លោកសុខឥសានឌឺសន្និសីទអតីតគណបក្សសង្គ្រោះជាតិនៅអាមេរិកលោកសមរង្សីកោតសសើរ!
ភ្នំពេញអាមេរិក៖លោក សុខឥសាន អ្នកនាំពាក្យគណបក្សប្រជាជនកម្ពុជា តាមរយៈបណ្ដាញសង្គម តេឡេក្រាមនៅថ្ងៃទី២ ធ្នូ២០១៨បានលើកថាឧបាយកលរបស់ទណ្ឌិតសម រង្ស៊ីបានរៀបចំគម្រោងធ្វើរបស់ដែលហៅថា សន្និសីទពិភពលោកក្នុងចំណោម អ្នកគាំទ្រខ្លួននៅទីក្រុងអាតាត្លង់តារដ្ឋអូហៃយូ សរដ្ឋអាមេរិកក្នុងឧបាយកលទុច្ចរិត ចង់ដណ្តើមតួនាទដឹកនាំអតីតបក្សប្រឆាំង ដែលបានងាប់ទៅហើយនោះបានបង្ហាញពីកាបែកបាក់។
លោក សុខឥសាន បញ្ជាក់៣ចំណុចច្បាស់ៗថា៖ ១- ពាក្យដែលទណ្ឌិតសម រង្ស៊ីថាសម រង្ស៊ីនិងកឹម សុខាជាមនុស្សតែមួយគឺមិនពិតទាល់តែសោះ ។ ២- ឧបាយកលចង់ដណ្ដើមអំណាចរបស់ទណ្ឌិតសម រង្ស៊ីត្រូវបរាជ៍យ ។
៣-ផ្ទៃក្នុងអតីតបក្សប្រឆាំងរួមទាំងរបស់ដែលហៅថា ចលនាសង្គ្រោះជាតិ បែកបាក់គ្មានទីបញ្ចប់។ នេះជាលទ្ធផលនៃនយោបាយបាយឡុកបាយឡ របស់ទណ្ឌិតសម រង្ស៊ីដែលត្រូវទទួល បរាជ័យជារៀងរហូត “។
ការបញ្ចេញមតិរបស់លោកសុខឥសានគឺក្រោយក្រុមគាំទ្រអតីតបក្សប្រឆាំង ដែលមាននិន្នាការ សម រង្ស៊ី និយម បានរៀបចំកិច្ចប្រជុំមួយ ចាប់ផ្ដើមពីថ្ងៃទី ១-២ ខែធ្នូនេះ នៅក្រុងអាត់ត្លង់តា (Atlanta) រដ្ឋ Georgia នៃសហរដ្ឋអាមេរិក ក្រោមរូបភាពរិះរកមធ្យោបាយ ស្ដារប្រជាធិបតេយ្យនៅកម្ពុជាឡើងវិញ។ក្នុងនោះក្រុមសហមេធាវីការពារក្ដី លោក កឹម សុខា ចេញសេចក្ដីថ្លែងការណ៍ ច្រានចោល គឺមិនទទួលដឹងឮ និងមិនគាំទ្រ នូវការរៀបចំនិងការសម្រេចណាមួយ នៃសន្និសីទកាលពី ថ្ងៃទី១ និង ថ្ងៃទី២ ខែធ្នូ ឆ្នាំ២០១៨ នៅទីក្រុងអាតាឡង់តា សហរដ្ឋអាមេរិក របស់ក្រុមអ្នកគាំទ្រ លោក សម រង្ស៊ី ប្រធានចលនាសង្គ្រោះជាតិ នោះទេ ។
សហមេធាវីការពារសិទ្ធិ លោក កឹម សុខា បានឲ្យដឹងនៅថ្ងៃទី២ ខែធ្នូនេះថា ការបញ្ចេញទស្សនៈរបស់លោក កឹម សុខា ខាងលើនេះ មិនស្ថិត នៅក្រោមការបង្ខិតបង្ខំ របស់បុគ្គលណាមួយឡើយ។“យើងខ្ញុំជាសហមេធាវី សូមបញ្ជាក់ថា ទោះបីជាឯកឧត្តម កឹម សុខា ស្ថិតក្រោមការត្រួតពិនិត្យតាម ផ្លូវតុលាការក៏ដោយ ក៏ឯកឧត្តម កឹម សុខា នៅតែមានសិទ្ធិក្នុងការតវ៉ា ការពារ ទាមទារ និងបដិសេធ នូវអ្វីដែលប៉ះពាល់ដល់សិទ្ធិគាត់។
ឯកឧត្តម កឹម សុខា មានសិទ្ធិបញ្ចេញមតិ ដោយខ្លួនគាត់ផ្ទាល់ ឬតាមរយៈមេធាវី ស្របតាមបញ្ញាត្តិច្បាប់”។
