វីដេអូ
តាមដានសង្គម
ចំនួនអ្នកទស្សនា
ថ្ងៃនេះ 582 នាក់
ម្សិលមិញ 3717 នាក់
សរុប 14148915 នាក់
សៀមរាប៖ថ្មីៗនេះ ប្រជាពលរដ្ឋរស់នៅតំបន់រុនតាឯក បានឲ្យដឹងថា ពួកគាត់នឹងធ្វើការតវ៉ា ប្រសិនបើមានការតែងតាំងភិក្ខុ ពេជ្រ ដេវិដ អតីតគ្រូសូត្រនៅវត្តពោធិ៍លង្កា ឱ្យមកគ្រប់គ្រងវត្តរុនតាឯកថ្មី នៅក្រុងរន្ធតាឯកដែលរាជរដ្ឋាភិបាលទើបបង្កើតឡើងនោះ។
មូលហេតុត្រូវបានពួកគាត់ឲ្យដឹងថា៖ ពួកគាត់មិនពេញចិត្ត និងមិនគាំទ្រនោះឡើយ ប្រសិនបើក្រសួងធម្មការ និងគណៈសង្ឃនាយកឱ្យភិក្ខុ ពេជ្រ ដេវិដ មកគង់នៅវត្តរុនតាឯកថ្មី ស្ថិតក្នុងក្រុងរុនតាឯក ខេត្តសៀមរាប ព្រោះតែភិក្ខុអង្គនេះកាលនៅជាសង្ឃនៅវត្តពោធិលង្កា ធ្លាប់បានប្រព្រឹត្តខុសវិន័យសង្ឃ រហូតជាប់ពន្ធនាគារ។ បើតាមប្រជាពលរដ្ឋថា នៅក្រោយចេញពីចេញពីពន្ធនាគារវិញ ភិក្ខុ ពេជ្រ ដេវិដ ក៏បង្ករឿងបែងចែកបក្ខពួកគ្នា រហូតបិទវត្តពោធិ៍លង្កាទាំងស្រុង ស្ថិតក្នុងខេត្តសៀមរាប ដែលរឿងនេះអ្នកណាក៏ដឹង។
សូមបញ្ជាក់ថាកាលពីថ្ងៃទី២៤ ខែមករា ឆ្នាំ២០២៤ គណៈសង្ឃនាយក បានបើកកិច្ចប្រជុំសម្របសម្រួលមួយដោយមានការចូលរួមពីអាជ្ញាធរ គណៈសង្ឃ ព្រមទាំងតំណាងប្រជាពលរដ្ឋរុនតាឯកផងលើករណីយ៍នេះ ។ តែយ៉ាងណាក៏ដោយតំណាងប្រជាពលរដ្ឋរុនតាឯក នៅតែបដិសេធ មិនព្រមទទួលយកភិក្ខុ ពេជ្រ ដេវិដ ឱ្យមកគង់នៅវត្តរុនតាឯកថ្មីឡើយ ហើយប្រសិនបើនៅតែមានការតែងតាំងទៀត នោះប្រជាពលរដ្ឋទាំងអស់នឹងលើកគ្នាធ្វើការតវ៉ាតែម្តង។
គេនៅចាំបានថា នៅក្នុងលិខិតមួយចុះថ្ងៃទី១៣ ខែវិច្ឆិកា ឆ្នាំ២០២៣ គណៈសង្ឃនាយកបានសម្រេចបញ្ចប់មុខតំណែងគណៈសង្ឃវត្តពោធិ៍លង្កា (ពោធិ៍លើ) ស្ថិតក្នុងភូមិស្លក្រាម សង្កាត់ស្លក្រាម ក្រុងសៀមរាប ខេត្តសៀមរាប ដូចខាង ក្រោម ៖១- បញ្ចប់មុខតំណែង ភិក្ខុ កែវ ខូយ ពីចៅអធិការ២- បញ្ចប់មុខតំណែង ភិក្ខុ ពេជ្រ ដេវីឌ ពីគ្រូសូត្រស្ដាំ៣- បញ្ចប់មុខតំណែង ភិក្ខុ ស៊ីញ ស៊ីន ពីគ្រូសូត្រឆ្វេង និង
៤- បញ្ចប់មុខតំណែង ភិក្ខុ ពីវិន័យធរ។
ការសម្រេចរបស់គណៈសង្ឃនាយក គឺបណ្តេញសង្ឃ១០០អង្គនិងបិទវត្តពោធិ៍លង្កា និងបញ្ចប់តួនាទីចៅអធិការវត្ត គ្រូសូត្រឆ្វេង គ្រូសូត្រស្តាំ និងគណៈកម្មការវត្តនៅពេលនោះ គឺ ក្រោយកើតមានជម្លោះមិនចេះចប់ហើយ ព្រមទាំងបង្កើតឱ្យមានបក្ខពួកនៅក្នុងវត្តនេះ៕