តើឈ្មោះឆាយមន្ត្រីនគរបាលសក្តិ២ជាមនុស្សតែម្នាក់ដែលបាញ់កាំភ្លើងខុសច្បាប់តែម្នាក់ឯងរហូត២០០គ្រាប់?
03-April-2024 / ព័ត៌មានជាតិ
ខេត្តកំបងត់ស្ពឺ៖ករណីយ៍ក្រុមខ្មាន់កាំភ្លើបាញ់បោះសេរីនៅផ្ទះលំហែរនៅលើខ្នងភ្នំគិរីរម្យរបស់បុគ្គលដ៏មានឥទ្ធិ កាលពីយប់ថ្ងៃទី១១ ខែវិច្ឆិកា ឆ្នាំ២០២៣ សមត្ថកិច្ចចំរុះនគរបាលប៉េអឹមមន្ត្រីបរិស្ថានបានចុះស្រាវជ្រាវ ដោយរកឃើញសំបកគ្រាប់កាំភ្លើងខ្លីវែងជាង២០០គ្រាប់។ ករណីយ៍នេះអធិការដ្ឋាននគរបាលស្រុកភ្នំស្រួច ខេត្តកំពង់ស្ពឺ បានអោយដឹងថា ចំណុចផ្ទះលំហែស្ថិតនៅភូមិថ្មី(ចំការតែ) ឃុំចំបក់ ស្រុកភ្នំស្រួច ខេត្តកំពង់ស្ពឺដែលមានការផ្ទុះអាវុធទាំងយប់អាទ្រាធគឺ ជារបស់ឈ្មោះ ឆាយ ភេទប្រុស អាយុប្រហែល២៨ឆ្នាំ(ខ្លះថាជាមន្ត្រីនគរបាលពាក់សក្តិ២?) រស់នៅរាជធានីភ្នំពេញ?។
ករណី បាញ់បោះសេរីបានកើតឡើង កាលពីថ្ងៃទី១១.១១.២០២៣ ចាប់ពីវេលាម៉ោង១៦:០០សរសៀល រហូតដល់យប់ជ្រៅ ក្នុងកម្មពីធីខួបកំណើតឈ្មោះ ឆាយដែលជាម្ចាស់ផ្ទះ ។ ។ទោះបីយ៉ាងណាបើតាមសេចក្តីរាយការណ៍នានាវិញថាផ្ទះនេះជាកម្មសិទ្ធរប់សឧត្តមសេនីយ៍ផ្កាយពីរកូនរបស់នាយឧត្តមសេនីយ៍ម្នាក់ទៅវិញ? ។ទាក់ទងនិងអង្គហេតុនៃការបាញ់បោះសេរីបង្កការភយ័ខ្លាចក្នុងតំបន់ទេសចរណ៍នេះវិញឈ្មោះ សេ ចូច ភេទប្រុស អាយុ៦៤ឆ្នាំ និងប្រពន្ធឈ្មោះ សឿន ស្រីធា អាយុ៣៨ឆ្នាំ ទាំង ០២នាក់ ជាអ្នកចាំដីផ្ទះចំណុចកើតហេតុបានប្រាប់សមត្តកិច្ច ថា៖ នៅថ្ងៃទី១១.វិច្ឆិកឆ្នាំ.២០២៣ វេលាម៉ោងប្រហែល១២:០០នាទី ឈ្មោះ ឆាយ បានមកពីភ្នំពេញ ដើម្បីរៀបចំកម្មពិធីខួបកំណើត ដោយមានមិត្តភក្តិរបស់គាត់ប្រហែលជិត ២០នាក់ មានស្រី មានប្រុស មកចូលរួមផឹកស៊ីផងដែរ ។
រហូតដល់វេលាម៉ោងប្រហែល ១៦:០០នាទី ថ្ងៃ ខែ ឆ្នាំដដែល ពេលដែលពួកគាត់ជួយរៀបចំផ្ទះ លៀងចាន-ឆ្នាំង អោយគេរួច ក៏នាំគ្នាទៅសំរាកនៅផ្ទះ របស់ឈ្មោះ រ៉ា ភេទប្រុស អាយុប្រហែល ៤៥ឆ្នាំ ជាអ្នករស់នៅជាប់របងគ្នា ស្រាប់តែនៅវេលាម៉ោងប្រហែល ២១:០០នាទី ថ្ងៃខែឆ្នាំដដែល ពួកគាត់បានលឺសូរសំលេងបាញ់កាំភ្លើងបន្តបន្ទាប់ នៅកន្លែងកម្មពិធី តែពួកគាត់មិនបានចេញមើលទេ ព្រោះខ្លាចមានគ្រោះថ្នាក់ ហើយពួកគាត់ក៏ពុំបានដឹងថាអ្នកណាជាអ្នកបាញ់ដែរ តែពួកគាត់និយាយបន្តទៀតថា កន្លងមកអោយតែម្ចាស់ផ្ទះអោយតែមានកម្មពិធីផឹកស៊ី គឺតែងតែបាញ់កាំភ្លើងលេងហើយ។