សេចក្ដីថ្លែងការណ៍បន្តថា “យើងខ្ញុំជាសហមេធាវី ដែលទទួលសិទ្ធិការពារក្ដីជូន ឯកឧត្តម កឹម សុខា គឺអនុវត្តស្របតាម ក្របខ័ណ្ឌវិជ្ជាជីវៈ តាមឆន្ទៈកូនក្ដី និងមានការទទួលខុសត្រូវ។ ក្នុងករណីយើងខ្ញុំជាសហមេធាវី បំពេញបេសកកម្មណាមួយ ដោយបំពេញឆន្ទៈរបស់ឯកឧត្តម កឹម សុខា ដែលជាកូនក្ដី គាត់មានសិទ្ធិពេញ លេញ ក្នុងការបញ្ឈប់បេសកកម្មយើងខ្ញុំ ជាមេធាវីបានគ្រប់ពេលវេលា។ បច្ចុប្បន្នយើងខ្ញុំនៅតែជាសហមេឆធាវី ការពារ ក្ដីជូន ឯកឧត្តម កឹម សុខា ដដែល”៕
ទោះជាយ៉ាងណា លោក អ៊ុង រិទ្ធី ជាអ្នកគាំទ្រគណបក្សសង្គ្រោះជាតិម្នាក់នៅសហរដ្ឋអាមេរិកដែលរៀបចំសន្និសីទនេះ បានអះអាងថា លោក សម រង្ស៊ី គ្រាន់តែចូលរួមក្នុងនាមជាអ្នកសង្កេតការណ៍តែប៉ុណ្ណោះ ហើយថាសន្និសីទនេះ មិនមែនធ្វើឡើងដើម្បីជ្រើសរើសលោក សម រង្ស៊ី ឲ្យមកដឹកនាំគណបក្សសង្គ្រោះជាតិឡើងវិញនោះទេ។
លោក សម រង្ស៊ី ដែលបានទៅចូលរួមសន្និសីទនេះ បានសរសេរលើហ្វេសប៊ុករបស់លោកថា «ក្នុងកាលៈទេសៈដែលលោក កឹម សុខា ត្រូវបានជនផ្តាច់ការ លោក ហ៊ុន សែន ចាប់យកធ្វើជាចំណាប់ខ្មាំង ហើយដោយសារតែសកម្មជនគណបក្សសង្គ្រោះជាតិ នៅកម្ពុជា ត្រូវគេគំរាមកំហែង យើងយល់ឃើញថា មានតែសកម្មជនគណបក្សសង្គ្រោះជាតិ នៅក្រៅប្រទេសទេ ដែលអាចជួបជុំគ្នា និងពិភាក្សាគ្នា ដើម្បីកំណត់យុទ្ធសាស្ត្រ និងធ្វើសេចក្តីសម្រេចសមស្របទាន់ពេលវេលា ក្នុងគោលបំណងរកដំណោះស្រាយ ចំពោះវិបត្តិនយោបាយសព្វថ្ងៃ នៅកម្ពុជា»។លោកសម រង្ស៊ី ថែមទាំងថ្លែងសរសើរការរៀបចំសន្និសិទនេះថែមទៀត បើទោះបីលោកកឹម សុខា បានប្រកាសមិនគាំទ្រពីប្រទេសកម្ពុជាក៏ដោយ។
លោកសម រង្ស៊ី បានថ្លែងអបអសាទរចំពោះការរៀបចំសន្និសីទពិភពលោកស្តីអតីតគណបក្សសង្គ្រោះជាតិ។ លោកសម រង្ស៊ី ក៏បានសម្តែងនូវក្តីរំភើបរីករាយដែលបានឃើញមានប្រជាពលរដ្ឋខ្មែរជាច្រើនមកចូលរួមសន្និសីទនេះ ហើយលោកក៏បានកោតសរសើរនិងអរគុណដល់ពួកគេដែលបានចំណាយទាំងពេលវេលា និងធនធានផ្ទាល់មកចូលរួមសន្និសីទនៅសហរដ្ឋអាមេរិក។
សន្និសីទនេះ គឺមានប្រតិភូចូលរួមជាង ៤០០ នាក់ មកពីសហរដ្ឋអាមេរិក កាណាដា ទ្វីបអឺរ៉ុប រួមមាន បារាំង ប៊ែលហ្សិក ស្វីស អាល្លឺម៉ង់ អុីតាលី អូទ្រីស ហូឡង់ ន័រវេ ស៊ុយអែត និងហ្វាំងឡង់។ ចំណែក ទ្វីបអាស៊ីវិញ មានតំណាងពីកម្ពុជា ថៃ ម៉ាឡេស៊ី ជប៉ុន និងកូរ៉េខាងត្បូង ខណៈមកពីទ្វីបអូសេអានី ប៉ាស៊ីហ្វិច មានតំណាងប្រចាំ អូស្ត្រាលី និងញូហ្សេលែន។ នេះបើតាមលោក សម រង្ស៊ី។
