៃក្រៅក៏បានឲ្យតែចេញវិក័យបត្រ័មកវិញ ក៏ដោយ។នេះបើតាមប្រភពពីពាណិជ្ជករដែលសុំមិមបញ្ចេញឈ្មោះ។
សូមបញ្ជាក់ថាកាលពីខែធ្នូឆ្នាំ២០១៣ដើមអាណត្តិទី៥តេជោហ៊ុនសែនពេលប្រកាសចូលកាន់តំណែងបានដាក់ចេញអភិក្រម៤មានងូតទឹកឆ្លុះកញ្ចក់ព្យាបាលសម្រាប់កម្មវិធីកែតម្រង់មន្ត្រីរាជការលុបបំបាត់អំពើរពុករលួយអសកម្មនានានា។ក្រោយមកថែមមួយទៀតគឺវះកាត់តែគ្មានមន្ត្រីគយណាយកត្រចៀកស្តាប់ឡើយ?!។
អ្នករត់ការឯកសារនាំចូលទំនិញត្រូវបានបង្គាប់ឱ្យអ្នក បង់ប្រាក់ សម្រាប់ឯកសារប្រតិវេទន៍គយ ក្នុង មួយឯកសារៗ ចាប់ពី ៣៥ដុល្លារ ទៅ ៧៥ដុល្លារ អាំមេរិក។នេះគិតសម្រាប់តែ ឯកសារ ដែលគ្មានកំហុស គេមិនទាន់គិតដល់ ទំនិញមួយ ចំនួនឯកសារមានកំហុសតិចតួចលើឯកសារកសារ ឬទំនិញដែល មានតម្លៃបង់ពន្ធមិនគ្រប់ ដែល ឈ្មួញនាំចូលតាមច្រកនេះ ឡើយ។សូមបញ្ជាក់ដែរថា៖ចាប់តាំងពីកាន់តំណែងនេះមក គេមិនដែលឃើញលោក លាង ហៃ បង្ក្រាបទំនិញខុស ច្បាប់តាមច្រកព្រលានយន្តហោះ បាន មួយករណីនៅឡើយនោះទេ។
មានការបញ្ជាក់ពីអ្នករត់ការថា៖ ការបង់នៅផ្នែកនីមួយៗ ដូច ខាងក្រោម ៖ ទី១-ត្រូវបង់ចំនួន ៥ដុល្លារ សម្រាប់មន្ត្រីគយ ទទួល ផែនផ្នែកចុះលេខ ឈ្មោះ ។ ទី២-បង់ប្រាក់ចំនួន ២០ដុល្លារ សម្រាប់គណនេយ្យ ។ ទី៣បង់ប្រាក់ចំនួន ១០ដុល្លារ សម្រាប់ប្រធានផ្នែកត្រួតពិនិត្យ និងចំនួន ១០ដុល្លារ ទៀតផ្នែក កូនចៅ មន្ត្រីគយខាងពិនិត្យ។ ទី៤-បង់ប្រាក់ចំនួន ២០ដុល្លារ សម្រាប់ មន្ត្រីគយផ្នែកកាត់ស្តុក បញ្ចុះ ឯក សារ និងទី៥ ត្រូវបង់ឲ្យ អនុប្រធាន ការិយាល័យ ជាកិច្ចបង្ហើយឯកសារ ចំនួន ៥ដុល្លារ ។ ដោយឡែកចំពោះ ទំនិញវិនិយោគនាំចេញ ក្នុងមួយ ឯកសារ ក៏ត្រូវបង់ចំនួន ៣៥ដុល្លារ បើករណីនាំចេញទំនិញថ្ងៃសៅរ៍ និងថ្ងៃអាទិត្យលោកគយគិតអូធី(OT) ស្មើ៧៥ដុល្លារ ១ឯកសារ។
សង្កេតឃើញ ក្នុងមួយថ្ងៃៗ មាន ឯកសាររាប់រយដែលត្រូវឆ្លងកាត់ប្រព័ន្ធទារលុយនៅព្រលានយន្តអន្តរជាតិភ្នំពេញនេះ។ ទាក់ទងនឹង ករណីនេះមានមន្ត្រីនៅនគរបាលព្រលាននិយាយលេងថាគយបើមិនចង់ទុកសម្រាប់រកចំណូលបង់ចូលកាកបាទក្រហមឬថ្នាក់លើទេគឺសុំឲ្យឱ្យ ឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ច និង ហិរញ្ញ វត្ថុ មេត្តាជួយពិនិត្យ មើលប៉ុស្តិ៍ខ្លាញ់ លេខ ១នេះផង។ ដោយឡែក លេខទូរសព្ទ 092 900 700 ដែលគេថា លោក លាង ហៃ ប្រើ តេទៅសុំការពន្យល់មិនមានការឆ្លើយតបនោះទេ ។
សូមបញ្ជាក់ថាបើតាមច្បាប់ប្រឆាំងអំពើពុករលួយបទល្មើសស៊ីសំណូករបៀបជម្រឹតចឹងចាប់ពី៥ដុល្លារឬហៅថាបទល្មើសវិតិក្រម(ប្រើអំណាចរដ្ឋគោះលុយ)សុទ្ធតែជាប់គុកទាំងអស់បើសិនគេអនុវត្តន៍៕
.jpg&h=97&w=146)