ដោយឡែកឈ្មោះ អ៊ុំ សាង បានឲ្យដឹងថា រូបគាត់កំពុងធ្វើការ(ជាកម្មករ) នៅចំណុចខាងក្រោយផ្ទះរបស់ឈ្មោះ ឆាយ ក៏ឃើញឈ្មោះ ឆាយ ឈរកាន់កាំភ្លើងខ្លីបាញ់ឡើងលើប្រហែលជា ១០គ្រាប់ ខណៈពេលដែលកំពុងផឹកស៊ីជាមួយមិត្តភក្តិរបស់គាត់ប្រហែល ០៧ ទៅ០៨នាក់ទៀត ពេលចប់ម៉ោងការងាររឈ្មោះ អ៊ុំ សាង ក៏ត្រឡប់ទៅផ្ទះវិញទៅ។ វត្ថុតាងរកឃើញជុំវិញកន្លែងកើតហេតុរួមមាន:សំបកគ្រាប់កាំភ្លើងខ្លីចំរុះចំនួន ១១២គ្រាប់សំបកគ្រាប់កាំភ្លើងM16ចំនួន ៣៦គ្រាប់សំបកគ្រាប់កាំភ្លើងAKចំនួន៥៥គ្រាប់ ។ សមត្ថកិច្ចកំពុងបន្តស្រាវជ្រាវស្វែងរកចាប់ជនសង្ស័យដែលជាអ្នកបាញ់បោះដោយសេរី និងអនាធិបតិយ្យដើម្បីយកមកដាក់ទោសទៅតាមផ្លូវច្បាប់ ។
ទាក់ទងក្រុមខ្មាន់កាំភ្លងបាញ់បោះសេរីបង្កការភ័យខ្លាចនេះលោក វ៉ី សំណាង នៅ ក្នុងកិច្ចប្រជុំគណកម្មការអុំទូក នៅរសៀលថ្ងៃទី១៣ ខែវិច្ឆិកា ឆ្នាំ២០២៣បានគូសបញ្ជាក់ថា ខ្មាន់កាំភ្លើង ត្រូវបានកំណត់មុខសញ្ញារួចហើយ ដូច្នេះសមត្ថកិច្ចពាក់ព័ន្ធទាំងអស់ ត្រូវតែនាំខ្លួនមកទទួលទោសចំពោះមុខច្បាប់ឱ្យខានតែបាន ទោះជាបុគ្គលនោះមានតួនាទី បុណ្យសក្តិ និងកូនអ្នកធំណាក៏ដោយ!។ លោក វ៉ី សំណាង បានលើកឡើងថា រាជរដ្ឋាភិបាលក៏ដូចជារដ្ឋបាលខេត្ត បានខិតខំរក្សានូវសុខសន្តិភាព និងសន្តិសុខ ដើម្បីឱ្យអ្នកវិនិយោគ និងភ្ញៀវ គេមករកស៊ីបណ្តាក់ទុន និងមកលេងកម្សាន្ត ប៉ុន្តែត្រូវបានភិតភ័យដោយក្រុមខ្មាន់កាំភ្លើងទាំងនេះ ដូច្នេះមិនត្រូវលើកលែងឱ្យឡើយ។
