ទ្រីសក្កដាអ្នកសិល្បៈម្នាក់ព្រោះតែថយឡានបុកគេស្លាប់ត្រូវចោទពីបទប្រើគ្រឿងញៀននិងបង្កគ្រោះថ្នាក់ចរាចរសម្លាប់មនុស្ស!

ភ្នំពេញ៖ព្រះរាជអាជ្ញា សម្រេចធ្វើការចោទប្រកាន់លើឈ្មោះ ទ្រី សក្កដាករណីថយឡានបុ,កមនុស្សស្លា,ប់ ពីរករណី៖១៖បទ ប្រើប្រាស់ដោយខុសច្បាប់នូវសារធាតុញៀន, បើកបរក្រោមឥទ្ធិពលនៃគ្រឿងញៀន។២៖បទបើកបរបង្កគ្រោះថ្នាក់ចរាចរណ៍បណ្តាលឲ្យរបួស និងស្លាប់ដល់អ្នកដទៃបទល្មើសដែលត្រូវផ្តន្ទាទោសតាមមាត្រា ៤៥, មាត្រា ៦៣ នៃច្បាប់ស្តីពីការត្រួតពិនិត្យគ្រឿងញៀន, មាត្រា ៨៣ និងមាត្រា ៨៥ នៃច្បាប់ស្តីពីចរាចរណ៍ផ្លូវគោក។  

លោក ទ្រី សក្ដដា ត្រូវបានគេស្គាល់ថាជាតារាសម្តែងម្នាក់បានបានបើករថយន្តមកឈប់កណ្តាលផ្លូវពេលសមត្តកិចច្ចមកដាស់ឲ្យបើកចេញអែបកៀនក៏បើករថយន្តថយក្រោយមួយទំហឹងដោយមិនប្រុងប្រយ័ត្ន បណ្តាលឱ្យបុករថយន្តចំនួន ២គ្រឿង និងកិនម៉ូតូមួយគ្រឿងនៅផ្លូវលេខ ៥៩៨ សង្កាត់ភ្នំពេញថ្មី ខណ្ឌសែនសុខ រាជធានីភ្នំពេញនាថ្ងៃតី៧ ខែ សីហា ។

ហេតុការណ៍នេះ បណ្តាលឱ្យយុវតីខ្មែឥស្លាមម្នាក់ស្លាប់ ខណៈស្ត្រីជាម្តាយរងរបួសធ្ងន់ ត្រូវបានបញ្ជូនទៅសង្គ្រោះនៅមន្ទីរពេទ្យ។ យុវតីនេះជាអ្នករស់នៅក្នុងសង្កាត់ច្រាំងចំរេះ២ ខណ្ឌឬស្សីកែវ ភ្នំពេញ។លទ្ធផលតេស្ត លោកទ្រី សក្កដា ត្រូវបានគេរកឃើញថាមានសារធាតុគ្រឿងញៀនថែមទៀត។

លោក ហេង រតនា ស្នងការរង នៃស្នងការដ្ឋាននគរបាលរាជធានីភ្នំពេញ បានប្រកាសជាផ្លូវការថា ផែននគរបាលចរាចរណ៍បានពឹងពាក់មេធាវីប្រចាំផែន ដើម្បីប្តឹងជនបង្កឈ្មោះ ទ្រី សក្ដដា ករណីបើកបរក្រោមឥទ្ធិពលនៃសារធាតុញៀន បណ្តាលឱ្យកុមារីម្នាក់ស្លាប់បាត់បង់ជីវិត និងស្ត្រីជាម្តាយរងរបួសធ្ងន់ធ្ងរ។

ការប្រកាសនេះត្រូវបានធ្វើឡើងក្នុងបរិបទដែលករណីគ្រោះថ្នាក់ចរាចរណ៍ខាងលើបានបង្កការចាប់អារម្មណ៍ និងការសោកស្តាយយ៉ាងខ្លាំងក្នុងចំណោមមហាជន ជាពិសេសដោយសារមានអ្នកស្លាប់ និងអ្នករងរបួសធ្ងន់។

យោងតាមការបញ្ជាក់លើបណ្តាញសង្គម លោក ហេង រតនា បានសរសេររៀបរាប់យ៉ាងដូច្នេះថា៖

> «ពេលនេះផែននគរបាលចរាចរណ៍នៃស្នងការដ្ឋាននគរបាលរាជធានីភ្នំពេញបានពឹងពាក់មេធាវីប្រចាំផែនចរាចរណ៍ប្តឹងលោកទ្រីសក្កដាដែលបានបើកបរដោយមានសារធាតុញៀនធ្វើអោយម្តាយរបួសធ្ងន់ធ្ងរខ្លាំងនឹងកូនស្រីស្លាប់ដែលគួរអោយអាណិតបំផុតនោះជាផ្លូវការដោយមិនអោយរួចខ្លួនបានឡើយ»។