នៅរសៀលថ្ងៃទី១៣ ខែវិច្ឆិកា ឆ្នាំ២០២៣ ព្រះរាជអាជ្ញាអមអយ្យការសាលាដំបូងលោក ស៊ិន វិរៈ ក៏បានដឹកនាំក្រុមការងារចុះទៅដល់ទីតាំងផ្ទុះអាវុធនោះហើយដែរ ដើម្បីពិនិត្យស្រាវជ្រាវឈានដល់ការកសាងនីតិវិធីចាត់ការចំពោះជនខ្មាន់កាំភ្លើង និងបក្ខពួកផងដែរ។ដោយឡែកលោក នាយឧត្តមសេនីយ៍ គៀង សាវុធ អគ្គមេបញ្ជាការរងកងយោធពលខេមរភូមិន្ទដែលអ្នកលេងតាមបណ្តាញទំនាក់ទំនងសង្គម facebook ប្រព័ន្ធផ្សព្វផ្សាយ គេហទំព័រ អនឡាញ បង្ហោះព័ត៌មាន កូនប្រុសរបស់លោកឧត្តមសេនីយ៍ទោ គៀង ចាន់តួ អនុប្រធាននាយកដ្ឋាននគរបាលព្រហ្មទណ្ឌក្រសួងមហាផ្ទៃ ភ្ជាប់ទៅជាមួយ ករណីបាញ់បោះសេរី នៅលើភ្នំគិរីរម្យ ស្រុកភ្នំស្រួច ខេត្តកំពង់ស្ពឺនោះដែរ នៅថ្ងៃទី១៤ ខែវិច្ឆិកា ឆ្នាំ២០២៣ នាយឧត្តមសេនីយ៍ គៀង សាវុធ អគ្គមេបញ្ជាការរងកងយោធពលខេមរភូមិន្ទ បានចេញមកបដិសេធចំពោះករណីបាញ់នៅចំការតែ លើខ្នងភ្នំគិរីរម្យ គឺមិនមែនលោក និងកូនជាអ្នកបង្កនោះឡើយ! លោកធានាថា , បើសមត្ថកិច្ចស្រាវជ្រាវរកឃើញ ពិតជាកូនរបស់គាត់បានប្រព្រឹត្តនោះ គាត់សុខចិត្តដើរចូលពន្ធនាគារទាំងពីរនាក់ឪពុកនិងកូន។
តាមរយៈសារសំឡេង នាយឧត្តមសេនីយ៍ គៀង សាវុធ អគ្គមេបញ្ជាការរងកងយោធពលខេមរភូមិន្ទ បានបញ្ជាក់យ៉ាងដូច្នេះថា ” ខ្ញុំនាយឧត្តមសេនីយ៍ គៀង សាវុធ ជាអគ្គមេបញ្ជាការរង សូមអះអាង ចំពោះមុខច្បាប់ ពីបញ្ហាបាញ់បោះនៅចំការតែ លើភ្នំគិរីរម្យ.. មិនមានឈ្មោះ គៀងសាវុធ មិនមានឈ្មោះ គៀង ចាន់តួ ទេ! សូមមហាជនជ្រាប .! ហើយបើសិនជាតាមដានដឹង ឃើញពិតប្រាកដ , ខ្ញុំសូមអះអាងចំពោះមុខច្បាប់ថា , ទី១-គឺទទួលខុសត្រូវចំពោះមុខច្បាប់ អាចបកស័ក្ដិចេញ ទាំងពីរនាក់ឪកូន។ ទី២-ចាប់ដាក់ពន្ធនាគារទាំងពីរនាក់ឪកូន។ សូមមហាជនជ្រាប , នេះជាពាក្យពិតរបស់យើងខ្ញុំ គៀងសាវុធ ។
ក្រៅពីលោកអភិបាលខេត្តកំពង់ស្ពឺឧត្តមសេនីយ៍ទោ សម សាមួន ស្នងការនគរបាលខេត្តកំពង់ស្ពឺបានបញ្ជាក់ថា ករណីបាញ់បោះសេរីរហូតដល់ជាង២រយគ្រាប់នៅផ្ទះលំហែរលើខ្នងភ្នំគិរីរម្យ កាលពីយប់ថ្ងៃទី១១ ខែវិច្ឆិកា ពេលនេះសមត្ថកិច្ច កំណត់មុខសញ្ញាបានហើយ និងកំពុងបន្តនិតិវិធី។បើចឹងមែននោះតើឈ្មោះឆាយដែលគេស្គាល់ថាជាមន្ត្រីនគរបាលពាក់សកត្តិ២នៅនាយករដ្ឋាននគរបាលព្រហ្មទណ្ឌ័ក្រសួងមហាផ្ទៃជាមនុស្សតែម្នាក់សុខចិត្តទទួលទោសតែម្នាក់ឯងក្នុងករណីយ៍បាញ់បោះសេរីរហូតដល់ជាង២០០គ្រាប់?៕
